Jack Nicholson
Jack Nicholson (Neptune City, 22 de avril 1937) el ze un ator statunitense
Considarà tra i mazori interpreti de ła storia de'l sinema,[1][2] a fronte de łe 12 candidature, Nicholson el ze uno dei tre atori ad aver vinsesto tre volte el Premio Oscar insieme a Daniel Day-Lewis e Walter Brennan: do volte el premio Oscar come mejo ator protagonista par el film dramàtego Qualcuno volò sul nido del cuculo (1975) e par ła comedia romàntega Qualcosa ze cambiato (1997) e inte ła categoria mejo ator non protagonista par ła comedia dramàtega Voglia di tenerezza (1983).
Nicholson el ze uno dei tre atori a èsar stà candidà ai Oscar par film produzesti in sìncue deseni: i ani sesanta, setanta, otanta, novanta e domiłe. El ga vinseto sìe Golden Globe e el ga resevesto el Kennedy Center Honor inte'l 2001. Inte'l 1994 el ze deventà uno dei atori pì zòvani a èser insinjìi de'l Life Achievement Award da l'American Film Institute.
Tra i altri film indove che'l ga resità ghe ze el road movie Easy Rider (1969), el dramàtego Cinque pezzi facili (1970), ła comedia dramàtega L'ultima corvé (1973), el neo noir thriller Chinatown (1974), el dramàtego Professione: reporter (1975) e'l pułìtego Reds (1981).
Inazonta el ga intarpretà Jack Torrance inte'l film horror Shining de Stanley Kubrick (1980), el Joker in Batman de Tim Burton (1989) e Frank Costello inte'l thriller dramàtego The Departed - Il bene e il male de Martin Scorsese (2006). Tra i altri film ghe ze el thriller łegałe Codice d'onore (1992), el thriller La promessa de Sean Penn (2001) e ła comedia dramàtega A proposito di Schmidt (2002).
Biografia
[canbia | canbia el còdaxe]Nicholson el ze nasesto a Neptune City, inte el New Jersey[3], el 22 de avrìl 1937 da June Nicholson[4], studentesa statunitense de orixeni irlandexi, inglexi, ołandexi e todesche.[5] Jack Nicholson el ze venjùo a conosensa de ła verità so ła só famegia soło inte'l 1974, a l'età de trentaset'ani, grasie a un zornałista de'l cotidian Time che'l jera drìo far de łe reserche so l'ator. L'ator el ga descoèrzesto cusì de èsar un fiol de June Nicholson, ła dona che ła gaveva senpre credesto èsar so soreła, mentre cueła che el credeva ła fuse só mare ła zera in realtà só nona[6].
El vero pare de Nicholson no'l ze mai stà identifegà: nisuni sa chi che'l pose èsar efetivamente. Varie ipotèze łe ze stà fazeste : Donald Furcillo[7] oppure Edgar Kirschfeld[8], dito Eddie King. St'ùltemo el sarìa stà un clandestin łetone abreo che el sonava el pianoforte so un tranzatlàntego todesco e che el ze scanpà de scondon un dì che l'inbarcasion ła jera armixada a New York, indove che'l gavarìa scominsià a vadanjarse da vivver dazéndoghe łesion de bało. A st'altre el gavarìa ciapà anca l'ałora dizisetene mare de Nicholson, che in 'sta sircostansa ła sarìa restada gravia da parte de Kirschfeld. St'ùltemo no'l sarìa riusìo ad asìstar a'l nasimento de'l fioło a cauza de'l só status de clandestin, in vertù de'l cuało el sarìa stà parà via dai USA.[8]
A dixisete ani el ga desidesto de trasferirse a Los Angeles, indove el ga tacà ła so carièra inte el mondo del sìnema, partesipando ai corsi de arte dramatega de Jeff Corey, tenjesti da Martin Landau. In chel parìodo el ga incontrà e strenzesto amicisia co racuanti parsonazi tra cui Dennis Hopper, Harry Dean Stanton e Roger Corman. Ciò el ghe ga permetesto de ezordir so'l gran schermo inte'l 1958 inte'l roło de protagonista in The Cry Baby Killer. Inte'l 1960 el ga łaorà oncora co Corman inte'l film La piccola bottega degli orrori.
