Winona Ryder
Winona Ryder | |
---|---|
![]() Ryder at the 2010 Toronto International Film Festival | |
Babar | Winona Laura Horowitz 29 Oktober 1971 Winona, Minnesota, U.S. |
Atikan | American Conservatory Theater |
Pagawéan | Actress |
Batur | Johnny Depp (1989–1993) Scott Mackinlay Hahn (2011–present) |
Winona Laura Horowitz [1](weton 20 Oktober1971),[1] leuwih katelah ku ngaran Winona Ryder, nyaéta saurang béntang pilem Amérika. Manéhna kungsi narima sawatara panghargaan, di antarana Panghargaan Golden Globe sarta dua kali dinominasikeun pikeun meunangkeun Panghargaan Akademi.
Taun 2002, Ryder minton dina pilem box office Mr. Deeds, tuluy karirna nyirorot sarta kebat reureuh heula tina pilem. Taun 2009, manéhna maén deui dina pilem kakoncara, Star Trek. Taun 2010 manéhna meunang dua nominasi pikeun Screen Actors Guild Award ku pilem When Love Is Not Enough: The Lois Wilson Story jeung Black Swan.[2] Taun 2016 manéhna ngabéntangan pilem sérial horor fiksi ilmiah Netflix, Stranger Things, nu mana manéhna dinominasikeun pikeun Golden Globe jeung Screen Actor Guild. Taun 2020 manéhna maén dina drama miniséri HBO, The Plot Against America.
Kahirupan awal
[édit | édit sumber]Winona Laura Horowitz lahir di Winona, Minnesota, tanggal 29 Oktober 1971,[3] indungna Cynthia Palmer sarta bapana Michael D. Horowitz.[4][5] Indungna saurang pangarang, éditor jeung produser vidéo. Bapana ogé saurang pangarang, éditor, pamedal tur tukang ngajualan buku antik.[6] Bapa Ryder saurang Yahudi (kulawargana migrasi ti Rusia jeung Rumania), Ryder gé ngaku yén dirina téh saurang Yahudi. Loba kulawargana ti garis bapa nu maraot wanci kajadian Holocaust.[7]
Winona dingaranan maké ngaran dayeuhna harita, dibéré ngaran tengah Laura, alatan kolotna babaturan jeung Laura Huxley, pamajikanna pangarang Aldous Huxley.[1] Ngaran panggungna, Ryder, asalna tina ngaran Mitch Ryder, saurang tukang ngawih soul jeung rock[8] karesep bapana.[9] Ryder boga saurang adi lalaki, ngaranna Urie, sarta boga dua dulur saindung ti hasil rarabi indungna baheula, Jubal Palmer jeung Sunyata Palmer. Wanci umur tujuh taun, taun 1978, Ryder jeung kulawargana parindah ka Rainbow, hiji padumukan komunitas di Elk, Wilayah Mendocino, California.[10][11]
Umur 10 taun, Ryder jeung kulawargana parindah ka Petaluma, California. Minggu kahiji sakola di Sakola Manengah Kenilworth, manéhna pada ngélég alatan disarangka ku babaturan budak banci.[12] Pangalaman pada ngélég tuluy lumangsung nepi ka sakola luhur nalika manéhna sukses dina pilem Beetlejuice. Ceuk Ryder, "Kuring inget kénéh mikir, 'Ooh, Beetlejuice, pilem kawas pilem nomer hiji. Bakal pihadéeun yeuh di sakola. Tapi kanyataanna malah leuwih goréng, kuring pada ngalandi tukang sihir'."[13] Nalika Ryder umur 12 taun, manéhna ilibiung dina Téater Konsérvatori Amérika di deukeut San Fransisco, di mana di dinya manéhna mimiti diajar akting. Dina taun éta kénéh Ryder nandangan kacilakaan tilelep dina cai nu ngaalatankeun manéhna nandangan aquaphobia (sieun ku cai). Jagana jadi masalah nalika keur syuting adegan di jero cai dina pilem Alien Resurrection (1997), adeganna kudu diulang mangkali-kali.[14] Di taun 1989, Ryder lulus ti Sakola Luhur Petaluma, IPK-na 4,0.[15]
Karir
[édit | édit sumber]1985–1990
[édit | édit sumber]Taun 1985, Ryder ngirimkeun rékaman vidio audisina, manéhna maénkeun monolog tina novel Franny jeung Zooey beunang J.D. Salinger, ngarah peran dina pilem Desert Bloom. Sanajan peranna beunang ku Annabeth Gish,[16][1] sutradara David Seltzer nempo bakatna sarta maénkeun Ryder dina pilemna Lucas (1986) nu nyaritakeun kahirupan Lucas (Corey Haim), saurang budak sakola luhur. Syutingna taun 1985, dibéntangan ogé ku Charlie Sheen jeung Kerri Green, Ryder meunangkeun peran minangka Rina, salah saurang babaturan Lucas di sakola. Nalika ditanya hayang kumaha ngaran tukangna nu bakal dipintonkeun dina krédit pilem, Ryder ngusulkeun ”Ryder” alatan harita albeum Mitch Ryder nu bapana keur disetel di satukangeun.[1]
Pilem Ryder nu satuluyna nyaéta Square Dance (1987). Ryder meunangkeun pamuji pikeun peranna sarta majalah Los Angeles Times nyebutkeun minangka “hiji debut istiméwa”.[17] Najan kitu, kadua pilem tadi sacara komérsil teu pati nyugemakeun. Diréktur Tim Burton mutuskeun pikeun maénkeun Ryder dina pilemna, Beetlejuice (1988) sabada kataji ku pidanganna dina pilem Lucas.[18] Pilem éta suksés dina box office, pidangan Ryder turta sacara kasaluruhan pilemna menangkeun kritik nu positip.[19]
![](http://178.128.105.246/content-http-upload.wikimedia.org/wikipedia/commons/thumb/2/25/Actress_Winona_Ryder_at_a_press_conference_for_Frankenweenie_2012_%28cropped%29.jpg/180px-Actress_Winona_Ryder_at_a_press_conference_for_Frankenweenie_2012_%28cropped%29.jpg)
Ryder maénkeun peran minangka Veronica Sawyer dina pilem bébas Heathers (1988). Hiji pilem satir ngeunaan kahirupan budak ngora. Batur maénna nyaéta Christian Slater. The Washington Post ngedalkeun yén Ryder téh nyaéta “Pamaén Hollywood pangsabréhna...Ryder...ngajadikeun urang mikaresep mojang ngora tukang nelasan, mojang nu caang tur lucu sarta katitisan saeutik Bonnie Parker sajeroeunna. Manéhna pangpantesna disebut rumaja protagonis ti saprak the sexual innocent of Gregory’s Girl.”[20] Pilemna meunangkeun box office, najan ogé meunangkeun sebutan pilem nu munjulkeun sesembahan.[21] Masih di taun éta kénéh Ryder ngabéntangan pilem Great Balls of Fire!, merankeun pangantén umur 13 taun (sarta dulur sabrayna) ti Jerry Lee Lewis. Pilem teu jadi box office.[22] Ogé di taun 1988 Ryder minton dina pilem 1969, di mana manéhna merankeun Beth, kabogohna Kiefer Sutherland sarta dulur ti Robert Downey, Jr.– tokoh protagonis, nu protés kana Perang Viétnam.
