Selva temperada umida
![](http://178.128.105.246/content-http-upload.wikimedia.org/wikipedia/commons/thumb/5/5e/Termas_geometricas.jpg/230px-Termas_geometricas.jpg)
La selva temperada umida o bòsc temperat umid es un tipe de selva que se tròba a las latituds temperadas del mond ont las precipitacions son abondantas, compausat de conifèrs o de fuelhuts.
Las condicions umidas de las selvas temperadas umidas abrigan generalament un sotabòsc de mossas, de falguièiras e d'unes arbustes. Aquelas selvas podon èsser: selvas temperadas de conifèrs o selvas temperadas de fulhoses e mixtes.
Aquels bòsques an los nivèls de biomassa mai enauçats de totes los ecosistèmas terrèstres e son notables per la granda talha dels arbres coma lo sequòia (Sequoia sempervirens), l'avet de Douglas (Pseudotsuga menziesii), lo piceà de Sitka (Picea sitchensis) etc.
Definicion
[modificar | Modificar lo còdi]Per los bòsques temperats umids d'Amèrica del Nòrd, la definicion de P.B. Alaback[1]es amplament acceptada[2]:
- Precipitacion annala superiora a 1400 mm.
- Temperatura mejana annala entre 4 e 12 °C
Pasmens, la precipitacion annala requerida depend de factors com la distribucion de la pluèja al long de l'an, las temperaturas durant lo cors de l'an e la preséncia de la nèbla. Las definicions dins d'autres païses ont i a de bòsques temperats umids son diferentas. Per exemple la definicion per aquestes tipes de bòsques australians es ecologica puslèu que climatica:
- La cobertura del brancatge ocupa almens 70% del cèl.
- Lo bòsc es compausat principalament pels arbres, que necessitan pas una regeneracion pels incendis mas que son plantolièr es capable de se regenerar jos l'ombra e en clarianas naturalas.[3]
Distribucion
[modificar | Modificar lo còdi]![](http://178.128.105.246/content-http-upload.wikimedia.org/wikipedia/commons/thumb/f/fe/Temperate_rainforest_map.svg/450px-Temperate_rainforest_map.svg.png)
Los bòsques temperats cobrisson una granda part del mond, mas los de tipe umid apareisson solament dins paucas regions.
La majoritat d'aquelas selvas se tròban dins de climas oceanics umids:
- Selvas pluvialas temperadas del Pacific al Nord-oèst Pacific, del sud-èst d'Alaska a la còsta centrala de Califòrnia.
- Bòsques valvidianas e bòsques magallanics subpolars del sud de Chile e d'Argentina.
- Retalhs de bòsques temperats umids del nòrd-oèst d'Euròpa: de Norvègia al nòrd d'Espanha.
- Bòsques temperats umids al sud-èst d'Austràlia, als estats de Tasmania e Victòria.
- Bòsques temperats de l’Illa del Sud de Nòva Zelanda, sus sa còsta occidentala.
Autres son presents en climas subtropicals umids:
- Bòsques montans de Knysna-Amatole en Sud-Africa.
- Bòsques de la Còlquida a l'èst de la Mar Negra en Turquia e Georgia.
- Bòsques de la Caspiana en Iran e Azerbaitjan.
- Bòsques oscos de montanha temperada umida de l'èst de Taiwan sus sa còsta pacifica.
- Bòsques de la còsta orientala de la peninsula coreana, sus tota la longor de la Baekdudaegan, dins la zòna qu'entorna lo Jirisan, e sus la còsta sud de la peninsula.
- Bòsques sempervirents del Taiheiyo al sud-oèst de Japon.
- Bòsques de la còsta de Nòva Galas del Sud, en Austràlia.
- Bòsques de l'Illa del Nòrd de Nòva Zelanda.
De mai, de zònas de selva temperada umida se rencontran dins de climas malgracioses que son pas classats unicament per las precipitacions annualas, mas tanben per lo nombre de jorns nivoloses, atal que lo nombre de jorns de precipitacions mesurablas jos fòrma de pluèja o de nèu. En aquelas climas continentals, se tròban d'unas selvas temperadas umidas de conifèrs o de bòsques mixtes, coma:
- Dins las Montanhas Rocosas de la Colómbia Britanica, lo nòrd d'Idaho e lo nòrd-oèst de Montana.
- Dins la part de l'extrèm orient rus: Ussuri, Manchoria e Sakhalin.
Autres climas:
- Sus lo planòl d'Allegheny e dins las montanhas Apalaches, de Virgínia Occidentala cap a Nòva Anglatèrra.
- Dins lo sud de las montanhas Apalaches, se tròba la selva temperada umida dels Apalaches. La selva s'esten de l'oèst de Virgínia cap al nòrd de Georgia e l'èst de Tennessee.
- Los bòsques sempervirents del Massís del Changbai, situat entre la Republica Populara de China e Corèa del Nòrd.
Articles connèxes
[modificar | Modificar lo còdi]Nòtas e referéncias
[modificar | Modificar lo còdi]- ↑ Alaback, P.B. 1991: Comparative ecology of temperate rainforests of the Americas along analogous climatic gradients. Rev. Chil. Hist. Nat. 64: 399–412.
- ↑ «A Review of Past and Current Research».
- ↑ Floyd, A. 1990: Australian Rainforests in New South Wales, Volume 1. Surrey Beatty & Sons Pty Ltd, Chipping Norton, NSW.