Bantu
Bantu el xe el nome che ge sa dato a on grupo de lengoe africane parlade da pi de 400 etnie. Se usa el nome bantu anca par descrivar le etnie che parla lengoe bantu, anca se sta divizion la xe artificiale.
Definision
[canbia | canbia el còdaxe]El nome Bantu el vien da la raixa –tu, che la vol dir persona in quasi tute le lengoe de sto grupo. Bantu el volaria dir zente, popolo o persone. Le lengoe bantu e ga in comune el carateristico sistema de clasi. Tute le parole le xe mese dentro na clase e le va coniugade a seconda de la clase a cui le se riferise. I verbi i ga na raixe a cui se deve zontar de i prefisi (pronomi, tempi del verbo,) de i infisi (tenpi speciali, ogeto de l'asion), e de i sufisi (modi del verbo, plurali speciali e così via). Alcune parole le se cata in tute le lingue Bantu. Par esempio: moto, fogo o roba che ga da far col fogo; nyati, bufalo; fisi, iena; pira, bala de goma; bao, legno e anca un xugo fato con n'ase de legno.
Le pi famoxe lingue bantu le xe: swahili (Africa Oriental); lingala (Congo); zulu (Sudafrica), macua (Mozanbico).
Exenpio de swahili:
- nakupenda' - na = mi; ku = a ti; penda = amar; mi te vojo ben
- atakuambia - a = el; ta = futuro; ku = a ti; ambia = dir; el te dixara
- ulishamwona - u = ti; li = el; sha = za; ona = vedar; ti te l'è za visto
Origini
[canbia | canbia el còdaxe]![](http://178.128.105.246/content-http-upload.wikimedia.org/wikipedia/commons/thumb/8/8a/Bantu_Phillipson.png/280px-Bantu_Phillipson.png)
2 = ca.1500 BC prime migrasioni
2.a = Bantu Prientali, 2.b = Bantu Osidentali
3. = 1000 - 500 BC Bantu Orientali
4. - 7. avansata a sud
9. = 500 BC - 0 Bantu del Congo
10. = 0 - 1000 AD ultimi movimenti
Secondo alcuni studioxi, i bantu i xe originari de na zona a caval tra Nizeria e Cameroon de ancò, do iprimi grupi i se saria formà verso el 5.000 a.C. La soca originale de le lengoe bantu la faria parte de le lengoe nizerino-congolexi.El proto-bantu el se saria svilupà in alte lengoe man man che i vari grupi i se lontanava dal nucleo sentrale. Altri studioxi i crede che ghe sia stà na serie de migrasion che a so olta le se sa espanso in altre diresioni, portando a cuerzar on teritorio vasto in tuta l’Africa sbsahariana. Ste teorie no le spiega i ponti de contato de le lengoe bantu co le lengoe sudaniche. N’altra teoria vede l’origine de le legoe bantu inte la rejon del Sahara, che la xera abità fin al 5.000 a.C. sirca. Co el Sahara el ga subì la desertificasion, i grupi che parlava el proto-bantu i xe emigrà verso sud e i ga scominsià a ocupar varie rejoni africane a partir dal corso del fiume Nizer.
Espansion
[canbia | canbia el còdaxe]L’espansion de i bantu la xe durada secoli. In serti casi se pol dir che la continua anca ancò. I bantu i ga portà co lori la metalurgia e nove tecniche agricole. Co ste nove tecnologie i xera avantagiadi so i grupi pigmei (racoglitori e caciatori) e quei pastori, come i nilotici. L’agricoltura e la metalurgia le permeteva la colonizasion del teritorio e na majore densità de popolasion che la cacia e el pascolo. I bantu i xe anca stà boni de scominsiar l’alevamento de bestie, adotando le tecniche de altri popoli. I ricatamenti archeologici no permete de descrivar co precision i movimenti de i bantu. Se sa che dal 5.000 al 1.500 a.C. i grupi bantu i ga slargà i teritori soto el loro control fin a rivare a le foreste che ocupa l’Africa Sentrale. Za verso el 500 a.C: i primi grupi bantu i ga ocupà le savane de lo Zanbia, de l’Angola e el sud del Congo. A lo steso tenpo, on grupo chel xe ndà verso est el xe rivà inte la xona de i Grandi Laghi za verso el 1.000 a.C. Verso el 300 d.C. i primi grupi bantu i xe rivà in Sudafrica, come i ritrovamenti in kwaZulu Natal i dimostra. Dal 1.200 d.C. in poi se nota la nasita de regni tra i popoli de lengoa bantu. El proceso de formasion de regni senpre pi grandi e boni de controlo del teritorio el xe dovù a l’incremento de la popolasion e a la nasita de la figura sentrale del re. L’afinamento de le tecniche metalurgiche par la preparasion de armi e lo scontro co i primi invasori del continente – arabi, swahili e eoropei – i ga contribuido a la formasion de unità sentralizade par resistar a le incursion foreste.
Lengua e popoli bantu
[canbia | canbia el còdaxe]Se le lengoe bantu le ga na parentela pi o meno forte, lo steso no se pol dir de le popolasioni. De par se no se pol parlar de popoli bantu come de popoli co n’origine comune. Le lengoe bantu le se sa senpre inposte, così che ancò ghe xe popoli che parla lengoe bantu ma che i no fa parte de i popoli che i ga emigrà dal nord de l’Africa. Ancora ancò, vocaboli bantu i diventa senpre pi presenti inte le lengoe sudaniche (par prosimità co el swahili), e le lengoe kordofaniane (par prosimita co altre lengoe bantu in tuto l’arco sub-saheliano. In ogni caso, la majoria de i popoli che ancò parla lengoe de origine bantu i ga n’origine comune o i grosi legami co grupi bantu par via de matrimoni tra i vari grupi. El termine bantu in Sudafrica el ga na conotasion negativa parché durante l’apartheid el xe stà usà par indicar tuti i neri – sensa distinsion de etnia e de cultura – in maniera ofensiva.
Wikimedia Commons el detien imàjini o altri file so Bantu
Controło de autorità | LCCN (EN) sh85011698 · GND (DE) 4004477-4 · BNF (FR) cb119396291 (data) · BNE (ES) XX4576824 (data) |
---|