Rosela Gjylbegu
Rosela Gjylbegu | |
---|---|
![]() | |
Background information | |
Emri i lindjes | Rosela Gjylbegu |
Lindi | |
Origjina | Shkodër, Shqipëri |
Këngëtare | |
Vitet aktik | 1999–prezent |
Website | Faqja Zyrtare në Facebook Fajqa Zyrtare Web |
Rosela Gjylbegu (13 mars 1987, Shkodër) është këngëtare shqiptare.
Biografia
[Redakto | Redakto nëpërmjet kodit]Rosela është diplomuar në vitin 2005 për gjuhë angleze në Shkolla e Mesme e Gjuhëve të Huaja “Shejnaze Juka” në Shkodër, ka mbaruar studimet e larta për Punë Sociale në Fakultetin e Shkencave Sociale pranë Universitetit të Tiranës, prej kur edhe jeton në Tiranë, dhe ka mbaruar masterin për barazi gjinore.[1][2] Nga viti 2009 punon në Kuvendin e Shqipërisë në Drejtorinë e Marrëdhënieve me Jashtë.[3] Është admiruese e baletit dhe sporteve të ndryshme.[4]
Që në fëmijëri ka marrë pjesë në aktivitete të ndryshme shkollore, duke vijuar me pjesëmarrjen e saj ne festivalet e fëmijëve në Shkodër si koriste, e më pas edhe si soliste. Megjithëse e pasionuar pas baletit gjatë shkollimit dhe pjesë e trupës së baletit aty, karrierën muzikore e fillon rastësisht në moshën njëmbëdhjetë-vjeçare kur në një manifestim zëvendëson shoqen që mungon dhe këndon këngën “Without You” nga Maraja Keri (Mariah Carey).[5] Interpretimi i saj i bie në sy mësueses e cila e sjell në “Qendrën Kulturore të Fëmijëve”. Në vitin 1999 vlerësohet me çmimin e dytë, në një trio të kompozuar nga Jetmir Barbullushi me titull “Të Europës jemi ne”. Gjatë kësaj periudhe është aktivizuar në aktivitete të ndryshme të qytetit të Shkodrës dhe aktivitete shkollore.
“Ethet”
[Redakto | Redakto nëpërmjet kodit]Me gjithë pjesëmarrjen në konkurse të ndryshme, vetëm në vitin 2003 Roselës i jepet një mundësi e mirë për të shfaqur talentin e saj: pjesëmarrja në “Ethet e së premtes mbrëma” (ose “Krasta Show”), spektakël që në një mënyrë i ndryshoi jetën dhe i dha mundësi të madhe për të treguar vlerat dhe talentin vokal. Vlerësohet e treta në këtë spektakël dhe menjëherë bëhet e njohur duke fituar kështu simpatinë e publikut.
Festivalet e këngës
[Redakto | Redakto nëpërmjet kodit]![Rosela Gjylbegu](http://178.128.105.246/content-http-upload.wikimedia.org/wikipedia/commons/9/96/RoselaGjylbeguKM2009.jpg)
në “Kënga Magjike” 2009
Menjëherë pas “Etheve”, Rosela shfaqet në “Festivalin 42-të të Këngës në RTSH” në dhjetor të 2003-tës me këngën “Hirushja” (me tekst të Pandi Laços, orkestrim të Shpëtim Saraçit dhe kompozuar nga Endri Sina) dhe vlerësohet me çmim të tretë. Më pas, në vitin 2004 merr pjesë në festivalin evropian të këngës “Eurovision Song Contest” si vokaliste në prapavi (bek-vokal) bashkë me “etheistët” e tjerë, kur Shqipëria debutoi me Anjeza Shahinin.
Në dhjetor të 2004-tës merr pjesë në “Festivalin 43-të të Këngës në RTSH” në duet me Arbër Arapin me këngën “Pëshpëritje zemrash”, e kompozuar nga Shpëtim Saraçi dhe tepër e pëlqyer nga publiku shqiptar. Ndërkohë merr pjesë në koncerte e aktivitete të rëndësishme në gjithë Shqipërinë.
