Ан-2
Тас көрүҥэ
Ан-2 — чэпчэки ыйааһыннаах икки кынаттаах (биплан) көтөр аал. Биир 1000 ат күүстээх "АШ-62ИР" мотуордаах. Көтөр ыйааһына — 5250 кг.[1]
Устуоруйата
[уларыт | биики-тиэкиһи уларытыы]"Ан-2" Антонов КБ-та оҥорон таһаарбыта. 1947 сыл атырдьах ыйын 31 күнүгэр Володин П.Н. летчик-испытатель бастаан көтүппүтэ. Кукурузник диэн ааты 50 сыллардаахха тыа хаһаайыстыбаҕа туһаннылларын иһин ылбыта. ССРС-ка барыта 5 тыһ. аал оҥоһуллубута. 1960 сыллардаахха Кытайга лицензияннан оҥоһуу саҕаламмыта. Барыта 1992 сылга диэри 950 Y-5 диэн ааттаах аал оҥоһуллубута. Ону таһынан Польшаҕа оҥоһуллар этэ. Уопсайынан 1992 сылга диэри 12 тыһыына аал оҥоһуллубута.
Саха сиригэр билиҥҥэ дылы киэҥник туттулла турар.
Кээмэйдэрэ
[уларыт | биики-тиэкиһи уларытыы]![](http://178.128.105.246/content-http-upload.wikimedia.org/wikipedia/commons/thumb/3/3c/Antonov_An-2_3view.svg/300px-Antonov_An-2_3view.svg.png)
- Уһуна: 12,4 м
- Үрдүгэ: 5,35 м
- Үөһээҥҥи кынаттарын: 18,17 м
- Алларааҥҥы кынаттарын кэтитэ: 14,23 м
- Кынаттарын иэнэ: 71,52 м²
- Кабинатын кээмэйдэрэ:
- устата: 4,1 м
- үрдүгэ: 1,8 м
- кэтитэ: 1,6 м
- Кураанах аал ыйааһына: 3400-3690 кг
- Көтөн тахсар ыйааһына: 5500 кг
- Таһаҕас ыйааһына: 1500 кг (эбэтэр 12 пассажир)
- Уматыга: ≈1240 л
- Түргэнэ: чааска 150—190 км.
- Көтөр ырааҕа: 990 км.
- Көтөр үрдүгэ: 4500 м.
Сааххаллар
[уларыт | биики-тиэкиһи уларытыы]2009 сыл туругунан уопсайа 300 аал сааххалланна [2]. Ол иһигэр Саха сиригэр:
Дата | Аал нүөмэрэ | Буолбут сирэ | Өлүктэр/киһи ахсаана | Кылгас быһаарыы |
---|---|---|---|---|
05.07.1960 | 98282 | Алдантан 145 км | 3/4 | Геофизиктары тиэйэ сылдьан хонууга олорон иһэн 50 үрдүккэ хайаҕа охсуллубут, экипаж алҕаһа |
03.01.1964 | 23740 | Баатаҕай аэропорт таһыгар | 2/2 | Олорон иһэн, экипаж алҕаһа |
11.10.1971 | 47678 | Төбүлэхтэн 19 км | 6/7 | Күн-дьыл туруга, экипаж алҕаһа |
11.04.1972 | 44937 | Дьүкээгир авиаплощадката, Усуйаана улууһа | 1/2 | Көтөн тахсан иһэн, экипаж алҕаһа |
27.10.1979 | 32322 | Ленскэй аэропорда | 3/12 | 10 уонна 12 мэстэҕэ олорооччу пассажирдар туран хаама сылдьыбыттар. Ол түмүгэр аал центровката кэһиллибит уонна сиргэ түспүт. |
28.04.1981 | 92864 | Лазо таһыгар, Үөһээ Дьааҥы улууһа | 12/12 | түһэн иһэн, экипаж алҕаһа |
20.06.1985 | 91783 | Хонуу, Муома улууһа | 0/3 | Муома совхоз сайаапкатынан Сааһырга таһаҕас тиэйэн көппүт. Таһаҕын ыйааһына 1 619 кг этэ, ол аата көҥүллэнэр таһымыттан 119 кг аһарбыт. Көтөн тахсан иһэн сууллубут. |
26.08.1988 | 01788 | Кыстатыам, Эдьигээн улууһа | 1/2 | экипаж алҕаһа |
08.07.1998 | RA-02823 | Маҕан аэропорт аттыгар | 1/10 | мотуора аккаастаабыт |
23.04.2001 | RA-01122 | Кэбээйи | 0/13 | экипаж алҕаһа |
18.11.2005 | RA-02252 | Сангаартан 31 км | 0/12 | экипаж алҕаһа, күн-дьыл туруга |
24.06.2007 | RA-81505 | Сииктээх, Булуҥ улууһа | 0/3 | экипаж алҕаһа |
30.04.2009 | RF-00842 | Нөмүгү таһыгар, Хаҥалас улууһа | 3/3 | экипаж алҕаһа |
Быһаарыылар
[уларыт | биики-тиэкиһи уларытыы]Ссылки
[уларыт | биики-тиэкиһи уларытыы]- Самолёт Ан-2. Инструкция по эксплуатации, 2 изд., Оборонгиз, 1959, 178 с.
- Сайт, посвященный АН-2
- Список потерянных самолетов Ан-2 (с 1958 года)
- Фотоальбом об испытаниях Ан-2В на пластиковых поплавках Архыыптаммыт 2014, Атырдьах ыйын 15 күнүгэр.
- Ан-2 Архыыптаммыт 2011, Атырдьах ыйын 18 күнүгэр. на сайте «Сервис и Технологии»
- Фотографии Ан-2 Архыыптаммыт 2010, Ахсынньы 13 күнүгэр.
- Фотографии Ан-2 из Соколовой Балки, Полтавская обл.
- Фотографии Ан-2СХ из Кыргызского Авиационного колледжа