Taman Laut Bunakén
![]() |
Artikel ieu keur dikeureuyeuh, punten tong waka diédit atawa dirobah eusina. |
![](http://178.128.105.246/content-http-upload.wikimedia.org/wikipedia/commons/thumb/b/b8/Hinge-beak_Shrimp%2C_Bunaken_Island.jpg/220px-Hinge-beak_Shrimp%2C_Bunaken_Island.jpg)
Taman Laut Bunakén nyaéta salah sahiji déstinasi wisata Indonésia anu geus kakoncara ka manca nagara. Taman Laut Bunkén téh ayana di Teluk Manado, Sulawesi Utara. Di Taman Laut Bunakén urang bakal manggih rupa-rupa kaéndahan alam anu hirup di dasar laut. Di jerona aya 13 rupa terumbu karang sarta babatuan laut anu éndah. Taman Laut Bunakén legana kurang leuwih 75.265 ha, aya lima pulo, anu di jerona kaasup Pulo Naén, Pulo Bunakén, Pulo Manado Tua, Pulo Siladén, jeung Pulo Mantehage, satuluyna katambahan ku pulo-pulo leutik séjénna anu aya di sabudeureun pulo-pulo anu tadi. Masarakat anu aya di lima pulo éta téh kurang leuwih 21.000 urang.[1][2]
Sacara géografis, Pulo Bunakén kaasup kana wilayah perairan "Segi Tiga Emas" nyaéta jalur cai laut anu nyambungkeun antara laut Filifina, laut Papua jeung laut Indonésia. Taman Laut Bunakén jadi obyék wisata anu bahari jeung édukasi sabab ieu témpat mangrupa lokasi konsérvasi alam laut. Jadi dina taun 1991 Menteri Kelautan ngaresmikeun ieu tempat maké istilaah Taman Laut Nasional Bunakén.[1]
Sajarah Taman Laut Bunakén
[édit | édit sumber]Saméméh kawasan cai beulah Wétan ieu resmi jadi Taman Laut Bunakén, ieu wilayah téh ukur tempat éndah biasa, kakara dina taun 1975 aya kajadian anu kacida pentingna, nyaéta pangwangunan kawasan taman nasional anu munggaran. Disebut kajadian penting téh alatan ieu téh pangwangunan taman nasional anu munggaran. Kondisi alamna ogé masih bersih sarta tacan katoél ku aktipitas manusa. Satuluyna, ngaliwatan Surat Kaputusan Gubernur Nomer 224 taun 1980, nétélakeun yén kawasan Pulo Bunakén jeung wilayah lautna dijadikeun kawasan Wisata Laut Manado atawa kasohor ogé salaku Taman Laut Mando.[3] Satuluyna dina taun 1984 kawasan dilegaan kalayan ditetepkeun dumasar Surat Kaputusan Gubernur No. 201 taun 1984 anu eusina ngeunaan ngaleganna aréa Wisata Laut Manado kalayan nembahkeun Arakan-Wawontulap. Teu lila ti harita, dina taun 1986 dumasar kana Surat Kaputusan Menteri No. 328/Kpts-II/1986 ngeunaan netepkeun Cagar Alam Laut Bunakén Manado Tua anu ngawengku wilayah Pulo Manado Tua, Pulo Bunakén, Pulo Manado Tua, aréa laut jeung basisir anu aya disabudeureun Tanjong Pisok, sarta basisir Arakan-Wawontulap. Diistrénana sacara resmina kawasan taman nasional ditetepkeun deui ngaliwatan Surat Kaputusan Nomer 739/Kpts-II/1991 ngeunaan ngukuhkeun pikeun netepkeun status kawasan Taman Nasional Laut Bunakén Manado.[4] Dina taun 2005 kawasan Taman Nasional Bunakén sacara resmi ditetepkeun salaku situs warisan dunya ku UNESCO.[3][5][6]
Obyék Wisata
[édit | édit sumber]Di Bunakén kurang leuwih aya 40 lokasi tempat teuleum anu ngabogaan rupa-rupa karang jeung lauk laut tropis anu éndah jeung warna-warni. Wisatawan anu datang ka Bunakén bakal disuguhan ku kurang leuwih 150 spésiés génus lauk sarta 58 génus karang.[7] [8]Taman Laut Bunakén ngabogaan 20 dive spot atawa titik teuleum kalayan jewona anu rupa-rupa, anu ngajajar ti sisi tenggara nepi ka kuloneun laut. Titik-titik ieu téh titik anu panglobana didadtangan ku turis lokal atawa manca nagara.[1]
Référénsi
[édit | édit sumber]- ↑ a b c "Keindahan Taman Laut Nasional Bunaken « Go Celebes". www.gocelebes.com. Diakses tanggal 2020-06-30. Archived 2020-06-30 di Wayback Machine
- ↑ Kaya, Indonesia. "Danau Linow : Pariwisata - Situs Budaya Indonesia". IndonesiaKaya (dalam Indonesia). Diakses tanggal 2020-06-30.
- ↑ a b "Taman Nasional Bunaken - Kawasan Konservasi Laut". RimbaKita.com (dalam id-ID). Diakses tanggal 2020-06-30.
- ↑ "Taman Nasional Bunaken, Wisata Alam Bawah Laut Cantik - Celebes" (dalam en-US). Diakses tanggal 2020-06-30.
- ↑ Ismidiyati, Riris. "Taman Nasional Bunaken". Forester Act ! (dalam id-ID). Diakses tanggal 2020-06-30.
- ↑ Garroc, Martin. "Keindahan Taman Bawah Laut Bunaken Indonesia". Good News From Indonesia (dalam Indonesian). Diakses tanggal 2020-06-30.
- ↑ "Taman Laut Bunaken Spot Indah yang Sayang untuk Dilewatkan". www.citilink.co.id. Diakses tanggal 2020-06-30. Archived 2020-07-03 di Wayback Machine
- ↑ "Taman Nasional Bunaken, Pesona Bawah Laut Yang Keren Abis". NativeIndonesia.com (dalam en-US). Diakses tanggal 2020-06-30.