Yohanes Surya
Yohanes Surya | |
---|---|
![]() | |
Prof. Yohanes Surya Ph.D. | |
Katerangan lian | |
Gumelar | 6 Nopémber 1963![]() |
Pameget/istri | Christina |
Murangkalih | Chrisanthy Rebecca Surya Marie Felicia Surya Marcia Ann Surya |
Alma mater | Universitas Indonésia College of William and Mary |
Pagawéan | Réktor STKIP Surya |
Ageman | Kristen |
Prof. Yohanes Surya Ph.D. (gumelar di Jakarta, 6 Nopémber 1963; umur 60 taun[1]) nyaéta fisikawan, guru, panalungtik sakaligus nu mingpin Tim Olimpiade Fisika Indonésia ti taun 1993, pikeun tanding fisika di Amérika, Asia, Australia jeung Éropa.[1] Nu hasilna ti munggaran tanding téh langsung meunangkeun perunggu, nepi ka ayeuna Indonésia teu eureun-eureun meunang pangajén.[1] Medali emas munggaran Indonésia dimeunangkeun taun 1999.[rujukan?] Yohanes Surya lulus ti Universitas Indonésia taun 1986 ogé pernah ngaraih summa cum laude di College of William and Mary, Virginia, Amérika Sarikat taun 1994.[1]
Tarékah di Widang Fisika
[édit | édit sumber]Ngahasilna siswa-siswa Indonésia ngaraih emas di Olimpiade Fisika tingkat Internasional sarta kompetisi The First Step to Nobel Prize in Physics geus ngangkat harkat darajat.[1] Hal ieu tangtuna teu bisa leupat tina tarékah Yohanes Surya anu geus muka jalan tur naratas murid-murid nu nyarongcolang di sakola menengah Indonésia pikeun midang dina kompetisi nu dimaksud.[1]
Usahana éta terus-tumesus nepi ka méré jalan ka siswa-siswa nyongcolang Indonésia pikeun neruskeun diajarna di paguron luhur di luar negeri.[1] Yohanes memang teu segen pikeun ngahubungan langsung paguron luhur anu kakoncara di Amérika Sarikat, ngalamat tempat diajarna sakaligus béasiswa pikeun murid-muridna nu nyongcolang.[1] Yohanes ogé rajeun nularkeun élmuna ka guru-guru fisika SMP jeung SMA di sawatara daérah di Indonésia.[1] Alatan pangalamanna natar jeung ngalatih, anjeunna jadi leuwih mibanda aksés pikeun ngarékrut siswa-siswa jinius di daérah pikeun dilatih inténsif pikeun disertakeun dina lomba fisika tingkat dunya.[1]
Tarékahna ngailaharkeun fisika pikeun kalangan umum memang ku rupa-rupa usaha, kayaning minton di tipi, nulis di koran-koran nepi ka méré cangkeman ngeunaan kajadian fisika liwat format kartun anu satuluyna dipedalkeun minangka buku.[1] Yohanes boga pamadegan yén ngasilna hiji hal téh leuwih dilantarankeun ku kakeyengan, lian ti bakat tangtuna.[rujukan?] Jalma nu teu calakan pisan ogé mun daék diajar tur keyeng mah pasti ngahasil.[1]
Cutatan
[édit | édit sumber]Henteu aya budak nu bodo, nu aya ngan ukur budak nu teu meunang kasempetan diajar ti guru nu hadé jeung métode nu bener[2] |
STKIP Surya
[édit | édit sumber]Yohanes Surya ogé jadi salah saurang pangadeg hiji paguron luhur nu ngaranna Sekolah Tinggi Keguruan dan Ilmu Pendidikan Surya taun 2009 di daérah Gading Serpong, Tangerang.[2] Profesor Yohanes paham pisan kana patalina tumuwuhna ékonomi di hiji nagara jeung kualitas atikan nu aya di negara éta.[2] Anjeuna percaya rendahna kualitas atikan di hiji nagara umumna jadi hiji cukang lantaran lemahna ékonomi di éta nagara.[2] Kualitas atikan nu rendah alatan tina goréngna kualitas tanaga pangajar nu aya.[rujukan?] Hal ieu ngadorong Yohanes pikeun ngabenahan atikan liwat tarékah nu karencanakeun jeung kaintegrasi.[2] salah sahiji tarékahna nyaéta ku ngadegkeun STKIP Surya.[2] STKIP Surya meunang dukungan ti sawatara pamaréntah daérah (pémda) di Indonésia, utamana daérah nu katinggaleun.[2]
Rujukan
[édit | édit sumber]
![]() |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |