Marcu Anneu Lucanu

La versione stampabile non è più supportata e potrebbe contenere errori di resa. Aggiorna i preferiti del tuo browser e usa semmai la funzione ordinaria di stampa del tuo browser.

Marcu Anneu Lucanu ('n latinu Marcus Annaeus Lucanus), megghiu canusciutu comu Lucanu (Còrdoba (Spagna), 3 di nuvèmmiru 39 d.C. - Roma, 30 di aprili 65 d.C.) fu nu pueta rumanu. Figghiu di Marcu Anneu Mela, era niputi di Luciu Anneu Sèneca e, grazzi a sò ziu, trasìu a la corti di lu mpiraturi Nironi. Macari iddu, comu sò ziu, murìu 'n sècutu a la Cungiura di li Pisoni tràmiti suicìdiu quannu ancora avìa sulu vintisei anni.

È canusciutu spiciarmenti ppi lu sò puema Pharsalia (nti li manuscritti annincatu comu Bellum Civile, "Verra Civili"), ca vulìa cilibbrari li vecchi valori ripubbricani contru lu novu mudellu di putiri mpiriali purtatu di Giuliu Cesari, discrivutu nti lu puema comu n'omu mai sazziu di sangu. Li primi tri libbra sunnu a favuri di Nironi, l'àutri setti ('n tutali sunnu deci, ma si penza ca avìanu a èssiri dùdici comu vulìa lu mudellu clàssicu) sunnu cuntrari a lu stissu mpiraturi picchì foru scrivuti doppu l'alluntanamentu di la sò corti.