I primi rołi
[canbia | canbia el còdaxe]El primo suceso el ze rivà inte'l 1969 co Easy Rider, un film-manifesto par chełi anni. Ła só interpretasion de George Hanson, un avocato alcołizà in serca de nove emosion, reza séłebre da un stranpałà descorso so i Venusiani, ła ga otenjesto ła candidatura a'l Oscar come "mejo ator non protagonista". In Easy Rider, Nicholson el ga łaorà 'rente de Dennis Hopper ator, rezista e co-senejador de'l film insieme co Peter Fonda.
Inte i ani setanta no'l ga scondesto l'uzo de stupefasenti e el se ga schierà contra ła guera del Vietnam, manifestando contro el goerno statunitense. Infati Nicholson a l'epoca el jera asè inpegnà połitegamente. Ła pasion par ła połìtega xe stà de łonga duràda : inte el 1992 el ga prexensià a l'insediamento a ła Caxa Bianca del prexidente Bill Clinton candidà dal partio democràtego vinsente drìo dodexe ani de governo republegan.
I ani setanta e el suceso
[canbia | canbia el còdaxe]Dopo Easy Rider ła so carièra ła xe stà slansà tuto d'un boto e Nicholson el xe devegnesto uno dei atori pì rechiedesti a Hollywood. Drìo el suceso otegnesto par l'interpretasion, Nicholson ga desidesto de andar vanti co ła carièra di ator che in chel periodo el vołeva abandonar par far el rejista. Nicholson ga interpretà Robert Eroica Dupea in Cinque pezzi facili, par cui el xe stà candidà a l'Oscar par el mejo ator; inte el 1973, dopo che el xe stà direto da Mike Nichols in Conoscenza carnale, l'è stà protagonista de L'ultima corvé, interpretasion che ghe ga vałesto n'altra candidatura par l'Oscar al mejo ator.
Inte el 1974 Nicholson l'a interpretà el detective Jake "J. J." Gittes, rent ede Faye Dunaway, direxesto da Roman Polański in uno dei masimi caołaori del rejista: Chinatown; col cuało el ga vinsesto el Premio Golden Globe cofà mejo ator protagonista. El film se ga axudegà anca i premi par i mejo film, regia e senegiadura, bisando i premi, co l'ecesion del mejo film, ai BAFTA Award 1975. El film xe rivà cusì come super favorìo ai Oscar del steso ano co ben undexe candidature, tra cui mejo film, regia, ator, atora, e senegiadura, ma Il padrino - Parte II de Francis Ford Coppola, pur siendo candidato in manco categorie, ga vinsesto sìe Oscar tra cui mejo film e regia; únego premio par Chinatown xe stà ła mejo senenajadura orixinałe e Nicholson xe stà batùo da Art Carney in Harry e Tonto.
Int'l 1975 el xe stà dirixesto da Michelangelo Antonioni in Professione: reporter e infin el ga vinsesto el premio Oscar come mejo ator protagonista par ła straordenaria interpretasion de Randle Patrick McMurphy in Qualcuno volò sul nido del cuculo de Miloš Forman che se ga axudegà łe sincue statuete pì inportanti: film, regia, ator, atora e senegiadura non orixinałe.
I ani otanta
[canbia | canbia el còdaxe]In t'el 1980 Nicholson el ga interpretà el ròło de Jack Torrance inte el l film Shining direto da Stanley Kubrick. El film, trata de l'omonemo łibro de Stephen King, a ła so insida el ga avùo un bon suceso comerciałe, ma el risevesto recension misiae.[9] Co'l pasar dei ani, el film xe stà rivałutà e ancò el vien considerà un cult del sinema moderno. L'interpretasion de Nicholson vien oncora ancuo considerada una de łe so mejo. L'ano drìo el xe tornà łaorar co Bob Rafelson col film Il postino suona sempre due volte, remake de l'omonimo film del 1946 e a so volta baxà so l'omonemo romanxo de James M. Cain. Inte el steso ano el ga interpretà el poeta Eugene O'Neill inte el biopic Reds, direto ed interpretà da Warren Beatty, insieme a Diane Keaton. Par sto ròło el xe stà candidà al Premio Oscar come mejo ator non protagonista.
