Debrecen
![](http://178.128.105.246/content-http-upload.wikimedia.org/wikipedia/commons/thumb/1/15/Debrecen_l%C3%A1tk%C3%A9pe.jpg/262px-Debrecen_l%C3%A1tk%C3%A9pe.jpg)
![](http://178.128.105.246/content-http-upload.wikimedia.org/wikipedia/commons/thumb/1/1d/Debreceni_j%C3%A1r%C3%A1s.png/262px-Debreceni_j%C3%A1r%C3%A1s.png)
Debrecen est sa de duas tzitades prus manna e pobulada de s'Ungheria a pustis de Budapestu su cabitale, contende cun 213.703 abitadores. S'agatat in sa provìntzia nordu-orientale de Hajdu-Bihar e nd'est sa cabitale. Tzentru curturale, econòmigu e turìstigu, Debrecen est una de sas tzitades ungheresas a s'isvilupu prus dinàmigu.
Fontomadu pro sa prima bia in unu documentu iscritu in su de 13 sègulos, Debrecen fiat devènnidu leada de provìntzia in su 1.361 e in su 1.693 nche fiat pesadu a su rangu de tzitade reale lìbera. In tempus de s'istòria, fiat istada duas bias sa sea de su paralamentu mazaru, respetivamente intre su 1.848 e su 1.849 e in su 1.944. In su barigare de sa segunda gherra mundiale, aiat sufertu dannos cussideràbiles. Sa festa de sa tzitade s'isvilupat s'11 de abrile.
Debrecen tenet un'abioportu minore, situadu a pagos chilòmetros dae sa leada, chi cumintzat a s'aberrer a su tràfigu internassionale de passizeris. Sa cumpanzia ungheresu-polonesa de costu bassu Wizzair aiat ammanitzadu de reghente una relassione cun Milanu Malpensa, chi at tentu paga dura pro neghe de sa dimanda iscassa.