Bulan April taun 1989, Ryder maénkeun peran leutik dina vidéo musik nu Mojo Nixon, "Debbie Gibson Is Pregnant with My Two-Headed Love Child."[23]
Taun 1990, Ryder kapilih maén dina opat pilem. Manéhna maénkeun peran utama awéwé dina pilem fantasi Edward Scissorhands, bareng jeung pibakaleun kabogohna, Johnny Depp. Pilem ieu malikan deui gawé barengna jeung Tim Burton nu kungsi babarengan dina pilem Beetlejuice di taun 1988. Pilem Edward Scissorhands payu pisan kalawan meunang pamuji, ngahasilkeun sacara kotor $86 juta AS.[24][25] Masih di taun éta, Ryder mundur tina peranna minangka Mary Corleone dina pilem The Godfather III nu Francis Ford Coppola (sabada miang ka Roma pikeun pamileman) alatan kacapéan. Peran kasalapan Ryder nyaéta dina pilem drama komédi kulawarga, Mermaids (1990), nu dibéntangan ogé ku Cher, Bob Hoskins jeung Christina Ricci. Mermaids lumayan suksés sacara box office, pidangan Ryder loba nu muji.[26] Ryder meunangkeun nominasi Panghargaan Golden Globe pikeun Artis Pinunjul dina Peran Pangrojong[27] sarta Panghargaan National Board Review dina peran nu sarua.[1] Ryder tuluy midang bareng jeung Cher sarta Christina Ricci dina vidéo musik “The Shoop Shoop Song”, téma lagu pilem Mermaids.[28] Sabada Mermaids, manéhna meunangkeun peran utama dina pilem nu Roxy Carmichael, Welcome Home. Hiji pilem ngeunaan budak adopsi. Ryder merankeun Dinky Bossetti. Pilem éta dibéntangan ogé ku Jeff Daniels sarta dianggap gagal alatan teu pati payu mungguh box office. Satuluyna, masih di taun nu sarua, Ryder meunangkeun panghargaan ‘Béntang Wanita Mangsa Hareup ‘ShoWest’s’ ti Asosiasi Nasional Pamilik Téater.[1]
1991–1995
[édit | édit sumber]Taun 1991, Ryder maén minangka saurang supir taksi ngora dina pilem Jim Jarmuch, Night on Earth. Tuluy manéhna maénkeun dua peran minangka Mina Murray, réinkarnasi cinta Count Drakula, sarta Putri Elisabeta, kabogoh heubeul Drakula, dina pilem Dracula (1992) Bram Stoker. Peranna dina pilem éta matak narik ati pikeun Francis Ford Coppola.[29] Taun 1993, Ryder ngabéntangan mélodrama The House of the Spirits, nu dumasar kana novél Isabel Allende. Pilem éta teu pati payu sacara box office.[30]
Ryder maén dina The Age of Innoncence babarengan jeung Michelle Pfeiffer sarta Daniel Day-Lewis, hiji pilem nu dumasar kana novél meunang Edith Wharton sarta diaping ku Sutradara Martin Scorsese, nu ceuk Ryder mah minangka “sutradara pangpunjulna sadunya”.[31] Ku peranna dina pilem ieu, Ryder meunangkeun pangleler minangka Artis Pangrojong Pangpunjulna Panghargaan Golden Globe[32] sarta meunangkeun nominasi Panghargaan Academy pikeun peran nu sarua.[33] Ogé ku peran éta kénéh Ryder meunangkeun nominasi pikeun Akademi Pilem Inggris sarta Television Arts.[34] Najan teu suksés sacara komérsil, pilem ieu meunang pamuji. Ryder tuluy siap-siap ngabéntangan pilem Broken Dreams bareng jeung River Phoenix, tapi harita teu kebat alatan maotna Phoenix di taun 1993.[35] Peran Ryder nu satuluyna nyaéta dina pilem drama Generation X, Reality Bites (1994), nu disutradaraan ku Ben Stiller. Pidangan Ryder meunang pamuji sarta studio produksina miharep meunangkeun hasil nu mucekil, hanyakal teu sapagodos jeung kanyataan.[36]
Dina bulan April taun 1994, Ryder kaasupkeun kana daptar “50 Jalma Panggeulisna di Dunya’, nu dipedalkeun ku majalah People.[37] Di taun éta kénéh manéhna maénkeun peran utama minangka Josephine March dina pilem Little Woman, hiji pilem adaptasi tina novél Mary Alcott. Pilem ieu meunang pamuji ti balaréa; kritikus Janet Maslin nyebutkeun pilem ieu minangka pilem adaptasi novél pangalusna sarta muji pidangan Ryder.[38]
Ryder midangkeun pidangan tamu dina The Simpson, épisode “Lisa’s Rival” minangka Allison Taylor nu kepinteran jeung kapribadiaanna punjul nu matak jadi tandingan pikeun Lisa. Tuluy Ryder maén dina pilem How to Make an American Quilt (1995), hiji pilem adaptasi tina novél nu judulna sarua meunang Whitney Otto. Maraén ogé dina pilem éta Anne Bancroft, Maya Angelou katut Ellen Bursty. Pilem ieu ngahasilkeun kauntungan kotor opat tikel tina waragad pangjieunanna sarta meunangkeun peunteun nu meujeuh nepi ka peunteun positip ti para pakar.[39]
1996–2000
[édit | édit sumber]![](http://178.128.105.246/content-http-upload.wikimedia.org/wikipedia/commons/thumb/7/7c/Winona_Ryder_Walk_of_Fame.jpg/220px-Winona_Ryder_Walk_of_Fame.jpg)
Taun 1996, Ryder midang dina sababaraha pilem, nu kahiji nyaéta Boys. Pilem ieu teu payu jeung menangkeun kritikan nu negatif. Roger Ebert ti Chicago Sun-Times nyebutkeun yén pilem ieu ngamomonyah bakat jeung intelejénsi Ryder.[40] Tuluy manéhna maén dina pilem méta-dokumenter Al Pacino, Looking for Richard. Pilem ieu gé ngan ngahasilkeun kauntungan kotor sajuta dolar AS, tapi meunang pamuji nu leuheung.[41] Tuluy Ryder ngabéntangan pilem The Crucible bareng jeung Daniel Day-Lewis katut Joan Allen. Pilem ieu nu diharepkeun pipayueun, nilik kana waragadna, tapi sarua teu payu.[42] Sanajan kitu, pidangan Ryder meunangkeun pamuji ti Peter Travers ti Rolling Stone.[43] Kadieunakeun Ryder ngaku yén maénkeun Abigail Williams téh mangrupakeun panghésé-héséna peran dina karirna.[44]
Di bulan Désémber 1996, Ryder maén minangka saurang/hiji android dina pilem Alien Resurrection (1997) babarengan jeung Sigourney Weaver nu ngabéntangan dina kabéh trilogi Allien. Dulur Ryder, Uri, mikaresep pisan kana séri pilem Allien, ku kituna, nalika ditawaran peran éta Ryder langsung nyatujuan. Pilem ieu jadi pang teu suksékna mun dibandingkeun pilem-pilem Allien lianna, tapi masih dianggap suksés alatan ngahasilkeun $161 juta dolar AS ti sakuliah dunya.[45] Pidangan Ryder jeung Weaver meunangkeun kritik positif, sarta Ryder meunangkeun Pangleler Blockbuster Entertainment pikeun Artis Pangpunjulna.[46] Dina kagiatan ShoWest taun 1997, Ryder meunang pangleler ‘Bentang Awéwé Taun Ieu’.[47]
Taun1998, Ryder midang ngabéntangan pilem Woody Allen, Celebrity (1998). Tuluy maén dina vidéo musik Talk About the Blues nu Jon Spencer.[48]
Taun 1999 Ryder maén sarta jadi produser éksékutif dina pilem Girl, Interupted, nu dumasar kana mémoir taun 1993 nu judulna sarua meunang Susanna Keysen. Taun éta kénéh Ryder ngamimitian pausahaan musikna nu sorangan, Roustabout Studios di taun 1999.[49]
Taun hareupna, Ryder maén dina melodrama Autumn in New York, babarengan jeung Richard Gere. Pilem ieu narima sababaraha kritikan, tapi suksés sacara komérsil, ngahasilkeun $90 juta sacara kotor di sakuliah dunia.[50][51] Tuluy Ryder merankeun saurang biarawati dina pilem Lost Souls (2000), pilem ieu teu pati payu.[52]
Dina tanggal 27 April 2000, wanci Féstival Pilem San Fransisco, Ryder dileler ku Panghargaan Peter J. Owens nu disérénkeun ka juru peran “nu méré tuladan dina kapunjulan, kabébasan jeung integritas”[53]. Masih di taun 2000, Ryder minton dina kaméo leutik dina pilem Zoolander (dipedalkeun taun 2001). Dina bulan Oktober manéhna meunangkeun béntangna sorangan dina Hollywood Walk of Fame, ditempatkeun persis hareupeun adegan Johnny Grant sagigireun Hotél Roosevelt Hollywood Boulevard.[54] Nalika kagiatan ieu Ryder meunangkeun ogé pangleler minangka ‘Panghadéna Papakéan Minggu Ieu’ ti Entertainment Weekly.[55] Manéhna panampa panghargaan éta nu ka-2.165.[56]
2001-2005
[édit | édit sumber]Tanggal 26 April 2001, Ryder minton minangka bintang tamu dina komédi situasi Friends. Manéhna merankeun Melissa Wharburton, batur duduluran Rachel nalika di kampus.[57]
Ryder reureuh heula dina dunia akting alatan kajadian manéhna maling di hiji toko di taun 2001 (tempo di handap).
