Psych
Articulu in campidanesu
![](http://178.128.105.246/content-http-upload.wikimedia.org/wikipedia/commons/thumb/d/d8/Psych.svg/250px-Psych.svg.png)
« Fake psychic. Real detectives. » | |
« Frassu sensitivu. Berus averiguadoris. » |
Psych est una serie televisiva stadunitensi produsia de su 2006.
Criada de Steve Franks e interpretada de James Roday, sa serie tenit comenti protagonista Shawn Spencer, unu piccioccu de s'ingenitu istintu de castiu ca fait finta de essi unu sensitivu po podiri averiguai in totus is casus paris cun sa polìzia.
Sa serie est trasmittia in prima bisura in is Stadus Unius de USA Network de su 7 de su mesi de argiolas de su 2006. In Italia est trasmittia in prima bisura in su digitali terrestri de su 19 de gennargiu de su 2008, primu de Steel e a pustis de Joi, mentris in craru est trasmittia de Rete 4 de su 7 de su mesi de lampadas de su 2008.
Trama
[modìfica | modìfica su còdighe de orìgine]Santa Barbara, California. Shawn Spencer, giovunu fillu de unu ex agenti de polizia, traballat comenti "consulenti sensitivu" cun su Dipartimentu de Polizia de Santa Barbara . In reallidadi Shawn no est po nudda unu sensitivu, ma tenit facultadis de intuitu degaici mannas (in bona parti deppias a is "allenamentius de su babbu candu fudi pippiu) de cumbinciri de sa cosa is detective Lassiter e O'Hara. Su traballu paris cun is duus incumenciat candu Shawn s'intomittit in dduna averguazioni: is detective funti ingrusiraus de is suas intuizionis in su casu, tanti de suspetti ca nci possat essi implicau. Po si nci leai de is guaius, Shawn s'imbentat sa storia de is suus poderis psichicus. A pustis, bitta s'arrenescia otènnia, s'imbentat sa professioni de "detective sensitivu" oberendu cun su suu amigu de infanzia Gus una agenzia de averiguadura: sa Psych .
Episodius
[modìfica | modìfica su còdighe de orìgine]Is episodius de Psych si contraddistinghint po sa struttura unica insoru, difatis casi ogna episodiu de sa serie s'oberit cun ddunu flashback ca amostat s'infanzia de Shawn. Custus flashback acabant in generali cun unu consillu o unu ammonestu de Henry Spencer a su fillu ca s'at a collegai a sa trama centrali.
Rete 4, trasmittendu su segundu episodiu de sa prima serie, no ddi at trasmittiu is primus 3 minutus e 20 segundus, faendu degaici no at presentau sa new entry: "Jules" O'Hara, sa partner noa de su detective Lassiter, cambiada tra su primu e su segundu episodiu poitta issu e s'atra sua partner, Lucinda Barry, andànta a lettu paris (cosa no permittia). Mediaset at acabau de trasmittiri is primas tres stasonis in Rete 4, ma comenti giai succediu cun sa prima stasoni, no at tenniu s'ordini cronologicu originali de is episodius (sa cosa est giai succedia cun atras series, po esempiu cun Shark ).
Sa sigla de sa serie est I know, you know de is Friendly Indians , band de su criadori de sa serie Steve Franks.
Stasoni | Episodius | Prima TV originali | Prima TV Italia |
---|---|---|---|
Prima stasoni | 15 | 2006-2007 | 2008 |
Segunda stasoni | 16 | 2007-2008 | 2008 |
Terza stasoni | 16 | 2008-2009 | 2009 |
Quarta stasoni | 16 | 2009-2010 | 2010 |
Quinta stasoni | 16 | 2010 | 2011 |
Sesta stasoni | 16 | 2011-2012 | 2012 |
Personaggius e interpretis
[modìfica | modìfica su còdighe de orìgine]- Shawn Spencer, interpretau de James Roday.
- Burton "Gus" Guster, interpretau de Dulé Hill.
- Carlton Lassiter, interpretau de Timothy Omundson.
- Juliet "Jules" O'Hara, interpretada de Maggie Lawson.
- Karen Vick, interpretada de Kirsten Nelson.
- Henry Spencer, interpretau de Corbin Bernsen.
-
James Roday interpretat Shawn Spencer
-
Dulé Hill interpretat Burton Guster
-
Timothy Omundson interpretat Carlton Lassiter
-
Maggie Lawson interpretat Juliet O'Hara
-
Kirsten Nelson interpretat Karen Vick
-
Corbin Bernsen interpretat Henry Spencer
Produtzioni
[modìfica | modìfica su còdighe de orìgine]![](http://178.128.105.246/content-http-upload.wikimedia.org/wikipedia/commons/thumb/0/09/Cast_of_Psych_at_Comic-Con_2009.jpg/220px-Cast_of_Psych_at_Comic-Con_2009.jpg)
James Roday e Dulé Hill funti stetius is primus duus attoris scritturaus po sa parti, in segus a i custus si funti acciuntus Corbin Bernsen, Timothy Omundson e Anne Dudek, ca est stetia remplasada a pustis de su primu episodiu, s'episodiu "pilota", cun Maggie Lawson. De sa segunda stasoni, Kirsten Nelson, ca primu teniat petti unu rolu recurrenti, est stetia promovia a membru fissu de sa troupe.
De su 2009, Roday e Hill, funti peri produsidoris de sa serie.
Location
[modìfica | modìfica su còdighe de orìgine]Is ripresas de Psych si tentinti in Canada, auba su set de sa cittadi californiana de Santa Barbara est recriada in White Rock, Columbia Britannica[2]. Su set pigat in prus calincunu logu de Vancouver e de su Lower Mainland comenti location de sfundu, Santa Barbara est in beridadi posta in dd'una costa montuosa chene baias a pagu miglius de is Channel Islands.