Në dhjetor të 2006-s merr pjesë në “Festivalin e 45-të të Këngës në RTSH” ku vlerësohet me çmimin e dytë, me këngën e Pirro Çakos “Pa ty, pa mua” me tekst të Agron Tufës dhe orkestrim të Shpëtim Saraçit.
Në dhjetor të 2007-s merr pjesë në “Festivalin e 46-të të Këngës në RTSH” me këngën “Po lind një yll” me tekst të Jorgo Papingjit dhe kompozim të Sokol Marsit[nevojitet citimi] ku renditet e trembëdhjeta.
Bashkëpunimi i Roselës me Elizën vazhdon (shih sektorin vijues) edhe me këngën “Një tjetër jetë” (muzika nga Pirro Çako, teksti nga Ardit Gjebrea dhe orkestrimi nga Adrian Hila) të cilën ato së bashku me Pirro Çakon e interpretojnë në “Festivalin e 48-të të këngës në RTSH”, në dhjetor 2009. Videoja zyrtare e kësaj kënge, i dyti për Roselën, pati premierën më 24 maj 2010 në “SuperSonic TV”.
Si e ftuar nderi në dhjetor të vitit 2011 merr pjesë në natën gala të edicionit të 50-të të këtij festivali me këngën “Mesnatë”, një homazh për këngëtaren madhështore Vaçe Zela.
“Kënga Magjike”
[Redakto | Redakto nëpërmjet kodit]Në edicionin e vitit 2007 të festivalit “Kënga Magjike” merr pjesë me këngën “Për ne të dy” (me tekst the orkestrim nga Sokol Marsi)[nevojitet citimi] dhe fiton çmimin “Magjia e Parë”.
Në edicionin e vitit 2008 të këtij festivali merr pjesë me këngën “Tjetra” (teksti Pandi Laço, kompozimi Darko Dimitrov) dhe fiton “Çmimin Çesk Zadeja”.[6]
Me duetin e saj me Eliza Hoxhën me titull “Rruga e zemrës” (me tekst të Eliza Hoxhës dhe kompozim të Darko Dimitrovit), Rosela fiton çmimin e parë dhe “Çmimin Çesk Zadeja” në edicionin e vitit 2009 të festivalit “Kënga Magjike”.[7] Në janar 2010 dy këngëtaret xhiruan videoklipin e kësaj kënge në Prishtinë, që do të bëhej video e parë për Roselën.
Edhe pse nuk merr pjesë si konkurrente në edicionin e vitit 2010 të “Këngës Magjike” për shkak të angazhimeve tjera, si fituese në fuqi, Rosela me Elizën hapin natën finale të këtij edicioni më 20 nëntor. Përveç kësaj, ato shoqëruan edhe komedianin Agron Llakaj, përkrah Shpëtim Saraçit në piano, në interpretimin “Dialog me këngët e dashurisë”, duke përmbledhur hitet e Ardit Gjebresë nëpër kohë.
Në vitin 2011 Rosela merr pjesë për të katërtën herë te “Kënga Magjike” me këngën “Sikur të isha ti” (muzika dhe orkestrimi nga Darko Dimitrov dhe teksti nga Big Basta) duke fituar çmimin e tekstit më të mirë (“Best Lyrics”) dhe duke u renditur e pesta në klasifikimin final. Kënga “Sikur të isha ti” renditet në vendin e parë te “Albania Top 5” në “Radio+ FM” për pesë javë radhazi.
“Këngët e Shekullit”
[Redakto | Redakto nëpërmjet kodit]Edicioni III. (2010 ‒ 2011)
[Redakto | Redakto nëpërmjet kodit]Në vitin 2010 Rosela ftohet të bëhet pjesë e edicionit të tretë të spektaklit të përjavshëm “Këngët e Shekullit” në TV Klan. Ky spektakël që filloi më 16 tetor 2010, zgjati për dymbëdhjetë javë, përgjatë Krishtlindjeve, dhe përfundoi në natën e Vitit të Ri 2011, solli dhjetë nga këngëtarët më të mirë me njëqind nga këngët më të mira të muzikës popullore shqiptare. Si pjesëmarrësja më e re dhe një nga tre këngëtarë nga Shkodra, Rosela interpretoi përkrah veteranëve Merita Halili, Ramadan Krasniqi, Frederik Ndoci, Stefi e Endri Prifti, Eranda Libohova, Irini Qirjako, Selami Kolonja, Maya, Bujar Qamili, etj. Për shkak të angazhimeve në këtë spektakël ajo nuk mori pjesë në festivalet tjera.[8]
Këngët që Rosela interpretoi këtu çdo javë, sipas radhës së paraqitjeve janë: “Kur më del në derë”, “S’ka ma të bukur se pranvera”, “Ku po shkon me ato dimi?”, “Djalë i dashtun”, “Sa të kam dashtë unë ty”, “O zambak i bardhë”, “O moj e vogël sa të du”, “Të dinja të vogël”, “Xhamadani kuq si gjaku”, “Këndon gjeli” (duet virtual me Xhavit Xhepën), “Kur më vjen burri nga stani”, “Për mu paska kenë kismet” dhe “Kur perëndon dielli” (e njohur edhe si “Po t’jemi bashkë ne të dy”; duet me Bujar Qamilin).
Si artistja më e re e spektaklit, Roselës i jepet privilegji që recitali i saj, i quajtur edhe “Rosela dhe miqtë”, të bëhet mbrëmja hapëse e pjesës së dytë njëmbëdhjetë-javëshe të këtij edicioni, në një format të ri me fillim më 15 janar 2011. Biletat për këtë mbrëmje u dhanë falas.
Përveçse solli të gjitha këngët e saj nga viti i kaluar, këtë herë ajo interpretoi edhe një kolazh me këngët e artistëve të tjerë të spektaklit, shoqëruar nga orkestra (që përfshiu këngët “I yti qeshë dhe jam” (Selami Kolonja), “Gjitonen që kisha pranë” (Maya), “O bilbil ore këngëtar” (Eranda Libohova), “Ti në kumull, unë në kumull” (Bujar Qamili)), këngën “Serenatë për nusen” në duet me Sidrit Bejlerin, dhe një duet shumë emocional me babain e saj, Myfit Gjylbegun, në këngën “Karafilat që ka Shkodra”.
Ajo riinterpretoi edhe “Po t’jemi bashkë ne të dy”, këtë herë me Pirro Çakon, dhe “Kur më vjen burri nga stani”, këtë herë me elemente humoristike në një bashkëpunim me tre tenorët e zbuluar në edicionin e tretë të shout “Gjeniu i vogël” të vitit 2010: Tedi Paçrami, Kledi Mahmutaj dhe Riad Bashi.
Përveç këngëve, një xhirim i stilit “kamerë e fshehtë” shfaqi Roselën në prapaskenat e edicionit 2010.
Edicioni IV. (2011 ‒ 2012)
[Redakto | Redakto nëpërmjet kodit]Me fillim më 22 tetor 2011 e deri më 2 janar 2012, Rosela merr pjesë në edicionin e katërt të programit të TV Klan-it dedikuar këngëve të huaja më të bukura të shekullit. Aty spikasin duetet e saj “I don't wanna talk about it” (me Redon Makashin), “Corazon Espinado” (me Altin Gocin), “I want to spend my lifetime loving you” (me Frederik Ndocin), “Mina Medley” (me Eliza Hoxhën) dhe “Empire state of mind” (me Big Basta). Përveç dueteve Rosela paraqitet edhe me superhitet si “Historia de un amor”, “Addicted to love”, “What a feeling”, “Ne me quitte pas”, “Gli uomini/Almeno tu nell' universo” dhe “O Happy Day”, duke kënduar në anglisht, frëngjisht dhe italisht.
Aktrimi dhe aktivitet tjera
[Redakto | Redakto nëpërmjet kodit]Në vitin 2004 Rosela merr pjesë në mjuziklin “Notre-Dame de Paris” ku bashkëpunon me emra shumë të njohur të muzikës shqiptare. Këtu ajo luan rolin e Fleur-de-Lys[nevojitet citimi] dhe interpreton këngën e saj “Ces diamants-là” (Këta diamantë këtu) në duet me Arbër Arapin, i cili luan rolin e Phoebus.
