Финикий тили — сом тилларининг ханаан гурухчасига мансуб ва милоддан аввалги 2—1минг йиллик — милодий 1мин�� йилликда Финикияда ҳамда Ўрта денгиз соқилларидаги финикий мустамлакаманзилгоҳлари (Кипр, Сицилия, Сардиния, Мессалия, Испания, Шимолий Африка)да тарқалган (кейинчалик улик) тил. Финикий тили Финикиянинг ўзида милодий 2-асрда истеъмолдан чиққан; Шимолий Африкада эса сўнгги давр Финикий тили (янги пуна тили) араблар истилоси даври (8-аср)гача сақланиб қолган. Милоддан аввалги 2минг йиллик ўрталаридан милодий 2-аср гача (Финикия) ва милодий 3—4-асрларгача (Ўрта денгизнинг гарби) бўлган даврга мансуб ёзма ёдгорликлар орқали маълум; диалектал жиҳатдан шим. финикий, жан. финикий, кипр, пуна лаҳжаларига бўлинади. Финикий тилининг морфологияси ва лексикаси бошқа сом тиллариники, хусусан, ивритникига ўхшаш. Финикий тили фонетикасининг у мансуб бўлган гуруҳчадаги бошқа тиллардагидан ўзига хос томонлари бор. Умумсомий 28 ундошдан, графикасига кўра, 22 таси сақланиб қолган. Вокализм (унлилар) соҳасида ҳам анчагина фарқлар бўлган.[2]
