Wilhelm Frick
![](http://178.128.105.246/content-http-upload.wikimedia.org/wikipedia/commons/thumb/7/76/Wilhelm_Frick_72-919.jpg/220px-Wilhelm_Frick_72-919.jpg)
Wilhelm Frick (12 de març de 1877, Alsenz - 16 d'octòbre de 1946, Nurembèrg) èra un òme politic alemand. Dignitari dau partit nazi, ministèri de l'Interior puei « protector » de Boèmia-Moràvia, foguèt condamnat a mòrt e executat a l'eissida dei Procès de Nuremberg.
Foncionari de Bavièra, venguèt cap de la polícia de Munic en 1923 e utilizèt sa posicion per favorizar leis activitats dau NSDAP. Participèt tanben au putsch de la braçariá qu'entraïnèt son licenciament. Pasmens, elegit deputat en 1924, venguèt rapidament un cap important dau partit e foguèt lo premier ministre nazi en 1930 dins lo land de Turíngia. Puei, en 1933, foguèt nomat ministre de l'Interior dau Reich e lo demorèt fins a 1943. Participèt activament a l'adopcion dei legislacions antisemitas dau regime nazi, au rearmament alemand, a « l'arianizacion » dei companhiás e a l'organizacion de l'Olocaust. Pasmens, perdiguèt pauc a pauc son influéncia au profiech de Heinrich Himmler, cap de totei lei fòrças de polícia dempuei 1936. En 1943, li laissèt son pòste de ministre de l'Interior e foguèt nomat « protector » de Boèmia-Moràvia.
Arrestat a l'eissida de la Segonda Guèrra Mondiala, foguèt condamnat a mòrt per complòt e crimes còntra la patz, crimes de guèrra e crimes còntra l'Umanitat ai Procès de Nuremberg. Foguèt executat lo 16 d'octòbre de 1946.