Petros Galaktopoulos
Petros Galaktopoulos | |
---|---|
Shaxsiy maʼlumotlari | |
Fuqaroligi |
![]() |
Tavallud sanasi |
1945-yil 7-iyun Afina, Gretsiya |
Sport | |
Qaysi sport | Yunon-rum kurashi |
Petros Galaktopoulos (grekcha: Πέτρος Γαλακτόπουλος; 1945-yil 7-iyun; Afina, Gretsiya) — gretsiyalik sportchi. Sportning yunon-rum kurashi turi boʻyicha musobaqalarda ishtirok etgan. Ikki karra olimpiya oʻyinlari sovrindori, ikki karra jahon chempionati sovrindori, Yevropa chempioni[1][2].
Tarjimayi holi
[tahrir | manbasini tahrirlash]1960-yilda kurash bilan shugʻullana boshlagan.
1964-yilda Tokioda boʻlib oʻtgan yozgi olimpiya oʻyinlarida 63 kilogrammgacha vazn toifasidagi bahslarda qatnashgan. Musobaqa nizomiga koʻra, Sof magʻlubiyat uchun 4 ta, ochkolar boʻyicha magʻlubiyat uchun 3 ta, durang uchun 2 ta va ochkolar boʻyicha gʻalaba uchun 1 ta jarima ochkosi taqdim etilar edi. 6 jarima ochkosi toʻplagan sportchi turnirdan chetlashtirilgan. 27 nafar kurashchi gʻoliblik uchun kurash olib bordi.
Uchinchi raundda tajribali Imre Polyák bilan bahsda sof magʻlubiyatga uchrab, 19 yoshli Galaktopoulos musobaqani tark etgan.
1965-yilgi jahon chempionatida yettinchi oʻrinni egallagan. Jarohati sababli dastlabki davralardayoq musobaqani tark etishga majbur boʻlgan.
1967-yilda Oʻrta yer dengizi oʻyinlarida kumush medal sohibi boʻlgan. 1968-yilda Yevropa chempionatini oʻn toʻqqizinchi oʻrinda yakunlagan.
1968-yilda Mexiko shahrida boʻlib oʻtgan yozgi olimpiya oʻyinlarida yengil vazn toifasida (70 kilogrammgacha) ishtirok etgan. Turnir reglamenti oldingi musobaqalar bilan bir xil boʻlgan. Musobaqa jarima ochkolari tizimida oʻtkazilgan. Lekin beriladigan ochkolar oʻzgargan. Sof gʻalaba uchun jarima ochkolari belgilanmagan. Katta farq bilan gʻalaba uchun 0,5, ochkolar boʻyicha gʻalaba uchun 1 ochko, durang uchun 2,5, raqibning yaqqol ustunligidagi magʻlubiyat uchun 3,5, va sof magʻlubiyat uchun 4 jarima ochko berilgan. Avvalgidek, 6 tadan koʻp jarima balli toʻplagan kurashchi turnirdagi ishtirokini yakunlagan. 1968-yilgi olimpiadada 24 nafar kurashchi gʻoliblik uchun bahs olib borgan.
Manbalar
[tahrir | manbasini tahrirlash]- ↑ „Petros Galaktopoulos Bio, Stats, and Results | Olympics at Sports-Reference.com“. 2009-yil 4-martda asl nusxadan arxivlangan. Qaraldi: 2015-yil 13-oktyabr.
- ↑ „Database | United World Wrestling“. 2015-yil 14-iyulda asl nusxadan arxivlangan. Qaraldi: 2015-yil 13-oktyabr.
![]() |