James Hetfield
James Hetfield | |
![]() James Hetfield, 2023 | |
Imje a nazwisko | James Alan Hetfield |
Data a plac rodzyńo | 3 śyrpńa 1963 Downey |
Fach | śpjywok, gitarzista |
Uobywatylstwo | ![]() |
Czas aktywnośći | uod 1978 |
Platowo wytwůrnijo | Warner Bros., Megaforce, Elektra |
![]() |
James Alan Hetfield (rodz. 3 śyrpńa 1963 we mjeśće Downey we stańe Kaliforńijo[1]) – hamerikański śpjywok, gitarzista rytmiczny, kůmpozytor, producynt muzyczny a autor tekstůw. Uod 1981 lidyr a razym ze Larsym Ulrichym założyćel hewimetalowyj skupiny Metallica[2].
Bjografijo
[edytuj | edytuj zdrzōdło]![](http://178.128.105.246/content-http-upload.wikimedia.org/wikipedia/commons/thumb/b/b4/James_Hetfield_live_in_London_2008-09-15_2.jpg/200px-James_Hetfield_live_in_London_2008-09-15_2.jpg)
James Alan Hetfield narodźůł śe 3 śyrpńa 1963 we mjeśće Downey we stańe Kaliforńijo[1]. Je synym kerowcy aut ćynżarowych - Virgila Hetfield (umrziłego we 1996) a ji żůny, śpjywaczki operowyj - Cynthii Hetfield (umrziła we 1979, James mioł 15 lot[3]). Mo dwůch storszich braćikůw: Chrisa (ur. 1951) i Dave'a (ur. 1952) a śůstre Deannę. We stolećo 9 lot uczůł śe groć na fortypjańe, ńyskorzi na szlagcojgu, aż uostateczńe na gitarze. Pjyrszům skupinom bůła banda "Obsession", we kerej groł uůn ze swojimi kumplami a braćami.
Rodźice Jamesa (pochodzyńo angelskego) uczynszczali na Krześcijańsko Nauka (Christian Science) a umrzili na raka ńy pomagajůnc se medyczńe, bo wyznowali, iże wjara je jedynym źrůdłym zdrowja. Po śmjyrći matki we stolećo 15 lot James uopuściůł rodźinno chałpa a zamjeszkůł we mjeśće Brea[4]. Tam tyż we Wyższyj Szule poznoł szlagcojgera Jim`jego Mulligan`a a gitarziste Hugh`a Tanner`a, a ńyskorzi dołůnczůł do ji skupiny - "Phantom Lord".
Po ukończyniu szuly wrůćůł zaś do Downey, kaj zmjeńůł banda na "Leather Charm". We 1981 roku poznoł důńskego szlagzojgera Larsa Ulricha, ze kerym założůł nowo skupina - Metallica[2][3]. Inspirowoł śe takimi skupinami jak: The Beatles, Black Sabbath, Queen a Venom[5]. Pjyrszy albům wydano we 1983. Pjyrwy Hetfield ńy wjerzůł, iże śe be dobrze sprawowůł jako śpjywok, nale przi już nagrywańu drugego albůmu Metalliki - "Ride The Lightning" wyśpjywoł utwory "Escape" a "Fade to Black". Terozki[6] Metallica wydoła 11 albůmůw. Prakticzńe je uůn we jedynym twůrcom tekstůw zespołu[5].
We wywjadach krytykowoł cołke Christian Science, nale dobrze śe wyrażůł uo uojcu Virgilu, kerego motto brzmjoło: "Eli komuś śe ńy podobo co robisz, smůl to[7][8]". Ta filozofijo znolozła mjesce we pjůsynce "Nothing Else Matters" (ślůnske tumaczeńy: Nic uůnnygo śe ńy liczy) we 1991.
Nagrůdy a wyrůźńeńo
[edytuj | edytuj zdrzōdło]We roku 2004 uostoł wybrany bez magazyn Rolling Stone człowjekjem roku. Nagroda prziznano za przemiana jako do śe uobrzirać we fylmje dokumentalnym "Some Kind of Monster" a traśe kůncyrtowyj Madly in Anger with the World Tour.
Filmografijo
[edytuj | edytuj zdrzōdło]- Metallimania (1997, film dokumyntalny, reżisyrjo: Marc Paschke)[9]
- Some Kind of Monster (2004, film dokumyntalny, reżisyrjo: Joe Berlinger, Bruce Sinofsky)[10]
- Lemmy (2010, film dokumyntalny, reżisyrjo: Greg Olliver, Wes Orshoski)[11]
Linki zewnyntrzne
[edytuj | edytuj zdrzōdło]Przipisy
- ↑ 1,0 1,1 Holly George-Warren, Patricia Romanowski, Jon Pareles: The Rolling stone encyclopedia of rock & roll (ISBN 9780743201209).
- ↑ 2,0 2,1 Metallica: Biographie (Kapitel 1) www.musikmagazin.at (mjym.)
- ↑ 3,0 3,1 James Hetfield Biografy www.imdb.com (yng.)
- ↑ Metallica’s James Hetfield Inducted Into Downey High Hall Of Fame losangeles.cbslocal.com (yng.)
- ↑ 5,0 5,1 James Hetfield Biography, Bio, Profile, pictures, photos netglimse.com (yng.)
- ↑ Na stan 21 moja 2013
- ↑ James Hetfield featured in ABSENT documentary, exclusive interview with director Justin Hunt (yng.)
- ↑ James Hetfield to Appear on FOX and Friends with Filmmaker Justin Hunt (yng.)
- ↑ Metallimania Info uo filmje, www.imdb.com (yng.)
- ↑ Some Kind of Monster Info uo filmje, www.imdb.com (yng.)
- ↑ Lemmy Info uo filmje, www.imdb.com (yng.)