Bohlam
![](http://178.128.105.246/content-http-upload.wikimedia.org/wikipedia/commons/thumb/b/b4/Gluehlampe_01_KMJ.png/170px-Gluehlampe_01_KMJ.png)
Bohlam nyaéta lampu nu mimiti kapanggih ku Thomas Alva Edison tina hasil panaluntikan panjang di laboratoriumna.[1][2] Bohlam mangsa harita jadi hiji sumber cahaya ayar nu katelah lampu, ieu lampu kacida gedé mangpaatna pikeun kahirupan manusia nepi ka kiwari.[1]
Sajarah
[édit | édit sumber]Baheula sumber cahaya nu bisa dijieun taya lian tina seuneu, dijieun tina suluh, minyak, geutah, jeung sajabana.[2] Kadieunakeun sumber cahaya tina seuneu nu leuwih gampang nyieunna kayaning; korék api, lilin, patromak, lampu semprong jeung sajabana.[2] Hanjakal éta kabéh sumber cahaya téh mibanda kalemahan, taya lian ti ngahasilkeun panas antukna teu saeutik ngabalukarkeun kahuruan.[2] Pikeun nutupan éta kakurangan, panaluntikan geus dilakukeun ku sababaraha élmuwan, geusan ngajawab kana rupa-rupa masalah sumber cahaya.[3] Tayalian Thomas Alva Edison dina laboratorium panaluntikanna, manggihan hiji sumber cahaya nu dingaranan lampu.[1] Manéhna geus hasil nyieun kantetan listrik kana bahan-bahan nu geus ditangtukeun, sahingga ngahasilkeun cahaya nu mangpaatna bisa karasa nepi ka kiwari.[2] Lampu pamanggihna ieu dingaranan bohlam (bulb), alatan wujudna kawas balon nu melendung alatn ditiup.[1] Bohlam ogé dina mimitina mindeng di maksudkeun pikeun nyebut lampu pijar, tapi kiwari bareng jeung undakna élmu pangaweruh bohlam dipaké pikeun nyebut kana lampu sumber cahaya naon waé rupa lampuna.[1]
Dicutat tina
[édit | édit sumber]- ↑ a b c d e Dwimirnani Mariana Rachman, Putri (2006). Tata cahaya interior rumah tinggal. Jakarta: PT Niaga Swadaya. p. 30. ISBN 9789796611430. Diakses tanggal 26 Maret 2020.
- ↑ a b c d e Amalee, Irfan (2006). Boleh dong salah. Jakarta: Mizan. p. 30. ISBN 9789797524630. Diakses tanggal 26 Maret 2020.
- ↑ Grasindo, Team (2006). IPA Asik. Jakarta: Grasindo. p. 16. ISBN 9789790252097. Diakses tanggal 26 Maret 2020.
![]() |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
![]() |
Wikimedia Commons mibanda média séjénna nu patali jeung Bohlam . |