ITA Airways
![](http://178.128.105.246/content-http-upload.wikimedia.org/wikipedia/sc/thumb/1/11/Provintzia_de_Casteddu-Istemma.png/26px-Provintzia_de_Casteddu-Istemma.png)
![](http://178.128.105.246/content-http-upload.wikimedia.org/wikipedia/sc/thumb/1/11/Provintzia_de_Casteddu-Istemma.png/26px-Provintzia_de_Casteddu-Istemma.png)
logudoresu · LSC · nugoresu
![](http://178.128.105.246/content-http-upload.wikimedia.org/wikipedia/commons/thumb/7/75/ITA_Airways_Logo.svg/220px-ITA_Airways_Logo.svg.png)
Italia Trasporto Aereo S.p.A. (Itàlia Carrìngiu Aèreu), chi òperat cumenti ITA Airways[1], est sa cumpangia aèrea de bandera de s'Itàlia, chi partendi de su 15 de su mesi de ladàmini de su 2021 at mudau sa cumpangia bèccia Alitalia, de chi at acuistau su macru[2]. Est possedida a su 100% de su Ministèriu de s'economia e de is finàntzias.
Stòria
[modìfica | modìfica su còdighe de orìgine]ITA Airways nàscit po dotai s'Itàlia de una cumpangia de bandera, a sighiu de su tèrmini de s'aministrada straordinària de Alitalia, cun chi sa Cumissioni europea, po autorizai su guvernu italianu a costituiri una sotziedadi pùblica noa po su carrìngiu aèreu, at pediu una discontinuidadi crara. Tali arresolutzioni est stada assùmida fintzas in virtudi de sa congruida lòmpia de sa matessi Cumissioni europea de decrarai illegali su prèstidu-ponti de 900 millionis de èurus cuntzèdiu de s'Itàlia a Alitalia in su 2017 e chi depit essi torrau de Alitalia in aministrada straordinària e no de ITA, pròpiu in virtudi de sa discontinuidadi econòmica.
Sa sotziedadi pigat is orìginis suas in su decretu-lei 18/2020 (posca bortau in lei n. 27/2020), aundi, in s'artìculu 79, comma 3, benit autorizada "sa costitutzioni de una sotziedadi noa castiada a manera intrea de su Ministèriu de s'economia e de is finàntzias [..] po s'impreu de sa faina de impresa in su setori de su trasportu aèreu de personis e mertzes". Est stau prevìdiu unu primu stantziamentu de 20 millionis de capitali sotziali, artziaus a 700 millionis in su trìulas de su 2021[3].
S'azienda benit costituida cun su nòmini Italia Trasporto Aereo S.p.A. (in sigla ITA), su 9 de su mesi de ladàmini de su 2020, cun decretu apòsitu inter-ministeriali chi, arrajanendi s'istatutu, at providiu a nominai su cussìgiu de aministrada e su collègiu sindacali, cun Francesco Caio a presidenti e Fabio Lazzerini a aministradori delegau. Posca est diventau presidenti Alfredo Altavilla su 17 de làmpadas de su 2021.
Su 14 de su mesi de ladàmini de su 2021, ITA at pigau su brand e su giassu web de Alitalia po 90 millionis de èurus[4]. Is primu dus aeroplanus a livrea ITA funt staus EI-EJN (Airbus A330) e EI-EIB (Airbus A320)[5][6]. Su primu bolu de sa cumpangia est decollau de Milanu-Linate e est aterrau a Bari-Palese su mengianu de su 15 de su mesi de ladàmini de su 2021[7]; is passigeris de totu is bolus Alitalia prevìdius po is datas a pustis de su 15 de su mesi de ladàmini no ant a essi bortaus subra bolus ITA ma ant a arriciri unu rimbursu de su guvernu italianu, chi at criau unu fundu apòsitu cun 100 millionis de èurus de dotatzioni[8][9].
Riferimentus
[modìfica | modìfica su còdighe de orìgine]- ↑ (IT, EN) Situ de sa sotziedadi, in itaspa.com.
- ↑ (IT) Leonard Berberi, La vecchia Alitalia rinasce come Ita Airways (e cambia colore), in Corriere della Sera, 15 santugaine 2021. URL consultadu su 19 santugaine 2021.
- ↑ (IT) Ita, aumento di capitale da 700 milioni. Altavilla: "Passo importante per il decollo", in La Repubblica. URL consultadu su 15 santugaine 2021.
- ↑ (IT) Gianni Dragoni, Ita conquista il marchio Alitalia, accordo raggiunto per 90 milioni, in ilsole24ore.com, 14 santugaine 2021.
- ↑ (IT) Ita-Alitalia, ecco l’Airbus A330 noleggiato per avviare le operazioni, in Corriere della Sera. URL consultadu su 15 santugaine 2021.
- ↑ (IT) Ita-Alitalia, spunta l’aereo con la livrea speciale per l’avvio della newco, in Corriere della Sera. URL consultadu su 15 santugaine 2021.
- ↑ (IT) Ita, atterrato il primo volo. Ma la compagnia "veste" ancora Alitalia, in La Repubblica. URL consultadu su 15 santugaine 2021.
- ↑ (IT) Ita, il 15 ottobre il primo volo: ecco quanto costano i biglietti, in Il Sole 24 Ore, 8 santugaine 2021. URL consultadu su 15 santugaine 2021.
- ↑ (IT) Alitalia, fondo da 100 milioni per il rimborso dei biglietti post 14 ottobre 2021, in La Stampa. URL consultadu su 15 santugaine 2021.
Àterus progetus
[modìfica | modìfica su còdighe de orìgine]![]() |
Wikimedia Commons tenet files chi ligant a: ITA Airways |