Taun 2002, Ryder minton dina dua pilem, Nu kahiji nyaéta pilem komedi romantis Mr. Deeds, bareng jeung Adam Sandler. Pilem ieu mangrupaken pilem manéhna nu nepi ka kiwari paling suksés sacara komérsil, ngahasilkeun leuwih ti AS$126 juta di Amérika wungkul.[58] Pilem kaduana nyaéta Simone, di mana Ryder maén jeung Al Pacino. Tanggal 18 Méi 2002 Ryder jadi host dina acara Saturday’s Night Live, Usum ka-27 (episode 20). Ryder ogé mucunghul dina kaper Majalah W édisi Juni, mamaké kaos ‘Free-Winona’ nu tuluyna jadi sénsasi di antara bobotohna dina internét.[59][60] Juli 2003, manéhna kapéto ranking 183 dina VH1’s jeung kaasup kana “200 Ikon Budaya Pop Pangpunjulna” majalah People.[61]
2006-2008
[édit | édit sumber]![](http://178.128.105.246/content-http-upload.wikimedia.org/wikipedia/commons/thumb/d/dd/WinonaRyderSept08.jpg/220px-WinonaRyderSept08.jpg)
Taun 2006, sabada ngareureuhan heula, Ryder minton dina pilem Richard Linklater, A Scanner Darkly, hiji pilem adaptasi tina novel Philip K. Dick nu judulna sarua. Ryder maén bareng jeung Keanu Reeves, Robert Downey Jr. jeung Woody Harrelson.[62] Ryder ogé minton dina komédi The Darwin Awards bareng jeung Joseph Fiennes. Pilem ieu muggaran medal dina Féstival Pilem Sundance tanggal 25 Januari 2006.[63] Taun 2007 Ryder gabung deui jeung juru tulis Heathers, Daniel Waters, dina komédi hideung Sex and Death 101 (2007).[64]
Tuluy Ryder minton dina komédi David Wain, The Ten. Pilem ieu museur kana sapuluh carita, nu tiap caritana kailhaman ku Sapuluh Paréntah. Munggaran medal dina Festival Pilem Sundance 2007.[65] Satuluyna Ryder maén dina pilem drama romantis Geoffrey Haley, The Last World (2008).[66] Dina tanggal 20 Nopémber 2008 Ryder meunang pangleler fésyen Marie Claire dina Marie Claire Prix De La Mode di Madrid, Spanyol.[67]
2009 – kiwari
[édit | édit sumber]Taun 2009, Ryder katémbong dina Féstival Pilem Giffoni di Salerno, Italia, nu mana manéhna dileler ku hiji panghargaan husus.[68] Tuluy di taun éta kénéh Ryder maén minangka saurang juru baca warta dina The Informers vérsi pilem.[69] Manéhna ogé maén dina pilem Star Terk J.J. Abram minangka indung jalmana Spock, Amanda Grayson. Sawatara média nyatet pangbalikanna deui dirina kana box office.[70][71] Manéhna ogé maén bareng jeung Robin Wright sarta Julianne Moore dina pilem Rebecca Miller, The Private Lives of Pippa Lee, nu medal tanggal 9 Pébruari 2009 dina Féstival Pilem Internasional Bérlin. Tanggal 9 Juni 2009, Entertaintment Weekly ngawartakeun dina wawancara Ryder jeung majalah Empire, manéhna jeung Christian Slater bakal ngulang deui peranna dina sékuél Heathers.[72]
![](http://178.128.105.246/content-http-upload.wikimedia.org/wikipedia/commons/thumb/3/3f/Winona_Ryder_%28cropped%29.jpg/220px-Winona_Ryder_%28cropped%29.jpg)
Taun 2010, Ryder meranken Beth McIntyre, saurang béntang balét nu keur ngolotan, dina pilemna Darren Aronofsky, Black Swan.[73] Ryder ogé ngabéntangan dina hiji pilem indepénden, Stay Cool, bareng jeung Hilary Duff, Mark Polish jeung Chevy Chase. Taun éta kénéh manéhna ogé maén minangka Lois Wilson dina pilem télévisi, When Love Is Not Enough: The Lois Wilson Story. Pikeun pidanganna, Ryder dinominasikeun kana SAG Award pikeun Artis Pinunjul dina kategori Miniséri Tivi.[74]
Ryder ogé maén dina pilem bébas, Stay Cool, bareng jeung Hilary Duff, Mark Polish jeung Chevy Chase. Taun éta kénéh manéhna meranken Lois Wilson di pilem tivi, When Love Is Not Enough, The Lois Wilson Story. Pikeun pintonanna Ryder dinominasikeun minangka artis awéwé pilem tivi pangpunjulna dina SAG Awards.[75]
Ryder minton minangka pameran utama dina pilem The Dilemma nu disutradaraan ku Ron Howard.[76] Pilem ieu oge dibéntangan ku VInce Vaugh jeung Kevin James. Dijieun di Chicago di bulan Méi 2010 sarta dipedalkeun dina bulan Januari 2011.[77] Taun 2011, manéhna maénkeun peran Deborah Kuklinski, bojona juru paténi Richard Kuklinski, dina pilem The Iceman.[78]
Tahun 2012 Tim Burton maénkeun manéhna dina vidio musik singel The Killers, "Here with Me". Ryder ogé maén dina The Letter, bareng jeung James Franco. Manéhna ogé réuni deui jeung Tim Burton dina peran pilem animasi 3D Frankenweenie, nu medal dina bulan Oktober 2012 sarta minton bareng jeung James Franco dina pilem éksén harénghéng Homefront (2013).
