Sultanat Ajuran
![](http://178.128.105.246/content-http-upload.wikimedia.org/wikipedia/commons/thumb/1/17/Gondereshe2008.jpg/220px-Gondereshe2008.jpg)
Lo Sultanat Ajuran es un estat somalian qu'existiguèt entre lei sègles XIII e XVII. Integrat au comèrci maritim de l'Ocean Indian[1], fa partida d'un ensemble de sultanats musulmans installats dins la Bana d'Africa. Gràcias a una administracion centralizada e una armada ben organizada, resistiguèt ais invasions oromos vengudas de l'oèst e ais expedicions maritimas portuguesas e omanesas. De mai, aviá lo contraròtle de flumes costiers capables d'assegurar l'aigatge de son agricultura.
Agantèt son apogèu au sègle XV e organizèt un Estat poderós amb la construccion de castèus e de fortalesas ais endrechs estrategics. Au nivèu religiós, aguèt un ròtle important dins la difusion de l'islam en Africa Orientala car fòrça tribüs acceptèron de se convertir en causa de son influéncia marchanda. Pasmens, au sègle XVII, lo govèrn ajuran venguèt pus autoritari, çò qu'entraïnèt de revòutas importantas. Aquò menèt a la fragmentacion dau sultanat