Dopo aver interpretà un uficiałe małuxà in Frontiera (1982) de Tony Richardson, Nicholson ga reçità in Voglia di tenerezza (1983), rente a Shirley MacLaine e Debra Winger. El film xe stà acoliesto poxitivamente da critica e publego e ga riçevesto ùndexe candidature ai Oscar vinsendone sincue, tra cui cueło de mejo ator non protagonista par Nicholson. L'ano drìo, insieme a Kathleen Turner, el xe stà el protagonista de ła comedia nera L'onore dei Prizzi de John Huston, par cui el ga riçevesto da novo ła candidatura a l'Oscar. L'ano drìo el ga reçità rente de Meryl Streep inte el dramatego Heartburn - Affari di cuore, direto par ła tersa volta da Nichols.
Inte el 1987 Nicholson, insieme a Cher, Susan Sarandon e Michelle Pfeiffer, el xe el protagonista de ła comedia fantastega Le streghe di Eastwick. El film xe stà un suceso de publego e ga incasà 63 miłon de dołari a łiveło mondiałe, l'ecuivałente de 137 miłion de dołari del 2017.[10] Inte el steso ano el ga ciapà parte ai film Dentro la notizia de James L. Brooks, regista de Voglia di tenerezza, e Ironweed de Héctor Babenco, andove el xe tornà a reçitar insieme a Meryl Streep. Par sto ùltemo ròło, Nicholson ga otegnesto ła so nona candidatura al premio Oscar.[11] Inte el 1989 Nicholson fu il folle criminale Joker in Batman di Tim Burton. Il film fu campione d'incassi a livello mondiale, incassando 411,35 milioni di dollari. Par il film Nicholson percepì un salario di base di 6 milioni di dollari, e una grossa percentuale sugli incassi, tra i 60 e i 90 milioni di dollari[12]. El steso ator se ga ritegnùo partegołarmente sodisfato de ła so interpretasion, "considerandoła un tòco de pop art".
I ani novanta
[canbia | canbia el còdaxe]![](http://178.128.105.246/content-http-upload.wikimedia.org/wikipedia/commons/thumb/5/52/DennisHopperJackNicholson.jpg/170px-DennisHopperJackNicholson.jpg)
Inte el 1996 Nicholson ga cołaborà da novo col regista Tim Burton inte el film Mars Attacks! in cui el interpretava do personaxi: il Presidente dei Stati Unii d'America Jim Dale e l'imobiłiarista de Las Vegas Art Land. I dirixenti dei studiosxera contrari a l'idea de far morir el personaxo, cusì Tim Burton ga deçidesto de farghe interpretar do personaxi e de farli morir entranbi.
Nonostante łe so reconoseste capaçità de ator, Nicholson el ga otegnùo na candidatura al Razzie Award par el pexo ator par La gatta e la volpe e par Hoffa - Santo o mafioso?. Nonostante ciò l'ator, grasie al film Hoffa - Santo o mafioso?, ga otegnesto anca na candidatura al Golden Globe.
Inte el 1996 ła rivista inglexe Empire ło ga clasifegà al sesto posto tra i mejo atori del vintexemo sècoło. Inte l'ano drìo el xe stà da novo direto da l'amigo James L. Brooks in Qualcosa ze cambiato, ròło col cuało el ga vinsesto par ła tersa volta el Premio Oscar inte ła categoria mejo ator protagonista.
I ani domiłe
[canbia | canbia el còdaxe]Inte el 1997, dopo l'Oscar e el suceso, el ga deçidesto de slontanarse da łe sene cene par un poco de tenpo. El xe tornà inte el 2001 co La promessa, direto da Sean Penn, in un cast pien di cełeberimi atori tra i cuałi Benicio del Toro, Patricia Clarkson, Aaron Eckhart, Helen Mirren e tanti altri. L'ano drìo el xe stà el straordenario protagonista de A proposito di Schmidt, indove ła parte de Warren Schmidt, łeteralmente dexegnada so Nicholson, ghe ga permetesto de rivar favorìo e vinser ai Golden Globe. Candidà ai Oscar par mejo ator, el xe stà batùo a sorprexa da Adrien Brody protagonista de Il pianista de Roman Polański.
L'ano drìo l'è stà protagonista de do comedie: Terapia d'urto de Peter Segal darente a Adam Sandler e Tutto può succedere - Something's Gotta Give de Nancy Meyers darente a Diane Keaton.
Drìo de na pauxa de do ani, inte el 2006 el ga cołaborà par ła prima volta co Martin Scorsese, interpretando el invaxà o łusiferin boss de orixene irlandexa Frank Costello (non l'omonemo boss existìo, ma un personaxo che se ispira a James Bulger) bracà da ła połisia in The Departed - Il bene e il male.
Inte el film Non ze mai troppo tardi del 2007 el ga interpretà ła parte del vècio e sarcàstego miliardario Edward Cole, che se ga descoerxesto małà terminałe de cancro, che ga par conpagno de stansa d'ospeałe Morgan Freeman, anca eło małà terminałe de cancro.
Inte el 2010 el xe tornà sol gran schermo recitando inte el film de James L. Brooks Come lo sai. Inte el marso del 2016 Nicholson ga dichiarà de no èsarse mai ritirà, ma de èsar deventà tanto pì sełetivo inte i film da interpretar.[13] El ritiro de łe sene de l'ator el ze stà confermà inte l'otobre 2019 da'l rezista Mike Flanagan.[14]
Vita privà
[canbia | canbia el còdaxe]El ze un sostenjidor de'l Partio Democratego statunitense[15] e par łe ełesion presidensiałe del 2008 el ga puzà ła candidatura de Hillary Clinton. El ze un tifoso dei Los Angeles Lakers[16], scuadra de bałacanestro de l'NBA, e dei New York Yankees, scuadra de ła Major League Baseball. Nicholson el ze stà spozà da'l 1962 a'l 1968 co l'atora Sandra Knight, da cui el ga avesto na fia, Jennifer (1963). Inte'l 1970 el ga avùo un altro fio, Caleb James, da ła só rełasion co l'atora Susan Anspach[17][18] e inte'l 1981 el ga avùo Honey, da ła rełasion co l'atora daneze Winnie Hollman. Dal 1973 al 1989 el ze stà łigà a l'atora Anjelica Huston, che ło ga łasà cuando che'l ga descoerzesto che Nicholson el jera drio aver un fio da l'atora Rebecca Broussard, da cui drioman el ga avùo Lorraine (1990) e Raymond (1992). Inte'l 1994 anca ła rełasion co ła Broussard finì. Da'l 1999 a'l 2000 Nicholson el ga frecuentà l'atora Lara Flynn Boyle; drioman i do se ga metesto da novo insenbre, par po' łasarse definitivamente inte'l 2004.
El ze stà par deseni visin de caza de Marlon Brando; dopo ła só morte, el ga conprà ła viła, manifestando drioman l'intension de butarla zo[19].
Filmografia
[canbia | canbia el còdaxe]Ator
[canbia | canbia el còdaxe]Sìnema
[canbia | canbia el còdaxe]- The Cry Baby Killer, regia de Jus Addiss (1958)
- Too Soon to Love, regia de Richard Rush (1960)
- The Wild Ride, regia de Harvey Berman (1960)
- La piccola bottega degli orrori (The Little Shop of Horrors), regia de Roger Corman (1960)
- Vivi con rabbia (Studs Lonigan), regia de Irving Lerner (1960)
- The Broken Land, regia de John A. Bushelman (1962)
- I maghi del terrore (The Raven), regia de Roger Corman (1963)
- La vergine di cera (The Terror), regia de Roger Corman (1963)
- Una nave tutta matta (Ensign Pulver), regia de Joshua Logan (1964)
- Flight to Fury, regia de Monte Hellman (1964)
- Back Door to Hell, regia de Monte Hellman (1964)
- Le colline blu (Ride in the Whirlwind), regia de Monte Hellman (1966)
- La sparatoria (The Shooting), regia de Monte Hellman (1966)
- Angeli dell'inferno sulle ruote (Hells Angels on Wheels), regia de Richard Rush (1967)
- Il massacro del dì di San Valentino (The St. Valentine's Day Massacre), regia de Roger Corman (1967) - non accreditato
- Psych Out - Il velo sul ventre (Psych-Out), regia de Richard Rush (1968)
- Sogni perduti (Head), regia de Bob Rafelson (1968) - non acredità
- Easy Rider, regia de Dennis Hopper (1969)