![](http://178.128.105.246/content-http-upload.wikimedia.org/wikipedia/commons/thumb/6/6c/Frankenweenie_premiere_at_the_Fantastic_Fest%2C_Tim_Burton%2C_Winona_Ryder%2C_Martin_Landau%2C_Charlie_Tahan_2.jpg/220px-Frankenweenie_premiere_at_the_Fantastic_Fest%2C_Tim_Burton%2C_Winona_Ryder%2C_Martin_Landau%2C_Charlie_Tahan_2.jpg)
Taun 2013 jeung 2014 Ryder midang dina séri télévisi Séntral Komédi Drunk History.[79] Manéhna ogé midang dina miniséri Amérika Show Me a Hero. Taun 2015, manéhna midang bareng jeung Peter Sarsgaard dina pilem drama biographis Experimenter. Pilem ieu meunangkeun guaran nu positif.[80][81] Ti taun 2016, Ryder midang dina séri horor fiksi ilmiah Netflix, Stranger Things, beunang The Duffer Brothers sarta medal sacara stream online dina 15 Juli 2016.[82] Pidangan manéhna, ogé acarana meunangkeun kritik nu lolobana muji kana latar pilem di taun 1980-an. Pilem séri ieu meunangkeun panghargaan SAG minangka rangkéan drama séri pangpunjulna di taun 2017. Ryder tuluy ngabéntangan séri ieu dina usum kaduana nu medal tanggal 27 Okober 2017 sarta usum katilu nu medal dina tanggal 4 Juli 2019. Dina usum katilu manéhna kabéjakeun dibayar AS$ 350.000,- per épisodena.[83]
Taun 2018, manéhna maén bareng jeung Keanu Reeves dina pilem Destinaton Wedding. Saméméhna, maranéhna kungsi tilu kali maén bareng dina tilu pilem lianna (Bram Stoker's Dracula, A Scanner Darkly jeung The Private Lives of Pippa Lee).
Taun 2020, Ryder maén dina pilem The Plot Against America, hiji pilem séri kawates HBO nu dumasar kana novél taun 2004 nu judulna sarua.[84] David Simon, nu nyieun séri ieu ngoméntaran, "Winona salawasna mintonkeun kapunjulan béntang Amérika asli. Kiwari urang geus siap pikeun aksi kaduana, lantaran manéhna éstu pamean nu pinunjul - kerep tunyu tanya ngeunaan peranna, milampah panalungtikan sarta maén hareupeun kaméra sacara naruliah nalika ngamimitian pancénna."[85] Séri ieu minangka mindoan gawé bareng Ryder jeung Simon.
Gawé lianna
[édit | édit sumber]![](http://178.128.105.246/content-http-upload.wikimedia.org/wikipedia/commons/thumb/5/50/Lance_Acord%2C_Sarah_Flack%2C_and_Winona_Ryder_at_Sundance_2015_Awards.jpg/220px-Lance_Acord%2C_Sarah_Flack%2C_and_Winona_Ryder_at_Sundance_2015_Awards.jpg)
Taun 1995, Ryder ngeusi sora sarta narasi Anne Frank: The Diary of a Young Girl' sarta dinominasikeun pikeun panghargaan Grammy 1995.[86]
Taun 1990, Ryder nyieun kaméo dina vidio musik Roy Orbison, "A Love So Beatiful" babarengan jeung Matthew Modine.[87] Taun éta kéneh Ryder jeung batur maénna dina Mermaids, Cher, minton bareng dina vidio musik "The Shoop Shoop Song". Dina taun 1993, manéhna mancén bareng jeung pibakaleun kabogohna, Dave Primer ti Soul Asylum, dina vidio musikna "Without a Trace".[88] Ryder ogé ngabéntangan vidio musik The Jon Spencer Blues Explosion, "Talk about the Blues" di taun 1998. Taun 2007, manéhna minton sacara singket minangka saurang réporter dina vidio musk "We're All Stuck Out in The Desert" meunang Jonathan Rice.
Ryder jadi salah saurang pangrojong pikeun Leonard Peltier, nu didakwa nelasan dua urang agén féderal, nalika Leonard ménta pangampura Présiden Clinton.[89]
Taun 1998, Ryder jeung Leonardo Dicaprio ngabantu nganarasian CD-ROM wedalan Yayasan Sajarah Visual Shoah nu Steven Spielberg, 'Survivors: Testimonies of the Holocaust.'.[90] Manéhna oge kapéto jadi juri dina Pasanggiri Pilem Cannes taun 1998 nu diluluuhan ku Martin Scorsese.[91] Taun 2015, manéhna oge jadi juri dina Pasanggiri Pilem Sundance di tahun 2015.[92]
Ryder milu ngaproduseran tur nganarasian pilem dokuménter The Day My God Died (2004) reujeung jeung Tim Robbins. Pilem éta ngaguar carita jual beuli séks budak internasional.[93]
Di bulan Agustus Ryder midang dina kampanye usum gugur Rag and Bone. Numutkeun Marcus Wainwright, brand manajerna, manéhna téh kapilih ku alatan "kageulisan jeung kapunjulanna nu teu kawengku ku waktu".[94] Sabada ti harita Ryder jadi béntang iklan piken Marc Jacobs Beauty di taun 2016,[95] iklan sampo Loreal[96] jeung kampanye koléksi usum mekar H&M reujeung Elizabeth Olsen di taun 2018[97] sarta di awal taun 2020 jadi béntang iklan Squarespace superbowl.[98]
Kahirupan pribadi
[édit | édit sumber]Ryder mibanda imah-imah di San Fransisco, Los Angeles jeung Williamsburg di New York.[99] Ryder kungsi ngaku pernah jadi korban anti semit di mangsa katukang sanajan manéhna teu pati kagambarkeun minangka urang Yahudi.[100]
Hubungan
[édit | édit sumber]![](http://178.128.105.246/content-http-upload.wikimedia.org/wikipedia/commons/thumb/3/34/Ray_Liotta%2C_Winona_Ryder%2C_Michael_Shannon_TIFF_2012.jpg/220px-Ray_Liotta%2C_Winona_Ryder%2C_Michael_Shannon_TIFF_2012.jpg)
Ryder tunangan jeung aktor Johnny Depp salila tilu taun ti mimiti bulan Juli 1990. Manéhna panggih dina acara tayang munggaran pilem Great Balls of Fire! tur mimiti bobogohan dua bulan ti harita. Harita manéhna umur 17 taun sarta Johnny Depp umur 26.[101][102] Sabada putus ti Johnny Depp, Ryder hubungan jeung anggota band Soul Asylum, Dave Pirner, sarta anggeur deuheus sanajan geus putus ogé.[103] Tuluy manéhna bobogohan jeung Matt Damon ti taun 1998 nepi ka 2000. Ti taun 2011 Ryder bobogohan jeung Scott Mackinlay Hahn.[104]
Polly Klaas
[édit | édit sumber]Taun 1993, Ryder nawarkeun hadiah ka sing saha nu bisa mulangkeun budak leutik nu diculik, Polly Klaas.[105] Klaas cicing di Petaluma, kota di mana Ryder gedé. Ryder nawarkeun $200.000 ka nu bisa mulangkeun budak umur 12 taun nu diculik éta kalayan salamet.[106] Sabada budak éta maot, Ryder merankeun Jo dina pilem taun 1994 nu mangrupakeun adaptasi tina novél Little Women beunang Louisa May Alcott sarta ngadédikasikeun pintonanna minangka pangéling-ngéling pikeun Klass, lantaran novél Little Women téh karesepna Klass baheula.[107]
