Swäid
![Swaitser Swäid uut dät 15. af 16. Jierhunnert](http://178.128.105.246/content-http-upload.wikimedia.org/wikipedia/commons/thumb/0/08/Espadon-Morges.jpg/100px-Espadon-Morges.jpg)
Dät Swäid is een sniedende Woape tou't Hauen un Steeten. Een woanelk Swäid häd een liek Lämt mäd two Äggen, man dät rakt uk besunnere Bauwiesen so as dän Soabel mäd een beeged Lämt un maasttieds bloot een Ägge.
Äntwikkelenge
[Beoarbaidje | beoarbaidje Wältext]Dät Swäid äntstuude in ju Bronstied uut dän Dolk. Foar een loang Swäid bruukt me een Materioal, dät sik't nit beegede, man daach wook nouch, dät dät nit oubriek. So is dät ferstoundelk, dät dät dän kuutere Dolk foar dät Swäid roate, un dät dät Swäid in dän Loop fon ju Tied mäd ju techniske Fääre-Äntwikkelenge aalmantou loanger wuude. Un mäd ju Loangte fon dät Swäid wuude uk die twäärs loopende Stok tou't Skuul fon ju Hounde loanger: Düt is so tou ferkloorjen, dät dät Swäid sik mäd grattere Loangte uk beeter tou't Hauen oainde, un juun dät Hauen is dät aan beeteren Skuul, wilst dät juun't Steeten min hälpt.