- The Rebel Rousers, regia de Martin B. Cohen (1970)
- L'amica delle 5 ½ (On a Clear Day You Can See Forever), regia de Vincente Minnelli (1970)
- Cinque pezzi facili (Five Easy Pieces), regia de Bob Rafelson (1970)
- Conoscenza carnale (Carnal Knowledge), regia de Mike Nichols (1971)
- Un posto tranquillo (A Safe Place), regia de Henry Jaglom (1971)
- Il re dei giardini di Marvin (The King of Marvin Gardens), regia de Bob Rafelson (1972)
- L'ultima corvé (The Last Detail), regia de Hal Ashby (1973)
- Chinatown, regia de Roman Polański (1974)
- Professione: reporter (The Passenger), regia de Michelangelo Antonioni (1975)
- Tommy, regia de Ken Russell (1975)
- Due uomini e una dote (The Fortune), regia de Mike Nichols (1975)
- Qualcuno volò sul nido del cuculo (One Flew Over the Cuckoo's Nest), regia de Miloš Forman (1975)
- Missouri (The Missouri Breaks), regia de Arthur Penn (1976)
- Gli ultimi fuochi (The Last Tycoon), regia de Elia Kazan (1976)
- Verso il sud (Goin' South), regia de Jack Nicholson (1978)
- Shining (The Shining), regia de Stanley Kubrick (1980)
- Il postino suona sempre due volte (The Postman Always Rings Twice), regia de Bob Rafelson (1981)
- Reds, regia de Warren Beatty (1981)
- Ragtime, regia de Miloš Forman (1981) - non acredità
- Frontiera (The Border), regia de Tony Richardson (1982)
- Voglia di tenerezza (Terms of Endearment), regia de James L. Brooks (1983)
- L'onore dei Prizzi (Prizzi's Honor), regia de John Huston (1985)
- Heartburn - Affari di cuore (Heartburn), regia de Mike Nichols (1986)
- Le streghe di Eastwick (The Witches of Eastwick), regia de George Miller (1987)
- Dentro la notizia (Broadcast News), regia de James L. Brooks (1987)
- Ironweed, regia de Héctor Babenco (1987)
- Batman, regia de Tim Burton (1989)
- Il grande inganno (The Two Jakes), regia de Jack Nicholson (1990)
- La gatta e la volpe (Man Trouble), regia de Bob Rafelson (1992)
- Codice d'onore (A Few Good Men), regia de Rob Reiner (1992)
- Hoffa - Santo o mafioso? (Hoffa), regia de Danny DeVito (1992)
- Wolf - La belva ze fuori (Wolf), regia de Mike Nichols (1994)
- 3 dì par la verità (The Crossing Guard), regia de Sean Penn (1995)
- Blood & Wine (Blood and Wine), regia de Bob Rafelson (1996)
- Mars Attacks!, regia de Tim Burton (1996)
- Conflitti del cuore (The Evening Star), regia de Robert Harling (1996)
- Qualcosa ze cambiato (As Good as It Gets), regia de James L. Brooks (1997)
- La promessa (The Pledge), regia de Sean Penn (2001)
- A proposito di Schmidt (About Schmidt), regia de Alexander Payne (2002)
- Terapia d'urto (Anger Management), regia de Peter Segal (2003)
- Tutto può succedere - Something's Gotta Give (Something's Gotta Give), regia de Nancy Meyers (2003)
- The Departed - Il bene e il male (The Departed), regia de Martin Scorsese (2006)
- Non è mai troppo tardi (The Bucket List), regia de Rob Reiner (2007)
- Joaquin Phoenix - Io sono qui! (I'm Still Here), regia de Casey Affleck (2010)
- Come lo sai (How Do You Know), regia de James L. Brooks (2010)
Television
[canbia | canbia el còdaxe]- Matinee Theatre - serie TV, 1 epixodio (1956)
- Mr. Lucky - serie TV, 1 epixodio (1960)
- The Barbara Stanwyck Show - serie TV, 1 epixodio (1960)
- Tales of Wells Fargo - serie TV, 1 epixodio (1961)
- Avventure in fondo al mare (Sea Hunt) - serie TV, epixodio 4x38 (1961)
- Bronco - serie TV, 1 epixodio (1961)
- Little Amy, regia di Sidney Lanfield - film TV (1962)
- Hawaiian Eye - serie TV, 1 epixodio (1962)
- The Andy Griffith Show - serie TV, 2 epixodi (1966-1967)
- Il dottor Kildare - serie TV, 4 epixodi (1966)
- Viaggio in fondo al mare (Voyage to the Bottom of the Sea) - serie TV, 1 episodio (1966) - non acredità
- Il grande teatro del West (The Guns of Will Sonnett) - serie TV, episodio 1x07 (1967)
- Elephant's Child, regia di Mark Sottnick - film TV, narratore (1986)
Produtor
[canbia | canbia el còdaxe]- Ride in the Whirlwind (Le colline blu), regia de Monte Hellman (1966)
- The Shooting (La sparatoria), regia de Monte Hellman (1967)
- Head (Sogni perduti), regia de Bob Rafelson (1968)
- Yellow 33 (Drive, He Said), regia de Jack Nicholson (1971)
- The Two Jakes (Il grande inganno), regia de Jack Nicholson (1990) - non acredità
- Blue Champagne, regia de Blaine Novak (1992)
- Biography - serie TV, 1 epixodio - documentario (2004)
- I Am But a Fool, regia de Eddie Kim - curtometragio (2008) - produtore executivo
Senejador
[canbia | canbia el còdaxe]- Thunder Island, regia de Jack Leewood (1963)
- Flight to Fury, regia de Monte Hellman (1964)
- Le colline blu (Ride in the Whirlwind), regia de Monte Hellman (1966)
- Il serpente di fuoco (The Trip), regia de Roger Corman (1967)
- Sogni perduti (Head), regia de Bob Rafelson (1968)
- Yellow 33 (Drive, He Said), regia de Jack Nicholson (1971)
Regista
[canbia | canbia el còdaxe]- The Terror (La vergine di cera") (1964) – co-regia, non acredità
- Yellow 33 (Drive, He Said) (1971)
- Goin' South (Verso il sud) (1978)
- The Two Jakes (Il grande inganno) (1990)
Premi e reconosimenti
[canbia | canbia el còdaxe]![](http://178.128.105.246/content-http-upload.wikimedia.org/wikipedia/commons/thumb/2/2c/Jack_Nicholson_Walk_of_fame.jpg/220px-Jack_Nicholson_Walk_of_fame.jpg)
![](http://178.128.105.246/content-http-upload.wikimedia.org/wikipedia/commons/thumb/e/eb/Chinese_Theatre_courtyard_Jack_Nicholson.jpg/220px-Chinese_Theatre_courtyard_Jack_Nicholson.jpg)
- Premio Oscar
- 1970 – Candidatura par el mejo ator non protagonista par Easy Rider
- 1971 – Candidatura par el mejo ator protagonista par Cinque pezzi facili
- 1974 – Candidatura par el mejo ator protagonista par L'ultima corvé
- 1975 – Candidatura par el mejo ator protagonista par Chinatown
- 1976 – Mejo ator protagonista par Qualcuno volò sul nido del cuculo
- 1982 – Candidatura par el mejo ator non protagonista par Reds
- 1984 – Mejo ator non protagonista par Voglia di tenerezza
- 1986 – Candidatura par el mejo ator protagonista par L'onore dei Prizzi
- 1988 – Candidatura par el mejo ator protagonista par Ironweed
- 1993 – Candidatura par el mejo ator non protagonista par Codice d'onore
- 1998 – Mejo ator protagonista par Qualcosa ze cambiato
- 2003 – Candidatura par el mejo ator protagonista par A proposito di Schmidt
- Golden Globe
- 1970 – Candidatura par el mejo ator non protagonista par Easy Rider
- 1971 – Candidatura par el mejo ator in un film dramatego par Cinque pezzi facili
- 1972 – Candidatura par il mejo ator in un film dramatego par Conoscenza carnale
- 1974 – Candidatura par el mejo ator in un film dramatego par L'ultima corvé
- 1975 – Mejo ator in un film dramatego par Chinatown
- 1976 – Mejo ator in un film dramatego par Qualcuno volò sul nido del cuculo
- 1982 – Candidatura par el mejo ator non protagonista par Reds
- 1984 – Mejo ator non protagonista par Voglia di tenerezza
- 1986 – Mejo ator in un film comedia o muxicałe par L'onore dei Prizzi
- 1988 – Candidatura par el mejo ator in un film dramatego par Ironweed
- 1990 – Candidatura par el mejo ator in un film comedia o muxicałe par Batman
- 1993 – Candidatura par el mejo ator non protagonista par Codice d'onore
- 1993 – Candidatura par el mejo ator in un film dramatego par Hoffa - Santo o mafioso?
