Gesina Lechte-Siemer
![](http://178.128.105.246/content-http-upload.wikimedia.org/wikipedia/stq/d/d8/Siemer.jpeg)
![](http://178.128.105.246/content-http-upload.wikimedia.org/wikipedia/commons/thumb/6/68/Groslech.jpg/300px-Groslech.jpg)
![](http://178.128.105.246/content-http-upload.wikimedia.org/wikipedia/stq/thumb/8/85/Siemer.jpg/300px-Siemer.jpg)
Gesina Siemer (*13. Oktober 1911 in Roomelse; † 6. August 2007 in Ait) wuuks in Roomelse ap as Dochter fon dän Smid Nikolaus Siemer. Fon Siemer kon me kweede, dät ju as eerste in dät Seelterske dichtede.
Lieuwend
[Beoarbaidje | beoarbaidje Wältext]Ju beginde 1928 mäd dichtjen, wierbie ju ap Anräägenge fon Pestoor Kokenge hiere seelter Määmesproake benutsede. In ju Skrieuwwiese kuud ju sik deerbie stutsje ap ju seelter Spräkwoudesamlenge, ju Julius Bröring 1901 hääruutroat hiede.
Hiere eerste Gedicht – wäil Din unbekoande Stierwedai - waas ätter ne Preetenje fon dän Pestoor. Do Gedichte ärskeenen domoals in do Heimatblätter fon ju Oldenburgische Volkszeitung. Ju häd Louts Hinerks Tjoue (hiere eensige Prosa) in 1931-32 skrieuwen. Ätters hilkede ju ätter dät Rhienlound un dan ap t Oaler sätten jo sik in Ait deel.
Ätter 1970 is ju fääre geen mäd skrieuwen. Hiere Dichtsammelnenge is in 1977 in Ju Seelter Kroune ärskienen. Louts Hinerks Tjoue is leeter nochmoal in Seelter Tjoue uutroat. As Hermann Janssen uut Amerikoa tourääch keem häd hie foar ju Säitenge skrieuwen (Lesebouk foar Seelterlound, 1953-1965) un ferskäidene Gedichte fon Siemer publiziert.
In 2007 sunt two Bouke fon Siemer ärskienen, Dät ganse Lieuwend un Fiene Stemmen.
Toanksteen
[Beoarbaidje | beoarbaidje Wältext]Ap 6. August 2008, an hieren eersten Stierwedai, is foar Gesina Lechte-Siemer n Toanksteen deelsät. Die stoant bie dät naie "Pfarrheim" an ju Määrkedsträite in Roomelse.
Thema
[Beoarbaidje | beoarbaidje Wältext]Dät Wierk fon Siemers belukt sik ap Dööntjene fon do Jierstiede, dät Lieuwend fon alle Deege un uur dät Seelterlound un sien Geskichte.
Wierke
[Beoarbaidje | beoarbaidje Wältext]- 1953-65 Ferskeedene Gedichte in dät Lesebouk foar Seelterlound
- 1971 : Louts Hinerks Tjoue, Seelter Trjoue. N Tjooterstuk in fjauer Deele, skrieuwen 1931 of 1932. 45 Sieden.
- 1977 : Ju Seelter Kroune. Ostendorp Verlag Rhauderfehn. Mäd Bielden uut Seelterlound fon Bruno Ewen. 124 Sieden.
- 2004 : Dät ganse Lieuwend, Seelterfräiske Gedichte un Läidere. Ait/ Friesoythe. 107 Sieden.
- 2004 : Fiene Stemmen, Seelterfräiske Gedichte un n Läidere foar litje Bäidene. Romelse – Seelterlound. 61 Sieden.
Bielde
[Beoarbaidje | beoarbaidje Wältext]-
Gesina hier eerste Gedicht Din unbekoande Stierwedai, dät ju - 18 Jiere oold - skreeuw ap ne Preetenje fon Pestoor Kokenge.
-
Dät Gedicht Aadentied in Gesina hiere oaine Hondskrift.
-
Dätsälge Gedicht Aadentied in Botke sien Bouk Sealterlân.
-
Dät Gedicht Foarjiersdai in de Meerte, so as dät ärskeen in ju Oldenburgische Volkszeitung fon dän 20. Meerte 1935.
-
Ounfangssiede fon ju Hondskrift fon dät Tjooterstuk Louts Hinerks Tjoue (ärskienen Seelter Trjoue 6:1-48 (1971).
-
Fiene Stemmen, 2004
-
Dät ganse Lieuwend, 2004
Sjuch uk
[Beoarbaidje | beoarbaidje Wältext]- Text fon dät Lesebouk fon Seelterlound hier online
Wällen, Anmäärkengen un Ätterwiesengen:
- (de) literaturatlas.de - Werke Gesina Lechte-Siemers (26. Juni 2009)
- (de) General Anzeiger, 11. August 2008 - Heimatdichterin ein Denkmal gesetzt (26. Juni 2009)
- (de) Krone für die saterfriesische Sprache, 2. August 2008 (26. Juni 2009)
- (nl) Saterland, een levend taaleiland, 1996 (uur ju seelter Sproake un Literatuur) (26. Juni 2009)