Umberto Tozzi
![](http://178.128.105.246/content-http-upload.wikimedia.org/wikipedia/commons/thumb/2/28/Umberto_Tozzi_Wiener_Stadtfest_2014_08.jpg/220px-Umberto_Tozzi_Wiener_Stadtfest_2014_08.jpg)
Umberto Antonio Tozzi, cunnotu comente Umberto Tozzi (Torinu, 4 martzu 1952), est unu cantautore e ghitarrista italianu.
Cun 70 milliones de isemprales bèndidos, Tozzi est intre sos artistas italianos chi ant bèndidu su nùmeru prus mannu de discos.
Biografia
[modìfica | modìfica su còdighe de orìgine]Naschet dae una famìlia de emigradores apuliesos naturales de Rodi Garganico. Frade prus minore de Franco Tozzi, cantautore bastante pobulare in sos annos sessanta, faghet sos primos passos a su livellu musigale devenende su ghitarrista de su grupu chi l’acumpanzaiat in sas turneras.
In su 1968, a sos 16 annos, intrat a sos “Off Sound”, unu grupu rock torinesu de zòvanos zòvanos, cun sos cales acumpanzat finas frade suo e s’istrenat discografigamente in su 1970, cantende sa prima camba de sa cantone “Qui”. In Milanu, cunnoschet a Adriano Pappalardo e cun isse format unu grupu de 13 elementos cun sos cales andat in tur.
Format parte finas de su grupu “La Strana Società”, abarrende in intro suo finas a su 1976, cun su cale at partezipadu a “Unu discu pro s’istiu”, a unu Festivalbar e a un’edissione de su Festivale de Santu Remu; de su grupu naradu, est famada sa fasca “Popcorn”.