- 1998 – Mejo ator in un film comedia o muxicałe par Qualcosa ze cambiato
- 2003 – Mejo ator in un film dramatego par A proposito di Schmidt
- 2004 – Candidatura par el mejo ator in un film comedia o muxicałe par Tutto può succedere - Something's Gotta Give
- 2007 – Candidatura par el mejo ator non protagonista par The Departed - Il bene e il male
- Premio BAFTA
- 1970 – Candidatura par el mejo ator non protagonista par Easy Rider
- 1975 – Mejo ator protagonista par L'ultima corvé e Chinatown
- 1977 – Mejo ator protagonista par Qualcuno volò sul nido del cuculo
- 1983 – Mejo ator non protagonista par Reds
- 1990 – Candidatura par el mejo ator non protagonista par Batman
- 2003 – Candidatura par el mejo ator protagonista par A proposito di Schmidt
- 2007 – Candidatura par el mejo ator non protagonista par The Departed - Il bene e il male
- David di Donatello
- Festival de Cannes
Altri projeti
[canbia | canbia el còdaxe]Wikimedia Commons el detien imàjini o altri file so Jack Nicholson
Linganbi foresti
[canbia | canbia el còdaxe]- Nicholson, JackTreccani.it – Enciclopedie on line, Istituto de ła Ençiclopedia Italiana.
- Francesco Bolzoni, NICHOLSON, Jack, in Ençiclopedia Italiana, V Appendice, Istituto de ła Ençiclopedia Italiana, 1993.
- (EN) Jack NicholsonEnçiclopedia Britannica, Encyclopædia Britannica, Inc.
- (EN) Opere di Jack NicholsonOpen Library, Internet Archive.
- (EN) Jack NicholsonAllMusic, All Media Network.
- (EN) Jack NicholsonDiscogs, Zink Media.
- (EN) Jack NicholsonMusicBrainz, MetaBrainz Foundation.
- Jack NicholsonCineDataBase, Rivista del cinematografo.
- Jack NicholsonMYmovies.it, Mo-Net Srl.
- Jack NicholsonMovieplayer.it.
- Jack NicholsonFilmTv.it, Arnoldo Mondadori Editore.
- (EN) Jack NicholsonInternet Movie Database, IMDb.com.
- (EN) Jack NicholsonAllMovie, All Media Network.
- (EN) Jack NicholsonRotten Tomatoes, Flixster Inc.
- (EN) Jack NicholsonMetacritic, CBS Interactive Inc.
- (EN) Jack NicholsonTV.com, CBS Interactive Inc.
- (EN) Jack NicholsonAFI Catalog of Feature Films, American Film Institute.
- (EN) Jack NicholsonBFI Film & TV Database, British Film Institute.
- (DE, EN) Jack Nicholsonfilmportal.de.
Notasion
[canbia | canbia el còdaxe]- ↑ https://www.rollingstone.it/cinema/jack-nicholson-e-il-piu-grande-attore-vivente/513620/
- ↑ https://www.cinematographe.it/rubriche-cinema/focus/jack-nicholson-attori-che-si-sono-ispirati-a-lui/
- ↑ Hunter Davies, INTERVIEW / Great film, Jack, now let's talk about you: Jack Nicholson, in The Independent, London, 23 febbraio 1993.
- ↑ Edward Douglas, Jack: The Great Seducer – The Life and Many Loves of Jack Nicholson, New York, Harper Collins, 2004, p. 14, ISBN 0-06-052047-7.
- ↑ http://ethnicelebs.com/jack-nicholson/comment-page-3
- ↑ Collins, Nancy. The Great Seducer: Jack Nicholson. Rolling Stonee, March 29, 1984
- ↑ Berliner, Eve. Marriage certificate of June Nilson and Donald Furcillo. Young Jack Nicholson: Auspicious Beginnings. Evesmag.com. 2001.
