Valentzianu
Articulu in nugoresu
![](http://178.128.105.246/content-http-upload.wikimedia.org/wikipedia/commons/thumb/b/bf/Mapa_dialectal_del_catalan-valenciano_corregido.png/280px-Mapa_dialectal_del_catalan-valenciano_corregido.png)
Su valentzianu est su lumen istoricu, traditzionale e ufitziale chi impreat sa regione ispagnola de sa Comunidade Valentziana pro inditare su catalanu chi faveddan incughe.
Sa prus parte de sos limbistas (goi puru S' Acadèmia Valenciana de la Llengua e l'Institut d'Estudis Catalans) lu cussideran difatis sa variedade 'e zosso de su catalanu chistionau in sa banda 'e Ponente, mancari chi a medas valentzianos sa cosa non piacat e pro interessu politicu lu definin una limba a banda.
Tra cuddos chi an dau unu cuntributu mannu pro che torrare a iscoperrer sa lessicografia valentziana si depet assumancu tzitare s'iscritore Enric Valor i Vives.
In acordu chin sa Llei d'ús i ensenyament del valencià aprovada in su 1992, su valentzianu est sa limba propria de sa Comunidade Valentziana, e sos tzitadinos an su derettu a lu connoscher e impreare.
![]() |
Wikimedia Commons tenet files chi ligant a: Valentzianu |