Societad Svizra da Radio e Televisiun
Societad Svizra da Radio e Televisiun SRG SSR | |
---|---|
![]() | |
Furma d'interpresa | Uniun da dretg privat[1] |
Fundaziun | 1931 |
Sedia | Berna, Svizra |
Direcziun |
Armin Walpen |
Emploiads |
5'861 (2006) |
Svieuta |
1,546 mia. CHF (2006) |
Branscha | Meds da massa |
Pagina-web |
La Societad Svizra da Radio e Televisiun (SSR) è in'uniun tenor l'artitgel 60 ss. dal Cudesch civil svizzer[1] cun sedia a Berna ed organisaziun purtadra da l'interpresa da meds da massa la pli gronda en Svizra. Sia purschida sa referescha principalmain al public svizzer. La SRG SSR lavura sut ina concessiun speziala da la Confederaziun ch'affida ad ella incumbensas vastas en servetsch dal public general («service public»).
Num
[modifitgar | modifitgar il code]![](http://178.128.105.246/content-http-upload.wikimedia.org/wikipedia/rm/thumb/f/f7/Srgssr-logo.svg/250px-Srgssr-logo.svg.png)
A partir dal 1999 è la Societad Svizra da Radio e Televisiun sa preschentada cun il num da fatschenta SRG SSR idée suisse, nua che SRG ed SSR stattan per ils nums uffizials da l'uniun en ils quatter linguas naziunalas ed idée suisse per il concept svizzer dal service public. Cun la davosa restructuraziun ch'è vegnida effectiva il 1. da schaner 2011 han ins allontanà l'agiunta idée suisse dal num da fatschenta e sa preschentà sin plaun surregiunal mo sco SRG SSR. Sin plaun regiunal han ins «reactivà» ils nums tradiziunals en las linguas da las quatter regiuns linguisticas svizras.
Organisaziun e structura da l'interpresa
[modifitgar | modifitgar il code]SRG SSR sco associaziun dad uniuns
[modifitgar | modifitgar il code]La Societad svizra da radio e televisiun è in'associaziun dad uniuns da la quala mintgin po daventar commember. Quest'associaziun dad uniuns furma l'uniun purtadra da la SRG SSR. Ella funcziuna sco punt tranter il public e l'interpresa. Ils commembers prendan influenza sin la SRG SSR sco ils acziunaris dad ina societad d'aczias.
L'uniun purtadra da la SRG SSR sa cumpona da quatter societads regiunalas ch'en la Svizra tudestga e franzosa èn puspè divididas en singulas cuminanzas da commembers. Questas cuminanzas da commembers pon esser sutdivididas plinavant en secziuns. Las societads regiunalas da la SRG SSR èn las suandantas:
- SRG.D: SRG idée suisse Deutschschweiz: Radio- und Fernsehgesellschaft der deutschen und rätoromanischen Schweiz (RDRS)
- SRG idée suisse Zürich Schaffhausen (Radio- und Fernsehgenossenschaft Zürich RFZ)
- Sektion 1 Stadt Zürich
- Sektion 2 Limmattal, Knoaueramt, Zürichsee linkes Ufer
- Sektion 3 Zürichsee rechtes Ufer, Zürich Oberland
- Sektion 4: Winterthur/Weinland, Schaffhausen, Zürcher Unterland
- SRG idée suisse Bern Freiburg Wallis (Radio- und Fernsehgenossenschaft Bern, Deutschfreiburg, Oberwallis RGB)
- SRG idée suisse Freiburg (Radio-und Fernsehgesellschaft Deutschfreiburg FRF)
- SRG idée suisse Wallis (Radio- und Fernsehgesellschaft Oberwallis RFO)
- SRG idée suisse Region Basel (Radio- und Fernsehgenossenschaft Basel RFG)
- SRG idée suisse Ostschweiz (Ostschweizerische Radio- und Fernsehgesellschaft ORG)
- SRG idée suisse Zentralschweiz (Zentralschweizer Radio- und Fernsehgesellschaft RZG)
- SRG idée suisse Uri
- SRG idée suisse Schwyz
- SRG idée suisse Obwalden
- SRG idée suisse Nidwalden
- SRG idée suisse Luzern
- SRG idée suisse Zug
- SRG idée suisse Aargau Solothurn (Radio- und Fernsehgesellschaft Aargau/Solothurn RAS)
- SRG idée suisse Zürich Schaffhausen (Radio- und Fernsehgenossenschaft Zürich RFZ)
- RTSR: SSR idée suisse Romande: Société de Radio-Télévision Suisse Romande
- SSR idée suisse Berne (Radio-Télévision Suisse Romande SRT)
- SSR idée suisse Fribourg (Radio-Télévision Suisse Romande SRT)
- SSR idée suisse Genève (Radio-Télévision Suisse Romande SRT)
- SSR idée suisse Jura (Radio-Télévision Suisse Romande SRT)
- SSR idée suisse Neuchâtel (Radio-Télévision Suisse Romande SRT)
- SSR idée suisse Valais (Radio-Télévision Suisse Romande SRT)
- SSR idée suisse Vaud (Radio-Télévision Suisse Romande SRT)
- CORSI: Società cooperativa per la radiotelevisione nella Svizzera italiana
- SRG.R: SRG SSR Svizra Rumantscha
- swissinfo
Ils organs da l'associaziun sin plaun naziunal èn:
- la Radunanza da delegads sut la direcziun dal president da la SRG SSR
- il Cussegl d'administraziun
- il Post da revisiun
- il Comité directiv
A la radunanza da delegads ed al cussegl d'administraziun sin plaun naziunal correspundan en las societads regiunalas ils cussegls regiunals e lur cussegls d'administraziun. Ulteriurs organs èn ils cussegls dal public ed ils servetschs da mediaziun elegids dad els.
L'interpresa
[modifitgar | modifitgar il code]L'interpresa SRG SSR vegn dirigida da la direcziun generala sut la presidenza dal directur general ed il cussegl d'administraziun. Ad ella suttastattan las uschenumnadas unitads d'interpresa. Dapi il 2011 èn quai:
- Radiotelevisione svizzera (RSI)
- Radiotelevisiun Svizra Rumantscha (RTR)
- Radio Télévision Suisse (RTS)
- Schweizer Radio und Fernsehen (SRF)
- Swissinfo (swissinfo.ch)
Las duas unitads d'organisaziun naziunalas «Media Services» (MSC) e «Business Unit Sport» (BUS) èn organisaziuns autonomas ch'executeschan prestaziuns da servetsch per la SRG SSR.
Ultra da quai appartegnan a l'interpresa SRG SSR las suandantas societads affiliadas (stan 2011):
- la Technology and Production Center Switzerland AG (TPC), ex tv productioncenter zürich ag
- la societad gestiunaria da teletext Swiss TXT AG
- la societad da reclama publisuisse SA
- la societad da sincronisaziun Telvetia SA
- la Mxlab AG, gestiunaria da Mx3
- la MCDT AG per la promoziun dal radio digital DAB/DAB+
La societad
[modifitgar | modifitgar il code]Schebain che la SRG SSR è in'uniun da dretg privat ed in'interpresa independenta retschaiva ella sper la concessiun da la Confederaziun (necessari per tut ils meds da massa electronics) er in'incumbensa legala clera per l'uschenumnà «service public». Quai vul dir che la SRG SSR è responsabla per proveder tut las regiuns linguisticas cun in provediment d'infurmaziuns garantì ed in program da divertiment, educaziun e cultura. Per garantir quai retschaiva ella ina gronda part da las entradas da las taxas da recepziun (70 %) che vegn pretaisas da la Billag.
Ils emetturs da la SSR
[modifitgar | modifitgar il code]La SRG SSR e sias unitads d'interpresa produceschan 17 emetturs da radio e set emetturs da televisiun.
Radio
[modifitgar | modifitgar il code]- 6 emetturs en lingua tudestga da Schweizer Radio und Fernsehen (SRF)
- Radio SRF 1 - program cumplain
- Radio SRF 2 Kultur - cultura
- Radio SRF 3 - musica da pop
- Radio SRF 4 News - novitads ed infurmaziuns
- Radio SRF Virus - program per giuvenils
- Radio SRF Musikwelle - musica populara
- 4 emetturs en lingua franzosa da Radio Télévision Suisse (RTS)
- La Première - program cumplain e d'infurmaziuns
- Espace 2 - cultura
- Couleur 3 - musica da pop
- Option Musique - chansons ed autra musica franzosa
- 3 emetturs en lingua taliana da Radiotelevisione svizzera di lingua italiana (RSI)
- 1 emettur en lingua rumantscha da Radiotelevisiun Svizra Rumantscha (RTR)
- Radio Rumantsch (Radio RTR)
- 1 emettur en lingua englaisa
- World Radio Switzerland (WRS)
- 3 emetturs da musica da Swiss Satellite Radio
- Radio digital DAB (Digital Audio Broadcasting)
Ils 17 da favrer 1999 ha il Cussegl federal dà a la SRG SSR idée suisse la concessiun da crear ina rait da DAB en Svizra. Il medem onn han ils emprims emetturs en la regiun gronda da Berna-Soloturn cumenzà dad emetter programs. Ils onns 1999 e 2000 suondan las regiuns Interlaken-Berna-Bienna e Baden-Turitg-Winterthur sco era la regiun dal Lai da Genevra e l'aglomeraziun da Basilea. Dapi l'onn 2001 vegnan era las pli impurtantas axas da traffic ost-vest (incl. ils tunnels gronds) e parts da l'axa nord-sid provedì cun DAB. Actualmain (stan 2007) pon 80 % da la populaziun svizra retschaiver il radio digital DAB. Per il 2009 è prevedì la cuverta da la Svizra entira cun emissiuns en DAB.
La SRG SSR emetta en ils trais regiuns linguistics mintgamai in agen ensemble da 9 fin 11 emetturs.
Televisiun
[modifitgar | modifitgar il code]- 3 emetturs en lingua tudestga dal Schweizer Radio und Fernsehen (SRF)
- 3 emetturs en lingua franzosa da Radio Télévision Suisse (RTS)
- 2 emetturs en lingua taliana da Radiotelevisione svizzera di lingua italiana (RSI)
- La Radiotelevisiun Svizra Rumantscha (RTR) n'emetta betg in agen chanal da televisiun. L'emissiun da mintgadi Telesguard vegn emess sin SRF 1, SRF info e LA2. Plinavant dispona la RTR dad ina pli lunga plazza d'emissiun la dumengia suentermezdi sin SRF 1.
Teletext
[modifitgar | modifitgar il code]- Derasaziun dad infurmaziuns en las quatter linguas naziunals (Swiss TXT)
Internet
[modifitgar | modifitgar il code]- Ina plattafurma d'infurmaziuns per Svizzers a l'exteriur en nov linguas da swissinfo cun servetschs divers.
Indrizs da transmissiun
[modifitgar | modifitgar il code]Ils indrizs da transmissiun tras ils quals las chanals da la SSR vegnan emessas appartegnan dapi l'entschatta 2002 a la Swisscom Broadcasting (l'anteriura PTT), ch'è era responsabla per il funcziunament dals implants. Ils indrizs da transmissiun ils pli enconuschents èn:
- Landessender Beromünster (ord funcziun)
- Tur da televisiun da Berna-Bantiger
- Tur da televisiun da St. Chrischona
- Tur da televisiun sin l'Uetliberg
- Landessender Sarnen (ord funcziun)
Istorgia
[modifitgar | modifitgar il code]
Referenzas
[modifitgar | modifitgar il code]- ↑ 1,0 1,1 Uniun purtadra (rumantsch)
Colliaziuns
[modifitgar | modifitgar il code]- Pagina d'internet da la SRG SSR (rumantsch)
- SRG SSR Timeline Cronica multimediala da la Svizra (rumantsch)
- Swissinfo (englais, tudestg, franzos, talian, spagnol, portugais, giapunais, arab, chinais)
|