Гуто
Маҳалли аҳолинишин | |||
олмонӣ: Gotha | |||
![]() | |||
|
|||
Кишвар |
![]() |
||
Роҳбар | Knut Kreuch[d] | ||
Таърих ва ҷуғрофиё | |||
Масоҳат | |||
Баландии марказ | 300 м | ||
Минтақаи замонӣ | UTC+1[d] ва UTC+02:00 | ||
Аҳолӣ | |||
Аҳолӣ | |||
Шиносаҳои ададӣ | |||
Пешшумораи телефон | 03621 | ||
Нишонаи почта | 99867 | ||
Коди мошин | GTH | ||
gotha.de(олмонӣ) | |||
|
|||
![]() |
Гуто, Гота (олмонӣ: Gotha) — шаҳр дар Олмон, маркази ноҳияи Гуто дар замини Тюрингия. Аҳолиаш 46 520 нафар (2014). Масоҳаташ 69,52 км2. Ба 7 ноҳияи шаҳрӣ тақсим мешавад.
Таърих
[вироиш | вироиши манбаъ]Гуто яке аз қадимтарин шаҳрҳои Олмон, маркази фарҳангӣ ва таърихии Тюрингия мебошад. Рамзи шаҳр — қалъаи қадимии Фриденштейн (соли 1567 бо услуби барокко сохта шудааст). Номаш дар осори хаттӣ бори аввал октябри 775 зикр шудааст. Худи ҳамон вақт император Карли Бузург онро ба дайри Ҳерсфелд туҳфа кард.
Шаҳр дар буриши ду роҳ бунёд гардида, муддати дароз маркази муҳимми савдо буд. Соли 1369 барои бо об таъмин намудани Гуто бо супориши граф Балтазар наҳри 12-километрии Лейна канда шуд. Дар асри 17 Гуто қароргоҳи герсоги протестантии Саксен-Кобург-Гота буд (ин мақомро то соли 1918 дошт).
Гуто маркази калони илмӣ ва нашри китобу харитаҳо мебошад. Дар калонтарин корхонаи харитачопкунии ба номи Ҳерман Ҳак (таъсисаш 1785) харитаҳои ҷуғрофиёӣ, атласҳо, маҷаллаҳои ҷуғрофиёӣ, маълумотномаҳо нашр мешаванд. Соҳаҳои саноаташ: вагонсозӣ, коркарди филиззот, хӯрокворӣ, кимиё. Ёдгориҳои меъмории Гуто ба асрҳои 13-16 тааллуқ доранд. Гуто ватани тиҷорати суғуртавии муосири Олмон маҳсуб мешавад. Соли 1820 Эрнст-Вилҳелм Арнолди дар шаҳр бонки суғуртаи Gothaer Feuerversicherungsbank (ҳозира Gothear бо қароргоҳаш дар Кёлн)-ро таъсис дода буд. Шаҳр дар охири Ҷанги дуввуми ҷаҳон амалан хароб нагардид, чунки коменданти олмонӣ онро саривақт ба низомиёни амрикоӣ таслим кард. Баъдтар он як қисми ҳудуди ишғолнамудаи Иттиҳоди Шӯравӣ гардид ва ба ҳудуди Ҷумҳурии Демократии Олмон дохил буд. То пошхӯрии Иттиҳоди Шӯравӣ (1991) дар Гуто ҷузъу томҳои Артиши Шӯравӣ қарор доштанд.
Эзоҳ
[вироиш | вироиши манбаъ]Сарчашма
[вироиш | вироиши манбаъ]- Гота // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.