Në dhjetor 2009, ajo paraqitet në videon e këngës “S’të fal” nga “Kthjellu” dhe Flori kushtuar Dritan Hoxhës,[nevojitet citimi] themeluesit të “Top Medias”, i cili vdiq tragjikisht në një aksident në vitin 2008.
Më 5 dhjetor 2010 Rosela ka aktruar në komedinë “Apartamenti 2XL” si mysafire rasti në episodin e dhjetë të sezonit të dytë në “Vizion +”.
Rosela së bashku me humoristin Julian Deda ka prezentuar edicionin e 50. të “Festivalit mbarëkombëtar të këngës për fëmijë” të mbajtur në Shkodër në korrik të vitit 2012.
Videot
[Redakto | Redakto nëpërmjet kodit]Rosela ka xhiruar pesë video për këngët: “Pëshpëritje zemrash”, “Rruga e zemrës”, “Një tjetër jetë”, “Formula e lumturisë” dhe “Pafundësi”.
Diskografia dhe repertori
[Redakto | Redakto nëpërmjet kodit]Rosela nuk ka të publikuar ndonjë album. Tabela në vazhdim përmbledhë interpretimet të saj (përfshirë edhe të lartpërmendurat), në radhitje alfabetike sipas titullit (shtylla tjera gjithashtu mund të radhiten):
Titulli i këngës | Viti | Gjuha | Artistët bashkëpunëtorë | Rasti ose komentet | Ref. | |
---|---|---|---|---|---|---|
“Addicted to love” | 2011 | Anglisht | “Këngët e Shekullit” (edicioni IV.) | |||
“Ancora” | 2010 | Italisht | “E diela shqiptare” | |||
“Another Dream, Another Day” | Anglisht | [9] | ||||
“Aserejé” | Spanjisht | [9] | ||||
“Atdheut” | 2009 | Shqip | Myfarete Laze, Sidrit Bejleri, Bashkim Alibali, Sabahet Vishnja, Ervin Bushati, Dorina Garuci | Përvjetori i parë i Pavarësisë së Kosovës | ||
“Botë memece” | Shqip | “Festivali i 46-të i Këngës në RTSH” (?) | [10] | |||
“Caruso” | 2012 | Italisht | “A Show” | |||
“Ces diamants-là” | 2004 | Frëngjisht | Arbër Arapi | “Notre-Damme de Paris”, mjuzikli | ||
“Corazón espinado” | 2011 | Anglisht, Spanjisht | Altin Goci | “Këngët e Shekullit” (edicioni IV.) | ||
“Cuore matto” | Italisht | [9] | ||||
“Dëshirë” | 2012 | Shqip | “Festivali i 41-të i Këngës në RTSH” | |||
“Diferenca je ti” | 2010 | Shqip | Pirro Çako | “E diela shqiptare” | ||
“Djalë i dashtun” | 2010 | Shqip | “Këngët e Shekullit” (edicioni III.) (java 4) Orkestrimi nga Roland Guli |
|||
“Djali i kumbarës” | 2014 | Shqip | “Kënga ime” | |||
“Djali simpatik” | 2013 | Shqip | Samanta Karavello | “100 vjet muzikë” (nata 15) | ||
“Donna con te” | Italisht | [9] | ||||
“E duam lumturinë” | 2010 | Shqip | “E diela shqiptare” | |||
“E ritorno da te” | Italisht | [9] | ||||
“Egoist” | 2009 | Shqip | Kompozuar nga Darko Dimitrov | [9] | ||
“Empire State of Mind” | 2011 | Anglisht | Big Basta | “Këngët e Shekullit” (edicioni IV.) | ||
“Endless Love” | Anglisht | ? | [9] | |||
“Festë në fshat” | 2010 | Shqip | “Histori me zhurmues” | |||
“Fëmijë” | 2009 | Shqip | [9] | |||
“Formula e lumturisë” | 2012 | Shqip | Sinan Vllasaliu | [11] | ||
“Gli uomini/Almeno tu nell’universo” | 2011 | Italisht | “Këngët e Shekullit” (edicioni IV.) | |||
“Grurë dhe këngë” | 2010 | Shqip | “Histori me zhurmues” | |||
“Hirushja” | 2003 | Shqip | “Festivali i 42-të i Këngës në RTSH” | [9] | ||
“Historia de un Amor” | 2011 | Spanjisht | “Këngët e Shekullit” (edicioni IV.) | |||
“How Do I Live” | 2011 | Anglisht | “TV Koha” | |||
“I Don’t Wanna Talk About It” | 2011 | Anglisht | Redon Makashi | “Këngët e Shekullit” (edicioni IV.) | ||
“I Want to Spend My Lifetime Loving You” | 2011 | Anglisht | Frederik Ndoci | “Këngët e Shekullit” (edicioni IV.) | ||
“It’s Ranning Man” | Anglisht | [9] | ||||
“Jeta s’është lodër” | Shqip | [9] | ||||
“Karafilat që ka Shkodra” | 2011 | Shqip | Myfit Gjylbegu | “Këngët e Shekullit” (edicioni III.) (java 13) | ||
“Këndon gjeli” | 2010 | Shqip | Xhavit Xhepa (duet virtual) | “Këngët e Shekullit” (edicioni III.) (java 9) | ||
“Kënga e nënës” | 2012 | Shqip | “100 vjet muzikë” (nata 11) | |||
“Këputa një degë dafine” | 2010 | Shqip | Renis Gjoka | “Histori me zhurmues” | ||
“Kolazh” | 2011 | Shqip | Orkestra | “Këngët e Shekullit” (edicioni III.) (java 13) Përfshinë “I yti qeshë dhe jam”, “Gjitonen që kisha pranë”, “O bilbil ore këngëtar”, “Ti në kumull, unë në kumull” |
||
“Kthehu” | 2012 | Shqip | Renis Gjoka, Rovela Dilo, Juliana Pasha, Olta Boka, ? | “100 vjet muzikë” (nata 3) | ||
“Ku po shkon me ato dimi?” | 2010 | Shqip | “Këngët e Shekullit” (edicioni III.) (java 3) | |||
“Kur më del në derë” | 2010 | Shqip | “Këngët e Shekullit” (edicioni III.) (java 1) | |||
“Kur më vjen burri nga stani” | 2010 | Shqip | Tedi Paçrami, Kledi Mahmutaj, Riad Bashi | “Këngët e Shekullit” (edicioni III.) (java 10) “Këngët e Shekullit” (edicioni III.) (java 13) |
||
“Kur perëndon dielli” (ose “Po t’jemi bashkë ne të dy”) |
2010 | Shqip | Bujar Qamili ose Pirro Çako |
“Këngët e Shekullit” (edicioni III.) (java 12) nata e Vitit të Ri 2011 “Këngët e Shekullit” (edicioni III.) (java 13) |
||
“La solitudine” | Italisht | [9] | ||||
“Lo sai” | Italisht | [9] | ||||
“Loçka jeme” | 2011 | Shqip | Olta Boka | “E diell” (“Fqinjët e lumtur”) | ||
“Long Train Runnin’” | English | “E Diell” | ||||
“Lulebore” | -; 2011 | Shqip | -; Pirro Çako | “Këngët e Shekullit” | ||
“Lulet e majit” | Shqip | [9] | ||||
“Margjelo” | 2009 | Shqip | “E diela shqiptare” | [9] | ||
“Me lule” | Shqip | |||||
“Medley” | Shqip, Frëngjisht, Rusisht, Greqisht, Italisht | [12] | ||||
“Memory” | Anglisht | Mbrëmje gala | ||||
“Mesnatë” | 2011; 2012 | Shqip | -; Sheila Haxhiraj | “Festivali i 50-të i Këngës në RTSH”; “100 vjet muzikë” | ||
“Me ty kaq pranë” | 2013 | Shqip | “E diela shqiptare” | |||
