Che Guevara
![](http://178.128.105.246/content-http-upload.wikimedia.org/wikipedia/commons/thumb/8/80/Che_Guevara_-_Guerrillero_Heroico_by_Alberto_Korda.jpg/250px-Che_Guevara_-_Guerrillero_Heroico_by_Alberto_Korda.jpg)
Ernesto Guevara atawa anu kasohor Che Gevara (dina basa Argentina Che hartina sobat) nyaéta pamingpin gerilya anu miboga peran penting dina runtagna diktator Batista di Kuba. Che Guevara nyaéta tokoh révolusionér Amérika Latin jeung penaséhat utama Fidel Castro. Che Guevara lahir di Rosario, Argentina 14 Juni 1928. Saacan jadi gerilyawan, Che kungsi diajar di Universitas Buens Aires, Che lulus kalayan gelar dokter medis jeung bédah di Argentina (1953).
Ahir taun 1953, Guevara ninggalkeun Argentina tuluy netep di Guatemala, hiji kota anu aya dina kaayaan perang. Guevara tepung jeung Fidel Castro di Meksiko. Dua tokoh ieu sapuk rék ngaruntagkeun rezim Batista, tapi harita Che Guevara kalungguhanna masih salaku dokter. 2 Désémber 1956, manéhna nepi di Kuba Wétan tuluy jadi inti kakuatan gerilya anu miboga daérah operasi di Pagunungan Sierra Maestra.
Référénsi
[édit | édit sumber]- Susanto, réady.2010.100 Tokoh Abad ke-20 Paling Berpengaruh: Politisi, Selebritis, Olahragawan, Intelektual, Ulama, Ekonom, Seniman.Jakarta:Nuansa Cendekia ISBN 9799481414
- Biografi Che Guevara Archived 2012-02-12 di Wayback Machine
![]() |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |