Minsk
Artìculu in LSC
Coordinadas: 53°54′08.09″N 27°33′42.61″E / 53.902246°N 27.561837°E
![](http://178.128.105.246/content-http-upload.wikimedia.org/wikipedia/commons/thumb/c/ca/%D0%9C%D1%96%D0%BD%D1%81%D0%BA._%D0%A1%D0%BA%D0%B2%D0%B5%D1%80_%D0%BF%D0%B0_%D0%BF%D0%BB%D0%BE%D1%88%D1%87%D1%8B_%D0%9D%D0%B5%D0%B7%D0%B0%D0%BB%D0%B5%D0%B6%D0%BD%D0%B0%D1%81%D1%86%D1%96.jpg/245px-%D0%9C%D1%96%D0%BD%D1%81%D0%BA._%D0%A1%D0%BA%D0%B2%D0%B5%D1%80_%D0%BF%D0%B0_%D0%BF%D0%BB%D0%BE%D1%88%D1%87%D1%8B_%D0%9D%D0%B5%D0%B7%D0%B0%D0%BB%D0%B5%D0%B6%D0%BD%D0%B0%D1%81%D1%86%D1%96.jpg)
Minsk o Miensk (in bielorussu: Менск, Мінск; in russu, Минск, Minsk) est sa capitale e tzitade prus manna de Bielorùssia. Est posta in su tzentru de s'istadu e est rugrada dae is rios Nyamiha e Sviloch. Est sa sede amministrativa de sa Comunidade de Istados Indipendentes (CEI).
Minsk tirat a un'àrea de 509 km² in sa cale, segundu istimas de s'annu 2015, bivent unu totale de 2.995.000 persones. Sende sa capitale de s'istadu, Minsk tenet un'istatus amministrativu ispetziale in intro de sa Bielorùssia e est, in prus, sa capitale de sa provìntzia de Minsk e de sa cussòrgia omònima.
Is primos riferimentos istòricos de sa tzitade datant de su de 11 sèculos (1067), cando fiat istada nùmenada tzitade provintziale in su printzipadu de Polotsk. In su 1242, Minsk fiat intrada a fàghere parte de su Gran Ducadu de Lituània e aiat retzidu su tìtulu de tzitade in su 1499. Dae su 1569 est istada sa capitale de su voivodadu de Minsk, in sa Repùblica de is Duas Natziones o Assòtziu de Polònia-Lituània. In su 1793 fiat istada una de is regiones unidas dae s'Impèriu Russu a cunsighidu de sa Segunda partzidura de Polònia. Intre 1919 e 1991, a pustis de sa Rivolutzione russa, Minsk est istada sa capitale de sa Repùblica Sotzialista Soviètica de Bielorùssia e a pustis, in su 1991, de sa Bielorùssia, a pustis de s'iscontzu de s'Unione Soviètica.
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Category:Minsk |