Amal
[édit | édit sumber]Ryder ulubiung dina gawé amal pikeun Pangwaragadan Kuliah Indian Amérika ti umur 20-an, hiji yayasan nu nyakolakeun urang Indian ka univérsitas.[108][109]
Dicerek taun 2001
[édit | édit sumber]Tanggal 12 Désémber 2001, Ryder ditéwak ku dakwaan maling di Berverly Hills, California, dituduh maling pakéan jeung asésoris disain saharga $5.500 di hiji department store di Saks Fifth Avenue.[110][111][112] Usahana nyéwa pangacara mashur Mark Geragos sangkan bisa naék banding teu ngahasilkeun.[113]
Manéhna dituduh geus maké obat-obatan kaasup oxycocone, diazepam jeung Vicodin kalawan teu maké resép dokter. Manéhna didakwa maok,[114] nyopet jeung vandalisme najan kitu lolos tina dakwaan ngarampog.[115] Di bulan Désémber 2002, manéhna ditibanan tilu taun hukuman percobaan, 480 jam layanan sosial, $3.700 denda sarta mayar $6.355 réstitusi ka Toko Saks Fifth Avenue. Manéhna ogé kudu ngilu konsultasi obat jeung psikologi.[116] Hakim Tinggi Elden Fox nu nalaah laporan 480 jam layanan sosial manéhna ngurangan hukuman kajahatanna jadi tuduhan kalakuan bangor dina tanggal 18 Juni 2004, Ryder nganggeuskeun mangsa percobaanna nepi ka bulan Désémber 2005.[117]
Ryder ngajéntrékeun ka Majalah Interview yén kajadian éta téh lumangsung dina mangsa manéhna keur sacara klinis kateken. Ceuk manéhna kénéh ubar panahan nyeri ti tukang terapi alternatifna geus ngaburkeun panalarna. Dokter nu medalkeun resepna geus dicabut ijinna ku Déwan Médis California ku alesan sacara teu étis geus nedunan "kahayang pacandu nu beunghar jeung/atawa sohor pikeun resép narkotik nu saenyana mah dijual di pasar gelap".[118]
Filmografi
[édit | édit sumber]Pilem
[édit | édit sumber]Taun | Judul | Peran | Sutradara | Catetan |
---|---|---|---|---|
1986 | Lucas | Rina | David Seltzer | |
1987 | Square Dance | Gemma Dillard | Daniel Petrie | |
1988 | Beetlejuice | Lydia Deetz | Tim Burton | |
1969 | Beth Karr | Ernest Thompson | ||
Heathers | Veronica Sawyer | Michael Lehmann | ||
1989 | Great Balls of Fire! | Myra Gale Lewis | Jim McBride | |
1990 | Welcome Home, Roxy Carmichael | Dinky Bossetti | Jim Abrahams | |
Edward Scissorhands | Kim Boggs | Tim Burton | ||
Mermaids | Charlotte Flax | Richard Benjamin | ||
1991 | Night on Earth | Corky | Jim Jarmusch | Segment: "Los Angeles" |
1992 | Bram Stoker's Dracula | Wilhelmina "Mina" Murray | Francis Ford Coppola | |
1993 | The Age of Innocence | May Welland | Martin Scorsese | |
The House of the Spirits | Blanca Trueba | Bille August | ||
1994 | Reality Bites | Lelaina Pierce | Ben Stiller | |
Little Women | Josephine "Jo" March | Gillian Armstrong | ||
1995 | How to Make an American Quilt | Finn Dodd | Jocelyn Moorhouse | |
1996 | Boys | Patty Vare | Stacy Cochran | |
Looking for Richard | Lady Anne | Al Pacino | Documentary | |
The Crucible | Abigail Williams | Nicholas Hytner | ||
1997 | Alien Resurrection | Annalee Call | Jean-Pierre Jeunet | |
1998 | Celebrity | Nola | Woody Allen | |
1999 | Girl, Interrupted | Susanna Kaysen | James Mangold | Also executive producer |
Being John Malkovich | Herself | Spike Jonze | Archive footage | |
2000 | Autumn in New York | Charlotte Fielding | Joan Chen | |
Lost Souls | Maya Larkin | Janusz Kamiński | ||
2001 | Zoolander | Herself | Ben Stiller | Uncredited cameo |
2002 | Mr. Deeds | Babe Bennett / Pam Dawson | Steven Brill | |
Simone | Nicola Anders | Andrew Niccol | ||
2003 | The Day My God Died | Naratur (sora) | Andrew Levine | Voice Documentary; also producer |
2004 | The Heart Is Deceitful Above All Things | Psikolog | Asia Argento | Uncredited |
2006 | The Darwin Awards | Siri Taylor | Finn Taylor | |
A Scanner Darkly | Donna Hawthorne | Richard Linklater | ||
2007 | The Ten | Kelly LaFonda | David Wain | |
Sex and Death 101 | Gillian De Raisx / Death Nell | Daniel Waters | ||
Welcome[119] | Cynthia | Kirsten Dunst | Short film | |
2008 | The Last Word | Charlotte Morris | Geoffrey Haley | |
2009 | Water Pills | Carrie | Blake Soper | Short film |
The Informers | Cheryl Laine | Gregor Jordan | ||
The Private Lives of Pippa Lee | Sandra Dulles | Rebecca Miller | ||
Stay Cool | Scarlet Smith | Michael Polish | ||
Star Trek | Amanda Grayson | J. J. Abrams | ||
2010 | Black Swan | Beth MacIntyre / The Dying Swan | Darren Aronofsky | |
2011 | The Dilemma | Geneva Backman | Ron Howard | |
2012 | Frankenweenie | Elsa Van Helsing | Tim Burton | |
The Letter | Martine | Jay Anania | ||
The Iceman | Deborah Kuklinski | Ariel Vromen | ||
2013 | Homefront | Sheryl Mott | Gary Fleder | |
2015 | Experimenter | Sasha Menkin Milgram | Michael Almereyda | |
2018 | Destination Wedding | Lindsay | Victor Levin |
Télévisi
[édit | édit sumber]Taun | Judul | Peran | Catetan |
---|---|---|---|
1994 | The Simpsons | Allison Taylor (sora) | Épisode: "<i>Lisa's Rival</i>" |
1996 | Dr. Katz, Professional Therapist | Winona (sora) | Épisode: "Monte Carlo" |
1998 | The Larry Sanders Show | dirina | Épisode: "Another List" |
2000 | Strangers with Candy | Fran | Épisode: "The Last Temptation of Blank" |
2001 | Friends | Melissa Warburton | Épisode: "<i>The One with Rachel's Big Kiss</i>" |
2002 | Saturday Night Live | Dirina/ Host | Épisode: "Winona Ryder/Moby" |
2010 | When Love Is Not Enough | Lois Wilson | Pilem télévisi |
