Ìsula di Hong Kong
![](http://178.128.105.246/content-http-upload.wikimedia.org/wikipedia/commons/thumb/e/ea/Hongkongisland.png/245px-Hongkongisland.png)
L'Ìsula di Hong Kong è n'ìsula dâ parti miridiunali di Hong Kong, Cina. Ntô 2006 la sò pupulazzioni era arrivata a 1,268,112 e la densità era 15,915/km².
L'ìsula fu acquistata dû Regnu Unitu nnî primi anni di 1840, e pocu tempu doppu la Citati di Victoria fu stabbilita. La parti cintrali di l'ìsula è chidda cchiù stòrica e cumprenni lu centru pulìticu e ecunòmicu di Hong Kong.
La costa sittintriunali nchiudi la zona miridiunali dâ Baia di Victoria. L'acqui di sta baia sunnu assai funnuti, e stu fattu havi aiutatu lu sviluppu di Hong Kong picchì navi granni cci nni ponnu tràsiri e nèsciri fàcili fàcili.
Giografìa
[cancia | cancia la surgenti]L'ìsula di Hong Kong è la secunna ìsula cchiù granni dû tirritoriu. La cchiù granni è l'Ìsula di Lantau. Havi n'aria di 80,4 kmq. St'ìsula custituisci circa lu 7% dû tutali di l'aria dû tirritoriu. È siparata dû cuntinenti (unni s'attròvanu la pinìsula di Kowloon e li tirritori novi) dâ Baia di Victoria.
![](http://178.128.105.246/content-http-upload.wikimedia.org/wikipedia/commons/thumb/5/5b/VictoriaHarbour.jpg/245px-VictoriaHarbour.jpg)