Ruy Barboza
Ruy Barboza di Oliveyra port. Ruy Barbosa de Oliveira | |
---|---|
![]() | |
Hönäre | yazuçı, säyäsätçe, yurist |
Tuu datası | 5 noyäber 1849 |
Tuu cire | Braziliä imperiäse, Salvador |
Watandaşlığı | ![]() |
Ülem datası | 1 mart 1923 (73 yäş) |
Ülem cire | Braziliä, Rio-de-Janeyro ştatı, Petropolis |
Ruy Barboza, Ruy Barboza di Oliveyra (port. Ruy Barbosa de Oliveira; 1849 yılnıñ 5 noyäbre, Braziliä imperiäse, Salvador — 1923 yılnıñ 1 martı, Braziliä, Rio-de-Janeyro, Petropolis) — Braziliä yazuçısı, säyäsätçese, diplomatı häm yuristı.
Tärcemäi xäle
[үзгәртү | вики-текстны үзгәртү]Ruy Barboza 1849 yılda Salvadorda tuğan. 1865 yılda Resifi Yuridik fakul’tetına uqırğa kergän, 1868 yılda San-Paulu universitetına küçkän. 1870 yılda xoquq bakalavrı däräcäsen alğaç, jurnalist häm orator karyerasın başlağan. Qollıqnı beterü öçen berençe çığışın 19 yäşendä äytkän. Şul waqıttan birle grajdanlıq xoquqları (şulay uq altın standarttan fidutsiar aqçağa[en] küçü) tarafdarı bularaq bilgele bulğan.
1877 yılda Barboza Baiä ştatı qanun çığaru cıyılışına deputat itep saylanğan.
Cömhüriät iğlan itelgäç, Barboza Braziliä Waqıtlı xökümäte äğzası bulğan, anda yustitsiä ministrı (1889) häm finanslar ministrı (1889—1891) wazıyfaların başqarğan. Şulay uq Barboza Konstitutsiä assambleyase äğzası häm Braziliä berençe cömhüriät konstitutsiäseneñ töp avtorlarınıñ berse bulğan[1].
1894 yılda Barboza berençe ğomumi prezident saylawlarında kandidat bulğan, läkin dürtençe urınnı ğına ala alğan[2].
1895 yılda Barboza Baiä ştatı senatına saylanğan. 1905 yılda ul qabat prezident wazıyfasına täqdim itelergä telägän, läkin Afonsu Penanı[en] yaklap üz kandidaturasın töşergän[3].
1907 yılda Barboza Braziliä isemennän Gaagada uzğan 2-nçe tınıçlıq konferensiäsendä[en] qatnaşqan.
1910, 1914 häm 1919 yıllarda Barboza qabat prezident wazıyfasına kandidat bulğan, läkin berençe urınnı ala almağan.
1923 yılda Ruy Barboza wafat bulğan.
Xäter
[үзгәртү | вики-текстны үзгәртү]Barboza iseme belän Baiä häm Riu-Grandi-du-Norti ştatlarında ike şul uq isemdäge munitsipalitet atalğan.
İskärmälär
[үзгәртү | вики-текстны үзгәртү]- ↑ А. Б. Томас. Бразильская старая республика (1890—1930).
- ↑ PORTO, Walter Costa, O voto no Brasil, Editora Topbooks, 2002.
- ↑ Barbosa, Ruy, Excursão eleitoral ao Estado de São Paulo, Casa Garraux, São Paulo, 1909.
Sıltamalar
[үзгәртү | вики-текстны үзгәртү]- Tärcemäi xäle (үле сылтама)(порт.)