2013–2014 | Drunk History | Mary Dyer / Peggy Shippen | 2 épisodes |
2014 | Turks & Caicos | Melanie Fall | Pilem télévisi |
2015 | Show Me a Hero | Vinni Restiano | 4 épisodes |
2016–kiwari | Stranger Things | Joyce Byers | Peran utama |
2020 | The Plot Against America | Evelyn Finkel | Peran utama |
video musik
[édit | édit sumber]Taun | Judul | Artis | Peran |
---|---|---|---|
1989 | "Debbie Gibson Is Pregnant with My Two-Headed Love Child" | Mojo Nixon & Skid Roper | Debbie Gibson Pangantén Kakandungan |
1990 | "The Shoop Shoop Song (It's in His Kiss)" | Cher | Dirina / Charlotte Flax |
1992 | "Love Song for a Vampire" | Annie Lennox | Wilhelmina "Mina" Murray |
1993 | "Locked Out" | Crowded House | Dirina |
1998 | "Talk About the Blues" | Jon Spencer Blues Explosion[120][121] | Jon Spencer |
2012 | "Here with Me" | The Killers | Mojang lilin |
Panghargaan jeung nominasi
[édit | édit sumber]Academy Awards
[édit | édit sumber]Taun | Katégori | Nominasi dina | Hasil | Ref. |
---|---|---|---|---|
1993 | Artis Pangrojong Pangpunjulna | The Age of Innocence | Nominasi | |
1994 | Artis Pangpunjulna | Little Women | Nominasi |
Panghargaan BAFTA
[édit | édit sumber]Taun | Katégori | Nominasi dina | Hasil | Ref. |
---|---|---|---|---|
1993 | Artis Pangrojong Pangpunjulna | The Age of Innocence | Nominasi |
Golden Globe Awards
[édit | édit sumber]Taun | Katégori | Nominasi dina | Hasil | Ref. |
---|---|---|---|---|
1991 | Artis Pangrojong Pangpunjulna | Mermaids | Nominasi | |
1993 | The Age of Innocence | Meunang | ||
2016 | Artis Drama Pangpunjulna | Stranger Things | Nominasi |
Panghargaan Grammy
[édit | édit sumber]Taun | Katégori | Nominasi dina | Hasil | Ref. |
---|---|---|---|---|
1996 | Album Guneman pikeun Barudak Pangpunjulna | The Diary of a Young Girl |
Panghargaan Screen Actors Guild
[édit | édit sumber]Taun | Katégori | Nominasi dina | Hasil | Ref. |
---|---|---|---|---|
1995 | Pidangan Pangpunljulna Numutkeun Hiji Adegan | How to Make an American Quilt | Nominasi | |
2010 | Black Swan | Nominasi | ||
Artis Pangpunjulna dina Mini Seri atawa Pilem | When Love Is Not Enough | Nominasi | ||
2016 | Artis Drama Pangpunjulna | Stranger Things | Meunang | |
Rangkéan Drama Pangpunjulna | Nominasi | |||
2017 |
Tumbu éksternal
[édit | édit sumber]- Winona Ryder dina IMDb
- Winona Ryder dina Rotten Tomatoes
- ↑ a b c d e f g "Winona Ryder Biography (1971–)". Biography.com. Diarsipkeun tinu asli tanggal 4 Méi 2020. Diaksés 23 Juni 2020.
- ↑ "The 17th Annual Screen Actors Guild Awards". Screen Actors Guild. Diaksés 9 April 2011.
- ↑ Dockterman, Eliana (27 Juni 2016). "90s Icon Winona Ryder Is Making Her Comeback". Time. Diarsipkeun tinu orisinil tanggal 27 Juni 2016. Diaksés tanggal 27 Juni 2016.
- ↑ Bess, Gabby (5 Agustus 2015). "Winona Ryder's Mom Explains the History of Women, Drugs, and Literature". Broadly. Diaksés 6 Agustus 2015.
- ↑ Bess, Gabby (5 Agustus 2015). "Winona Ryder's Mom Explains the History of Women, Drugs, and Literature". Broadly. Diaksés 6 Agustus 2015.
- ↑ Goodall, Nigel (Désémber 1998). Winona Ryder: The Biography. London: Blake Pub. ISBN 1-85782-214-5.
- ↑ "Winona Ryder claims Mel Gibson called her an 'oven-dodger'". The Daily Telegraph. London, Inggris: Telegraph Media Group. 17 Désémber 2010. Diaksés 24 April 2011.
- ↑ Mottram, James (26 Méi 2013). "Fallen angel: Winona Ryder on bouncing back from her decade in the wilderness". The Independent. UK.
- ↑ Artikel Winona Ryder, Wawancara: Artikel ti Réporter Hollywood jeung Majalah Queen, Maret 1997.
- ↑ Goodall, Nigel (Désémber 1998). Winona Ryder: The Biography. London: Blake Pub. ISBN 1-85782-214-5.
- ↑ Wills, Dominic (2006), "Winona Ryder biography" Diarsipkeun 12 Oktober 2007, dina the Wayback Machine, Tiscali.com, kaca 4. Diaksés 6 Désémber 2007.
- ↑ Goodall, Nigel (Désémber 1998). Winona Ryder: The Biography. London: Blake Pub. ISBN 1-85782-214-5.
- ↑ Lang, Cady (7 Oktober 2017). "Winona Ryder Shares How She Was Bullied in School After 'Beetlejuice'". Time Magazine. Kota New York: Meredith Corporation. Diaksés 13 April 2018.
- ↑ Goodall, Nigel (Désémber 1998). Winona Ryder: The Biography. London: Blake Pub. ISBN 1-85782-214-5.
- ↑ "Winona Ryder". Diarsipkeun ti nu asli tanggal 25 Désémber 2015.
- ↑ Goodall, Nigel (Désémber 1998). Winona Ryder: The Biography. London: Blake Pub. ISBN 1-85782-214-5.
- ↑ Winona Ryder dina Book Rags.com. Diaksés 7 Désémber 2007.
- ↑ Salisbury, Mark (2000). Burton on Burton: Édisi Révisi. Faber and Faber. ISBN 0-571-20507-0.
- ↑ Beetlejuice at Rotten Tomatoes.com; Diaksés 5 Méi 2007.
- ↑ Kempley, Rita (April 14, 1989). "Heathers". The Washington Post.
- ↑ Shary, Timothy (2005). Teen Movies: American Youth on the Screen. Walflower Press. h. 78. ISBN 1-904764-49-5.
- ↑ "Great Balls of Fire Movie Reviews, Pictures". Rotten Tomatoes. Diaksés 7 Maret 2010.
- ↑ Hart, Mary (Pamawa Acara) (1989). Entertainment Tonight (produksi télévisi). CBS Paramount. Diarsipkeun ti nu asli tanggal 17 Méi 2015. Diaksés 3 Séptémber 2007.
- ↑ "Edward Scissorhands (1990)". Box Office Mojo. Diaksés 12 Juni 2007.
- ↑ Edward Scissorhands dina Rotten Tomatoes; panungtungan diaksés tanggal 5 Méi 2007.
- ↑ Ebert, Roger (14 Désémber 1990). "Mermaids Review". Chicago Sun-Times. Diaksés 1 Januari 2008.
- ↑ "Golden Globe Award Database: Winona Ryder". Hollywood Foreign Press Association. Diarsipkeun ti nu asli tanggal 19 Fébruari 2008. Diaksés 9 Januari 2008.
- ↑ Siegel, Scott; Siegel, Barbara (1997). The Winona Ryder Scrapbook. Carol Pub Group. k. xvii.
