Bonéka
![](http://178.128.105.246/content-http-upload.wikimedia.org/wikipedia/commons/thumb/8/8e/Boat-girl-Pfaueninsel.jpg/220px-Boat-girl-Pfaueninsel.jpg)
Bonéka (tina bahasa Portugis boneca) nyaéta sajinis kaulinan anu loba rupana, ilaharna manusa atawa sato, sarta tokoh-tokoh fiksi. Bonéka mangrupa kaulinan anu buhun, ku sabab dina jaman Yunani, Romawi atawa Mesir kuno bonéka téh geus aya.[1] Tapi pungsi, bentuk atawa cara nyieuna anu béda lamun dibandingkeun jeung jaman ayeuna.[1]
Sajarah jeung Kamekaran Bonéka
[édit | édit sumber]Bonéka geus aya ti baheula sabudeureun 3.000 taun saencan masehi.[2] Nalika éta urang Mesir jeung Cina geus nyarieun bonéka anu bentukna basajan.[2] Bahan anu dipakéna téh tina kai, taneuh liat, atawa tulang sato.[2] Bonéka anu alus dijieun tina lilin jeung gading gajah. Jaman baheula bonéka lain keur kaulinan budak tapi dipaké pikeun kapperluan agama atawa upacara dat anu resmi.[2] Bonéka jaman baheula bentukna pikasieuneun jeung kaku.[2] Bonéka geus mimiti jadi kaulinan budak di taun 600 taun saencan masehi.[2] Ku sabab bonéka geus bisa dijadikeun kaulinan alatan bentukna teu kaku jeung bisa digerak-gerakeun.[2] Dina abad 5-15, bonéka masih tetep dipaké pikeun kaperluan ritual jeung agama.[2] Bonéka jadi kaulinan barudak sacara masal mimitina abad 15 di Kota Nuremberg, Augsburg, jeung Sonneberg, Jerman.[2] Bonéka kasebut dijieun tina taneuh liat, ki jeung lilin sarta dibéré baju anu ngagambarkeun awéwé Jerman.[2] Kamekaran bonéka ngeuyeuban alam dunya saperti di Inggris, Prancis, Itali, jeung Walanda nyarieun bonéka awéwé anu ngagambarkeun nagara séwang-séwangna.[2] Bonéka ieu dijadikeun oléh-oléh.[2] Abad ka-16, pabrik boneka di Walanda nyieun mata bonéka tina gelas jeung bisa dimajukeun nepi ka méré kesan jiga jalema beneran.[2] taun 1675, pabrik anu ngalengkepan bonéka maké buuk.[2] Dina taun 1710, aya pabrik anu nyieun bonéka bisa ceurik, sedengkeun dina tau 1735 aya bonéka anu bisa leumpang ilaharna jalema.[2] Di ahir Perang Dunia I, Amérika kaasup nagara penghasil bonéka panglobana di dunya.[2] Di antara taun 1925 jeung Perang Dunia II, pabrik paranti nyieun bonéka leuwih ngirut deui.[2] Bonéka buatan pabrik dilengkepan ku ayana bonéka anu bisa ngicep kalayan lengkep jeung bulu matana, bisa calangap jeung aya huntuan.[2] Aya ogé bonéka anu bisa dahar jeung nginum sorangan.[2]