“Më do apo s’më do?” | 2003 | Shqip | “Ethet e së premtes mbrëma” (edicioni I.) | |||
“Mina Medley” | 2011 | Anglisht | Eliza Hoxha | “Këngët e Shekullit” (edicioni IV.) | ||
“Moj bubrrec” | Shqip | |||||
“More than words” | 2014 | Anglisht | Lynx | Mbrëmje gala | ||
“Ne me quitte pas” | 2011 | Frëngjisht | “Këngët e Shekullit” (edicioni IV.) | |||
“Një tjetër jetë” | 2009 | Shqip | Eliza Hoxha, Pirro Çako | “Festivali i 48-të i Këngës në RTSH” | ||
“Non riesco a farti innamorare” | 2009 | Italisht | “E Diell” | [9] | ||
“O Happy Day” | 2011 | Anglisht | “Këngët e Shekullit” (edicioni IV.) | |||
“O moj e vogël sa të du” | 2010 | Shqip | “Këngët e Shekullit” (edicioni III.) (java 7) | |||
“O zambak i bardhë” | 2010 | Shqip | “Këngët e Shekullit” (edicioni III.) (java 6) | |||
“Oh moj ti me sytë e zi” | 2010 | Shqip | “E diela shqiptare” | |||
“One More Time” | Anglisht | [9] | ||||
“Pa ty, pa mua” | 2006 | Shqip | “Festivali i 45-të i Këngës në RTSH” | |||
“Pafundësi” | 2012 | Shqip | Teksti nga Zhaku, orkestrimi nga Kledi Bahiti | |||
“Për mu paska kenë kismet” | 2010 | Shqip | “Këngët e Shekullit” (edicioni III.) (java 11) Krishtlindje Krijuar nga Palok Kurti |
|||
“Për ne të dy” | 2007 | Shqip | “Kënga Magjike” 2007 | |||
“Pëshpëritje zemrash” | 2004 | Shqip | Arbër Arapi | “Festivali i 43-të i Këngës në RTSH” | [9] | |
“Po lind një yll” | 2006 | Shqip | “Festivali i 46-të i Këngës në RTSH” | |||
“Popullore shkodrane” | Shqip | [9] | ||||
“Potpuri tironse” | Shqip | |||||
“Pragu i vegjëlisë” | 2012 | Shqip | “100 vjet muzikë” (nata 3) | |||
“Rainbow” | 2011 | Anglisht | “E diela shqiptare” | |||
“Rrjedh në këngë e ligjërime” | 2012 | Shqip | Juliana Pasha | “100 vjet muzikë” (nata 3) | ||
“Rruga e zemrës” | 2009 | Shqip | Eliza Hoxha | “Kënga Magjike” 2009 | ||
“S’dua” | Shqip | [9] | ||||
“S’dua më të dashuroj” | Shqip | Teksti nga Adrian Hila | ||||
“S’ka ma të bukur se pranvera” | 2010 | Shqip | “Këngët e Shekullit” (edicioni III.) (java 2) | |||
“Sa të kam dashtë unë ty” | 2010 | Shqip | “Këngët e Shekullit” (edicioni III.) (java 5) | |||
“Say No” | Anglisht | [9] | ||||
“Se biri yt unë jam” | 2011 | Shqip | Dorina Garuci, Frederik Ndoci | Zgjedhjet lokale, 2011 | ||
“Serenatë për nusen” | 2011 | Shqip | Sidrit Bejleri | “Këngët e Shekullit” (edicioni III.) (java 13) | ||
“Set Fire to the Rain” | 2013 | Anglisht | “E diela shqiptare” | |||
“Si dukat i vogël je” | Shqip | [9] | ||||
“Sikur të isha ti” | 2011 | Shqip | “Kënga Magjike” 2011 | |||
“Sot jam njëzet vjeç” | 2012 | Shqip | Sheila Haxhiraj | “100 vjet muzikë” | ||
“Sonte” | Shqip | [9] | ||||
“Tash s’po du” | 2014 | Shqip | Stresi | “Kënga ime” | ||