- ↑ Goodall, Nigel (Désémber 1998). Winona Ryder: The Biography. London: Blake Pub. ISBN 1-85782-214-5.
- ↑ Fox, David J. (4 April 1994). "'House of Spirits' Fails to Levitate : Movies: The star-studded film does poorly in its U.S. opening, despite heavy publicity and strong European sales". Los Angeles Times. Diaksés 23 Agustus 2017.
- ↑ "Winona Ryder's Eclectic Career". BBC News.6 Nopémber 2002.
- ↑ "Golden Globe Award Database: Winona Ryder". Hollywood Foreign Press Association. Diarsipkeun ti nu asli tanggal 19 Pébruari 2008. Diaksés 9 Januari 2008.
- ↑ "Academy Award Database: Winona Ryder". Academy of Motion Picture Arts and Sciences. Diarsipkeun ti nu asli tanggal 13 Januari 2013. Diaksés tanggal 9 Januari 2008.
- ↑ "Winona Ryder | Encyclopedia.com". www.encyclopedia.com. Diaksés 27 Oktober 2020.
- ↑ Levitt, Shelley (15 Nopémber 1993). River's End. People.com. Diaksés 7 Juli 2013.
- ↑ Rickey, Carrie (3 April 1994). "Generation X Turns Its Back". The Philadelphia Inquirer.
- ↑ "Most Beautiful People'". UPI. Diaksés 28 Oktober 2020.
- ↑ Maslin, Janet (21 Désémber 1994). "Little Women". The New York Times. Diaksés 1 Januari 2008.
- ↑ How to Make an American Quilt dina Rotten Tomatoes. Diaksés tanggal 10 Januari 2007.
- ↑ How to Make an American Quilt at Rotten Tomatoes. Diaksés 10 Januari 2007.
- ↑ Looking for Richard at Rotten Tomatoes Diarsipkeun 27 Januari 2008, dina Wayback Machine. Diaksés 10 Januari 2007.
- ↑ The Crucible dina Box Office Mojo. Diaksés Januari 2007.
- ↑ Travers, Peter (12 Désémber 1996). "Reviews: The Crucible". Rolling Stone. Diaksés 10 Méi 2011.
- ↑ Weintraub, Steve (3 Méi 2013). "Winona Ryder Talks THE ICEMAN, Her Obsession with THE WIRE and THE BIG LEBOWSKI, More". Collider. Diaksés 18 Nopémber 2020.
- ↑ "Overview of Alien: Resurrection reviews Archived 2009-08-07 di Wayback Machine". Metacritic. Diaksés 4 Pébruari 2007.
- ↑ Ebert, Roger. "Alien Resurrection movie review (1997) | Roger Ebert". www.rogerebert.com. Diaksés 21 Oktober 2020.
- ↑ "Winona Ryder | Encyclopedia.com". www.encyclopedia.com. Diaksés 28 Oktober 2020.
- ↑ "Winona Ryder Takes Over Reigns Of Blues Explosion For New Video Archived 2016-02-23 di Wayback Machine". MTV.Com. 12 Oktober 1998. Diaksés 8 Oktober 2015.
- ↑ "Winona Ryder | Encyclopedia.com". www.encyclopedia.com. Diaksés 27 Oktober 2020.
- ↑ Autumn in New York at Rotten Tomatoes. Diaksés 10 Januari 2007.
- ↑ "Autumn in New York (2000)". Box Office Mojo. Diaksés 12 Juni 2007.
- ↑ Vincent, Mal (13 Oktober 2000). "Bible Belter Winona Ryder Scares the Devil Out of Herself". The Buffalo News. Diaksés 18 Nopémber 2020.
- ↑ "Ryder to Get Big Tribute at Film Festival". SFGATE. 14 Maret 2000. Diaksés 26 Oktober 2020.
- ↑ Staff, Hollywood com (19 Maret 2001). "Winona Ryder Gets Her Own Star". Hollywood.com. Diaksés 25 Oktober 2020.
- ↑ "Winona Ryder – MovieActors.com Archived 2022-07-02 di Wayback Machine". www.movieactors.com. Diaksés 1 Nopémber 2020.
- ↑ Kim, Ellen A. (6 Oktober 2000). "Winona Ryder Gets Her Own Star". Hollywood.com.
- ↑ "Friends Episode 7.20". www.friends-tv.org. diaksés 4 Nopémber, 2020.
- ↑ The resurrection of Winona Ryder: how Hollywood's lost girl came back. The Guardian. 3 Méi 2009.
- ↑ "Winona Ryder". W Magazine | Women's Fashion & Celebrity News. Diaksés 1 Nopémber 2020.
- ↑ "RYDER ON THE STORM". British Vogue. Diaksés 1 Nopémber 2020.
- ↑ "VH1 Greatest Pop Culture Icons". DailyCelebrations.com. Juli 2003.
- ↑ Chocano, Carina (7 Juli 2006). "Movie Review: A Scanner Darkly".
- ↑ "2006 Sundance Film Festival announces films in premieres section" (PDF) (pedalan Pers). Sundance Film Festival.1 Désémber 2005. Diarsipkeun tinu asli (PDF) tanggal16 Pébruari 2008.
- ↑ Tucker, Hannah (7 Juli 2006). "The Deal Report" Archived 2014-12-18 di Wayback Machine. Entertainment Weekly.
- ↑ "2007 Sundance Film Festival announces films in the Premieres, Spectrum, New Frontier, Park City at midnight and from the Sundance collection sections" (PDF) (pedalan Pers).Féstival Sundance. 30 Nopémber 2006. Diarsipkeun ti nu asli (PDF) tanggal 16 Pébruari 2008.
- ↑ Arsip warta Winona Ryder. Diarsipkeun 3 Méi 2006, tina the Wayback Machine; panungtungan diaksés 5 Méi 2007.
- ↑ "Prix Marie-Claire de la Mode 2008". Ambassade de France en Espagne / Embajada de Francia en España (dina bahasa Perancis). Diaksés 23 Oktober 2020.
- ↑ "Winona Ryder Photos Photos: 2009 Giffoni Film Festival - Poé 14". Zimbio. Diaksés 23 Oktober 2020.
- ↑ Mayberry, Carly (21 Séptémber 2007). "Ryder, Rourke turn 'Informers'". The Hollywood Reporter.
- ↑ The resurrection of Winona Ryder: how Hollywood's lost girl came back. The Guardian. 3 Méi 2009.
- ↑ Winona is the queen of the comeback kids Irish Independent. 16 Méi 2009.
- ↑ Winona Ryder confirms 'Heathers' sequel. God, Veronica, drool much? Archived 2009-06-05 di Wayback Machine, Entertainment Weekly. 2 Juni 2009.
- ↑ Zeitchik, Steven (9 Nopémber 2009). "Winona Ryder joins cast of Darren Aronofsky thriller". The Hollywood Reporter.
- ↑ "IndieLondon: Black Swan - Wawancara Natalie Portman - Your London Reviews". www.indielondon.co.uk. Diaksés 23 Oktober 2020.
- ↑ "The 17th Annual Screen Actors Guild Awards | Screen Actors Guild Awards". www.sagawards.org. Diaksés 13 Nop��mber 2020.
- ↑ "Winona Ryder Joins Ron Howard's 'Cheaters' aka 'Your Cheating Heart'". theplaylist.net. Diaksés 25 Oktober 2020.
- ↑ Sperling, Nicole. "Career rebound for Winona?" Diarsipkeun 9 April 2010 dina the Wayback Machine. Entertainment Weekly. 6 April 2010.
