Ascurbatu
![](http://178.128.105.246/content-http-upload.wikimedia.org/wikipedia/commons/thumb/5/57/Ascorbic_acid_structure.svg/150px-Ascorbic_acid_structure.svg.png)
La vitamina C, puramenti ditta àcitu L-ascòrbicu o puru L-ascurbatu (picchì cura lu scurbutu), eni na vitamina ppi l'omu e ppi picca àutri armali. Nquasènnuca pruteggi dô stress ossidativu, eni n'antiossidanti. Funziona virè comu cufattori n ottu o cchiù riazzioni, macari nclusi nê tappi dâ sìntisi dô cullàggini (e ppi chissu na sò dificienzi duna li sìntumi majuri dô scurbutu). Nnê armali, chissi riazzioni sunnu mpurtanti spiciarmenti pâ guariggioni dê firiti e pâ prutizzioni dê capillari.
Rolu biològgicu
[cancia | cancia la surgenti]![](http://178.128.105.246/content-http-upload.wikimedia.org/wikipedia/commons/thumb/3/3a/Dehydroascorbic_acid_2.svg/150px-Dehydroascorbic_acid_2.svg.png)
L'ascurbatu di sòlitu agisci comu n'antiussidanti essennu dispunìbbili ppi ossidazzioni termudinamicamenti favuriti. Diversi ossidanti (tipicamenti ROS), p'asempiu lu radicali idrussili (ca si forma di lu piròssidu di idrògginu), cuntennu nu elittroni spaiatu e, dunca, sunnu veru riattivi. Chissu poti èssiri nu pirìculu ppi l'urganismu picchì si pòtinu haviri ntirazzioni cu àciti nuclèichi, prutiìni, lipidi. Chissi prucessi dê radicali lìbbiri sunnu dannosi suprattuttu picchì urìgginanu riazzioni a catena; l'ascurbatu poti accabbari chissi prucessi ossidannusi, prima a simidîdruascurbatu, e appuoi a dîdruascurbatu. Ci sunnu nzimi ca pòtinu cunvèrtiri arreri lu dîdruascurbatu a ascurbatu.