“Tell Him” | 2003 | Anglisht | Vikena Kamenica | |||
“Të dinja të vogël” | 2010 | Shqip | “Këngët e Shekullit” (edicioni III.) (java 8) | |||
“Thëllëzat që hedhin valle” | Shqip | |||||
“Tjetra” | 2008 | Shqip | “Kënga Magjike” 2008 | [9] | ||
“Tra te e il mare” | 2003 | Italisht | Laura Pausini (duet virtual) | “Ethet e së premtes mbrëma” (nata finale) | [9] | |
“Vajzo moj, lule moj” | 2012 | Shqip | Redon Makashi | “100 vjet muzikë” (nata 11) | ||
“Vetëm një fjalë” | Shqip | |||||
“Viva la mamma” | 2011 | Italisht | ||||
“What a Feeling” | 2011 | Anglisht | “Këngët e Shekullit” (edicioni IV.) | |||
“Without You” | 1998 | Anglisht | Olta Boka | “E diell” (“Fqinjët e lumtur”) | ||
“Xhaketa e kuqe” | 2012 | Shqip | Juliana Pasha | “100 vjet muzikë” (nata 3) | ||
“Xhamadani kuq si gjaku” | 2010 | Shqip | “Këngët e Shekullit” (edicioni III.) (java 9) | |||
“Zemrën e lamë peng” | 2011 | Shqip | Olta Boka, Kamela Islamaj | “E diell” (“Glamour Caffe”) | ||
(gjithsej 106 interpretime të listuara) |
Referimet
[Redakto | Redakto nëpërmjet kodit]- ^ “Pasdite në Top-Channel” (25 janar 2010; pjesa e tretë)
- ^ Intervistë Arkivuar 21 korrik 2011 tek Wayback Machine në “Kosova Sot” (2 tetor 2010)
- ^ “Discover Tirana with Rosela Gjylbegu” Arkivuar 2 nëntor 2010 tek Wayback Machine (“Zbulo Tiranën me Rosela Gjylbegun”) në “Southeast Europe: People and Culture” Arkivuar 20 korrik 2011 tek Wayback Machine (“Evropa Juglindore: Populli dhe kultura”)
- ^ Profili i Rosela Gjylbegut në “Pasdite në Top Channel: Profil” në YouTube
- ^ “Jam kundër vulgaritetit” (Intervista e Roselës për revistën “Shqip”)
- ^ Fotografi në Facebook.
- ^ Artikull lajmesh
- ^ Intervistë Arkivuar 16 korrik 2011 tek Wayback Machine në ShkodraOnline.com Arkivuar 28 gusht 2008 tek Wayback Machine (10 tetor 2010)
- ^ a b c d e f g h i j k l m n o p q r s t u v w x y Repertori jozyrtar.
- ^ “Festivali i 46-të i Këngës në RTSH” në Wikipedian spanjolle (spanjisht).
- ^ “Formula e lumturisë” Arkivuar 3 prill 2012 tek Wayback Machine në Panorama.com.al (1 prill 2012)
- ^ “Medley” publikuar në faqen e adhuruesve të Roselës në Facebook.
Lidhje të jashtme
[Redakto | Redakto nëpërmjet kodit]- Rosela Gjylbegu në Facebook.
- Rosela Gjylbegu në IMDb (në anglisht).
- Rosela Gjylbegu në ReverbNation.com.
- Rosela Gjylbegu në Dailymotion.
- Rosela Gjylbegu në Spotify.
- Rosela Gjylbegu në Deezer.
- Rosela Gjylbegu nê Rdio.
- Tekstet e këngëve të Rosela Gjylbegut në teksteSHQIP.com.
- Lista YouTube (playlist) e videove të Rosela Gjylbegut.
- Lista YouTube (playlist) e këngëve të Rosela Gjylbegut.
- Lista YouTube (playlist) e intervistave dhe paraqitjeve tjera të Rosela Gjylbegut.
- Web-faqe e arkivuar jozyrtare për Rosela Gjylbegun.