- ↑ 8,0 8,1 Jew or Not Jew: Jack Nicholsonwww.jewornotjew.com. entrada il 14 luglio 2018.
- ↑ Tim Gray, The Shining Anniversary: Stanley Kubrick & His Mysterious Classic, in Variety, 23 maggio 2016. entrada il 1º luglio 2017.
- ↑ The Witches of EastwickBox Office Mojo, Amazon.com. entrada il 27 aprile 2011. .
- ↑ The 60th Academy Awards: 1988Academy Awards Database, Academy of Motion Picture Arts and Sciences. entrada il 23 marzo 2015.
- ↑ Matt Carey, You don't know Jack (Nicholson), CNN, 8 novembre 2013. entrada il 22 dicembre 2013.
- ↑ Jack Nicholson–Retirement Clarification: The Actor Is Retiring from Hitting on Women, Not ActingVanity Fair. entrada il 21 maggio 2016.
- ↑ Nicholas White, How 'Doctor Sleep' Filmmakers Pulled Off That 'Shining' Cameo, in Variety, 30 ottobre 2019. entrada il 4 giugno 2021.
- ↑ (EN) NEWSMEAT - Jack Nicholson's Federal Campaign Contribution Reportnewsmeat.com. entrada il 22 agosto 2007 (archivià dal URL orizenałe l'11 ottobre 2007 ).
- ↑ "Nicholson gets court rage". BBC News. May 11, 2003.
- ↑ Shelley Von Strunckel, What the Stars say about them – Jack Nicholson and Susan Anspach, in The Sunday Times, London, 23 zugno 2006, p. 36.
- ↑ I yearn for honesty in life. I'd tell anybody any living thing about me. (JPG)img.photobucket.com.
- ↑ Alessandra Farkas, Demolirò la casa-rifugio di Marlon Brando, in corriere.it, 2 agosto 2006. entrada il 2 agosto 2006 (archivià dal URL orizenałe il 22 settembre 2014 ).
Altri projeti
[canbia | canbia el còdaxe]Wikimedia Commons el detien imàjini o altri file so Jack Nicholson
Linganbi foresti
[canbia | canbia el còdaxe]- Nicholson, JackTreccani.it – Enciclopedie on line, Istituto de ła Ençiclopedia Italiana.
- Francesco Bolzoni, NICHOLSON, Jack, in Ençiclopedia Italiana, V Appendice, Istituto de ła Ençiclopedia Italiana, 1993.
- (EN) Jack NicholsonEnçiclopedia Britannica, Encyclopædia Britannica, Inc.
- (EN) Opere di Jack NicholsonOpen Library, Internet Archive.
- (EN) Jack NicholsonAllMusic, All Media Network.
- (EN) Jack NicholsonDiscogs, Zink Media.
- (EN) Jack NicholsonMusicBrainz, MetaBrainz Foundation.
- Jack NicholsonCineDataBase, Rivista del cinematografo.
- Jack NicholsonMYmovies.it, Mo-Net Srl.
- Jack NicholsonMovieplayer.it.
- Jack NicholsonFilmTv.it, Arnoldo Mondadori Editore.
- (EN) Jack NicholsonInternet Movie Database, IMDb.com.
- (EN) Jack NicholsonAllMovie, All Media Network.
- (EN) Jack NicholsonRotten Tomatoes, Flixster Inc.
- (EN) Jack NicholsonMetacritic, CBS Interactive Inc.
- (EN) Jack NicholsonTV.com, CBS Interactive Inc.
- (EN) Jack NicholsonAFI Catalog of Feature Films, American Film Institute.
- (EN) Jack NicholsonBFI Film & TV Database, British Film Institute.
- (DE, EN) Jack Nicholsonfilmportal.de.
Controło de autorità | VIAF (EN) 84036201 · ISNI (EN) 0000 0001 2141 6417 · LCCN (EN) n82247239 · GND (DE) 118587633 · BNF (FR) cb12012279z (data) · BNE (ES) XX937764 (data) · NLA (EN) 60597409 · NDL (EN, JA) 00621211 · WorldCat Identities (EN) n82-247239 |
---|