Fangu
Fangu | ||||||||||||||
![]() | ||||||||||||||
Fakafaʻafaʻahinga fakasaienisi | ||||||||||||||
| ||||||||||||||
Hingoa kakato lōua | ||||||||||||||
Lagenaria siceraria (Molina) Standl. Hingoa lea fakapilitānia: Bottle gourd, Calabash | ||||||||||||||
Vakai ki he tala fakalahi: Commons & Wikispecies |
Fangu | ||||||||||||||
![]() | ||||||||||||||
Fakafaʻafaʻahinga fakasaienisi | ||||||||||||||
| ||||||||||||||
Hingoa kakato lōua | ||||||||||||||
Benincasa hispida (Thunb.) Cogn. Hingoa lea fakapilitānia: Wax gourd, Winter melon | ||||||||||||||
Vakai ki he tala fakalahi: Commons & Wikispecies |
![](http://178.128.105.246/content-http-upload.wikimedia.org/wikipedia/commons/thumb/2/21/Lagenaria_siceraria_var_peregrina_MHNT.BOT.2013.22.54.jpg/220px-Lagenaria_siceraria_var_peregrina_MHNT.BOT.2013.22.54.jpg)
Ko e fangu ko e fuʻu ʻakau siʻi mo totolo ia. ʻOku ui foki, lea fakapikopiko, ko e kalapasa. ʻI he onoʻaho ko e fangu mo e hina (ongo fuʻu ʻakau) ko e fangu pe hina (ʻaiʻanga) pē kinaua, ʻa ia hona hingoa. Ko e fangu onopooni, ʻomi ki Tongá ni ko e Lagenaria ia, sai ke kai kapau mata, sai he ʻaiʻanga kapau moho, motuʻa mo mōmoa. Kā ko e fangu onoʻaho, ko e Benincasa ia (ʻoku fakatautalaʻi ʻe Yuncker), ʻoku sai ke kai, ka saisai pē he ʻaiʻanga. ʻOku loi hono hingoa fakapilitānia: ʻoku ʻikai ha meleni, ʻoku ʻikai melie, ʻoku ʻikai tupu ʻi he taimi momoko (faʻolaki pē).
Ko e Benincasa hispida var. pruriens (Polynesian wax gourd) ʻoku fuopotopoto ange, ʻikai lōloa hangē ʻi he ʻata.
Ngaahi faʻahinga kehekehe
[fatuʻi vahe | edit source]Hingoa ʻi he ngaahi lea kehe
[fatuʻi vahe | edit source]Lagenaria siceraria
[fatuʻi vahe | edit source]- hue (lea fakatahisi)
- pōhue (lea fakahauaiʻi)
- fagu (lea fakahaʻamoa)
- ʻue (lea fakakuki)
Benincasa hispida var. pruriens
[fatuʻi vahe | edit source]- hue ʻaroro (lea fakatahisi fuoloa)
- pōhue (lea fakahauaiʻi)
- melo (lea fakahaʻamoa, mei he lea fakapilitānia: melon ?)
- ʻua roro (lea fakakuki)
Toe meʻa kehe
[fatuʻi vahe | edit source]ʻOku lahi ʻa e ngāueʻaki ʻo e fangu ʻi he faiva fakahauaiʻi, ko e hula, pea mo e ʻaiʻanga vai, ʻoku ui ko e hue. Tatau mo Lapanui. ʻOku siʻi ange ia ʻi Polinisia hahake. Naʻe ngāueʻaki ʻa e kofe ki he ʻaiʻanga vai ʻi Tahisi. Pea ʻoku ʻikai ʻaupito (faiva mo e ʻaiʻanga vai) ʻi Tongá ni mo e Polinisia hihifo.
Mahalo pē ko e «fangu» (Benincasa hispida) ʻo e Polinisia hihifo ʻoku ʻikai tatau mo e «hue» (Lagenaria siceraria) ʻo e Polinisia hahake. Naʻe ʻomi mei ʻAmelika tonga ʻa e «hue», ka naʻe ʻomi mei Maleisia ʻa e «fangu» ʻoku fuoloa ange. ʻOku ngāueʻaki ʻa e fangu ki he fangu lolo (vakai foki ki he folau ʻa Kae), ko e foʻi lea «roro» ʻi Tahisi mo ʻOtu motu Kuki.
ʻOsi he aʻu ki ʻAmelika tonga ʻe he kau Polinisia ʻi 500 – 1000 T.S., naʻa nau foki ki ʻapi mei ai mo e ongo ʻakau foʻou: ko e kumala mo e «hue». Ko ia ai, naʻe ʻikai ʻilo ʻa e «hue» ʻi Polinisia hihifo. Ko ia ai foki, ʻilo ʻoku sai ange ʻa e «hue» ki he ʻaiʻanga, naʻe pulia ʻa e fangu mei he ngaahi feituʻu ē.
Tataku
[fatuʻi vahe | edit source]- http://cookislands.bishopmuseum.org/species.asp?id=6307
- http://cookislands.bishopmuseum.org/species.asp?id=5817
- http://cookislands.bishopmuseum.org/showarticle.asp?id=16
- Hokohoko ngaahi ʻakau; Vaʻa fekumi ngoue Vainī
- Tongan dictionary; C.M. Churchward
- Plants of Tonga; T.G. Yuncker; BPB bulletin 220, Honolulu 1959
English abstract available: Go