Medas de is tipicas ripresas aereas de sa cittadi, ca nci funti in dd'ogna episodiu in is cambius de scena, funti eppuru aberu giradas in Santa Barbara, degaici comenti is inquadraduras esternas de su dipartimentu de polizia.
Accasaggiu
[modìfica | modìfica su còdighe de orìgine]S'episodiu pilota de Psych iat registrau unu share de 4.51 po unu totali de 6.1 milioni di visualizzazionis in totu, est a nai su tassu prus artu de su 2006 po sa première de una serie TV bia cavu[3].
Reconoscimentus
[modìfica | modìfica su còdighe de orìgine]In su matessi annu auba iat incumenciau, Psych iat bintu s'Independent Investigations Group Annual Award po s'ottimu accossu donau a sa scienza contra sa superstizioni[4]. Sempri in su 2006 James Roday iat otenniu una candidadura a is Satellite Award comenti mellus attori in dduna serie commedia o musicali
Sia in su 2008 sia in su 2009, sa serie fudi nomenada a is Ewwy Award comenti mellus serie TV commedia; in su 2009 Roday at tentu in prus una nomination, sempri a is Ewwy Award, comenti mellus attori in dduna commedia televisiva[5].
In su 2010, Psych est istetia nomenada a is Emmy Award, in sa categoria mellus cumposizioni musicali, po s'episodiu Sulla scia di Hitchcock, mentris in su 2012 in sa categoria mellus realizatzioni criativa in is media interattivus, po is giogus in linia in su giassu ofissiali.
In su 2012 Psych est stetia nomenada po su primu suu People's Choice Award comenti mellus serie TV comica bia cavu.
Editzionis home video
[modìfica | modìfica su còdighe de orìgine]Is primu cincu stasonis de Psych s'agattant peri in home video in formau DVD-Video.
Stasoni | Episodius | Essìa in is USA | Essìa in Europa | Essìa in Italia |
---|---|---|---|---|
Prima stasoni | 15 | 26 de lampadas de su 2007 | 24 de arbili de su 2008 | 25 de martzu de su 2009 |
Segunda stasoni | 16 | 11 de argiolas de su 2008 | 7 de lampadas de su 2010 | 18 de ognassantu de su 2009 |
Terza stasoni | 16 | 21 de argiolas de su 2009 | 21 de freargiu de su 2011 | - |
Quarta stasoni | 16 | 13 de argiolas de su 2010 | 18 de argiolas de su 2011 | - |
Quinta stasoni | 16 | 31 de mau de su 2011 | 21 de mau de su 2012 | - |
Sesta stasoni | 16 | 16 de ladamini de su 2012 | - | - |
In sa scatula de su DVD de sa prima stasoni in limba italiana, sa tagline est stetia po rballiu furriada in: «Psicologi fasulli. Investigatori veri.», comenti a nai in sardu «Psicologus farsus. Averiguadoris berus.». Sa furriadura prus giusta iat a essi depiri essi: «Finto sensitivo. Detective autentici.», in italianu e tandu «Farsu sensitivu. Averiguadoris berus», in sardu.
Operas curreladas
[modìfica | modìfica su còdighe de orìgine]Librus
[modìfica | modìfica su còdighe de orìgine]Su scrittori William Rabkin at pubblicau in totu cincu librus inspiraus a sa serie:
- A Mind is a Terrible Thing to Read (6 de gennargiu de su 2009)
- Mind Over Magic (7 de su mesi de ladamini de su 2009)
- The Call of the Mild (5 de gennargiu de su 2010)
- A Fatal Frame of Mind (3 de austu de su 2010)
- Mind-Altering Murder (1u de freargiu de su 2011).
Webserie
[modìfica | modìfica su còdighe de orìgine]- Paris cunis episodius trasmittius in sa USA Network, in su 2008 su regista e illustradori J.J. Sedelmaier, at produsiu una miniserie animada de quattru episodius: "Psych: The Big Adventures of Little Shawn and Gus", pubblicaus in su giassu ofissiali de su show[6].
- In su 2009, in su giassu ofissiali de sa serie, est stetia pubblicada una miniserie de tres webisodius dirixius de Rob Pearlstein e ca contant de candu is duus protagonistas furint giovunus intitulada: "Psych: Flashback to the Teen Years"[7]
Notas
[modìfica | modìfica su còdighe de orìgine]- ↑ (EN) url=http://www.movieposterdb.com/poster/1e03dba7
- ↑ (EN) url=http://www.imdb.com/title/tt0491738/locations}}[ligàmene interrùmpidu]
- ↑ (EN) url=http://www.thefutoncritic.com/news.aspx?id=20060711usa01
- ↑ (EN) url=http://www.iigwest.com/investigations/2007/20070809_pressrelease.html
- ↑ (EN) url=http://www.pressacademy.com/satawards/forms/pdf/2006-IPA-Nom-Announce.pdf Archiviadu su 28 cabudanni 2011 in s'Internet Archive.
- ↑ (EN) Comedy TV Series and Mistery TV Show - Psych TV Series - USA Network - The Big Adventures of Little Shawn and Gus Video, in usanetwork.com. URL consultadu su 19 cabudanni 2012 (archiviadu dae s'url originale su 12 santandria 2012).
- ↑ (EN) Comedy TV Series and Mistery TV Show - Psych TV Series - USA Network - Flashback to the Teen Years, in usanetwork.com. URL consultadu su 19 cabudanni 2012 (archiviadu dae s'url originale su 27 maju 2012).