Sakup (biolohia)
![Deng miyayaliwang lebel o balitang ning sientipikung sistema ning pamitinduk-tinduk (scientific system of classification).](http://178.128.105.246/content-http-upload.wikimedia.org/wikipedia/commons/thumb/e/e8/Biological_classification_L_Pengo_-_pam.png/150px-Biological_classification_L_Pengo_-_pam.png)
![](http://178.128.105.246/content-http-upload.wikimedia.org/wikipedia/commons/6/6b/Magnify-clip.png)
King taxonomiang pang-biolohia, ing sakup o king Ingles, domain (a mayayaus muring superregnum, superkingdom, o empire) ing pekamataus a ranggung pang-taxonomia da reng organismu, a mas matas kesa king kaarian. Agpang king three-domain system nang Carl Woese a mipakilala aniang 1990, ing Pun ning Bie o Tree of Life bibilugan de reng makatuking sakup o domain: Archaea, Eubacteria ampong Eukaryota. Masasalamin kanitang pamanayus karing taxa ing pekamaulagang pamiyaliwa-liwang makayamut king ebolusion a mayayakit king genome. Ating mapilang alternatibu o aliwang mimunikalang klasipikasiun ning bie:
- Ing two-empire system or Superdomain system, nung nu deng grupung pekamatas ila pin deng imperiu (empire) a Prokaryota (o Monera) ampong Eukaryota.
- Ing six-kingdom system nung nu deng grupung pekamatas ila pin deng Eubacteria, Archaebacteria, Protista, Fungi, Plantae, ampong Animalia.
Uling keraklan makabasi la reti king pamanigaral kareng impormasiun king genetic sequence ampong cladistics, mapaliaring mika bayu pang pamanayus o sistemang mimunikala.