- ↑ Winona Ryder Joins The Cast Of The Iceman, Cinema Blend, 21 Désémber 2011.
- ↑ "The Story of Benedict Arnold: An Exclusive Clip of Next Week's 'Drunk History'". Mandatory. 13 Agustus 2014. Diaksés 23 Oktober 2020.
- ↑ "Magnolia Pictures: Experimenter". Magpictures.com. Diarsipkeun ti nu aslina 6 Séptémber 2015. Diaksés 24 Juli 2015.
- ↑ "Experimenter". Metacritic. Diaksés 12 Oktober 2015.
- ↑ Ausiello, Michael (15 Juni 2015). "Scoop: Winona Ryder to Headline Untitled Netflix Supernatural Thriller" Archived 2015-08-16 di Wayback Machine. TVLine. Diaksés 24 Agustus 2015.
- ↑ "'Stranger Things' Stars Score Massive Pay Raises for Season 3 | Hollywood Reporter". www.hollywoodreporter.com. Diaksés 7 Oktober 2020.
- ↑ Petski, Denise (10 April 2019). "'The Plot Against America': Winona Ryder, Zoe Kazan, Morgan Spector Among 7 Cast In HBO Miniseries". Deadline Hollywood. Diaksés 8 Januari 2020.
- ↑ Press, Joy (10 Maret 2020). "HBO's Plot Against America Paints an All-Too-Plausible Alternate History". Vanity Fair. Diaksés 13 Nopémber 2020.
- ↑ "THE DIARY OF A YOUNG GIRL by Anne Frank Read by Winona Ryder | Audiobook Review". AudioFile Magazine. Diaksés 25 Oktober 2020.
- ↑ Roy Orbison – A Love So Beautiful, diaksés 25 Oktober 2020.
- ↑ "Without A Trace | EnterTheSoulAsylum.com". enterthesoulasylum.com. Diaksés 25 Oktober 2020.
- ↑ News, A. B. C. "FBI Agents Stage Protest March". ABC News. Diaksés 16 Oktober 2020.
- ↑ "A Nightmare Told in Words and Pictures". archive.nytimes.com. Diaksés 7 Oktober 2020.
- ↑ Maslin, Janet (25 Méi 1998). "Greek Director Wins Top Prize at Cannes Festival (Medal 1998)". The New York Times. ISSN 0362-4331. Diaksés 25 Oktober 2020.
- ↑ Gupta, Shipra Harbola; Gupta, Shipra Harbola (18 Désémber 2014). "Sundance Announces 2015 Jurors: Cary Fukunaga, Winona Ryder, Edgar Wright and More". IndieWire. Diaksés 25 Oktober 2020.
- ↑ Dazed (15 Agustus 2016). "Your guide to Winona Ryder, one of the coolest people ever". Dazed. Diaksés 14 Oktober 2020.
- ↑ Holmes, Sally (13 Agustus 2014). "Winona Ryder Is Stunning in the New Rag & Bone Campaign". ELLE. Diaksés 5 Nopémber 2020.
- ↑ Panych, Sophia. "Allure Exclusive: Winona Ryder Is the New Face of Marc Jacobs Beauty". Allure. Diaksés 6 Oktober 2020.
- ↑ Sy, Wendy. "L'Oreal Commercial Compares Winona Ryder's Career to Damaged Hair". Allure. Diaksés 6 Oktober 2020.
- ↑ "Winona Ryder and Elizabeth Olsen star in new H&M campaign". UK.FashionNetwork.com. 19 Maret 2018. Diaksés 6 Nopémber 2020.
- ↑ "Watch: Winona stars in Winona Ryder's Super Bowl ad". MPR News. Diaksés 6 Oktober 2020.
- ↑ Mooallem, Stephen (23 April 2013). "Winona Ryder". Interview. Diaksés 16 Nopémber 2020.
- ↑ Press, Joy (10 Maret 2020). "HBO's Plot Against America Paints an All-Too-Plausible Alternate History". Vanity Fair. Diaksés 13 Nopémber 2020.
- ↑ "Johnny Depp Picture, Profile, Gossip, and News". celebritywonder.com. Diarsipkeun ti nu asli tanggal 3 Januari 2008. Diaksés 31 Désémber 2007.
- ↑ Lewis, Isobel (13 Juli 2020). "Winona Ryder to testify that Johnny Depp was 'never violent' to her during libel trial". The Independent. Diaksés 1 Séptémber 2020.
- ↑ Ginsberg, Merle (1 Juni 2002). "Winona Ryder: Ryder on the Storm". W. Diaksés 11 Agustus 2020.
- ↑ Bueno, Antoinette (14 Juli 2016). "Winona Ryder explains why she's never been married" Archived 2018-03-13 di Wayback Machine. Entertainment Tonight. Diaksés 11 Agustus 2020.
- ↑ "Winona Ryder Biography". Yahoo! Movies. Diaksés 31 Désémber 2007.
- ↑ "Kidnapping Summons City to Action". The New York Times. 15 Oktober 1993.
- ↑ Thompson, Anne (11 Maret 1994). "'Women' on the verge" Archived 2013-06-20 di Wayback Machine. Entertainment Weekly. New York City: Meredith Corporation.
- ↑ "Ryder In the Storm". San Francisco Gate. 16 Januari 2000. Diaksés 7 Juni 2017.
- ↑ "Winona Ryder escapes jail for theft". The Guardian. 7 Désémber 2002. Diaksés 7 Juni 2017.
- ↑ "Actress Winona Ryder arrested". BBC News. 14 Désémber 2001.
- ↑ "Lawyer: Ryder's arrest a 'misunderstanding'". CNN. 13 Désémber 2001. Diarsipkeun ti nu asli tanggal 11 Oktober 2007.
- ↑ "Winona convicted of stealing clothes". Age. Melbourne. 7 Nopémber 2002.
- ↑ "Winona Ryder to face court after talks break down". ABC News. 19 Séptémber 2002.
- ↑ "California Penal Code Section 487 – California Attorney Resources – California Laws". Diaksés 9 April 2011.
- ↑ "Winona Ryder Shoplifting Trial". Court TV. Diarsipkeun ti nu asli 11 Désémber 2007. Diaksés 31 Désémber 2007.
- ↑ "With Winona Ryder in the spotlight, Chicago area shop keepers fear increased shoplifting this holiday season". Chicago: Medill News Service.10Désémber 2002. Diarsipkeun ti nu asli 11 Oktober 2007.
- ↑ Watercutter, Angela (18 Juni 2004). "Reduced Charges For Winona Ryder". CBS News.
- ↑ "Report: Doctor Catered to Drug Demands of Celebs, Including Winona Ryder". Foxnews.com. Associated Press. 10 Désémber 2002. Diaksés 19 Agustus 2017.
- ↑ "Welcome". Palm Springs International Film Festival –Shortfest. August 23, 2007. Diarsipkan dari versi asli tanggal July 27, 2011. Diakses tanggal March 30, 2009. Archived Juli 27, 2011, di Wayback Machine
- ↑ "Winona Ryder Takes Over Reigns Of Blues Explosion For New Video". MTV.Com. October 12, 1998. Diakses tanggal October 8, 2015. Archived Pébruari 23, 2016, di Wayback Machine
- ↑ "Jon Spencer of the Blues Explosion: My Life in 10 Songs". RollingStone.Com. March 23, 2015. Diakses tanggal October 8, 2015.