MediaWiki
MediaWiki el xe un difondesto softuér libaro wiki par el web. Sviłupà da ła Wikimedia Foundation par Wikipedia, MediaWiki xe uxà da tuti i projeti de ła Wikimedia Foundation e da tanti altri siti web wiki. 'L xe scrito in PHP e utiłixa un RDBMS MySQL o PostgreSQL. MediaWiki xe rilasià soto ła licensa GNU GPL.
El nome xe un anagrama de "Wikimedia" e el logo raprexenta come el so linguajio de markup uxi łe dopie parentexi quadre ("[[","]]") par crear łigadure ipertestuałi. MediaWiki xe in grado de interfaciarse co altri programi opsionałi, par mijiorar prestasion e funsionałità. El suporto par memcached, el sistema Squid cache e el rendering de TeX math, i xe tuti disponìbiłi inte el atuałe version. Un sistema de estension parmete de xontare funsionałità e interfase xuntive.
Sviłupo del softuér
[canbia | canbia el còdaxe]MediaWiki xe stà scrito orixinariamente par Wikipedia da Magnus Manske. Wikipedia utiłixava inisialmente UseModWiki (noto anca cofà "Phase I") e xe pasà a ła nova version ("Phase II") el 25 genaro 2002. Inte el majio 2003 se ga pasài a ła version 1.3 e inte el dixenbre 2004 a ła 1.4.
Na sucesiva version riscrita e mijorà del softuér Phase II fu un tenpo nota cofà "Phase III". Ła fu poi rinominà MediaWiki riconosendo che el softùér el xera in grado de suportar nò soło Wikipedia, ma anca altri projeti, e che xera nesesario un pì significadivo sistema de numerasion de łe version. El softuér fu ciamà MediaWiki come xugo de parołe baxà sol nome de ła Wikimedia Foundation, ła fondasion mare de Wikipedia.
Licensa
[canbia | canbia el còdaxe]MediaWiki xe un softuér open source distribuìo co licensa GNU General Public License version 2 o sucesive. Ła so documentasion xe disponìbiłe soto licensa Creative Commons BY-SA 3.0 ma alcune de łe so parti łe xe inte el publico dominio. Inte ło spesifego, i manuałi e gli altri contenùi de mediawiki.org i xe publicai co license Creative Commons, mentre el set de pajine d'juto spesifighe del softuér łe xe stae rilasiae inte el publico dominio par parmetarne na copia libara e priva de vincołi su calsiasi nova instalasion del softuér. In sto modo se evita i problemi legałi che se riscontrav inte el inportare łe pajine d'juto inte i Wiki che i uxa license inconpatìbiłi co quełe Creative Commons.
Varda anca
[canbia | canbia el còdaxe]Altri projeti
[canbia | canbia el còdaxe]Wikimedia Commons el detien imàjini o altri file so MediaWiki
Łigadure foreste
[canbia | canbia el còdaxe]- (EN) Sito web ufisałe
- (EN) MediaWiki
- (EN) MediaWiki namespace
- (EN) Sites using MediaWiki
- (EN) MediaWiki so meta
Progeti de ła Wikimedia Foundation | ![]() |
---|---|
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() | |
![]() ![]() ![]() ![]() ![]() ![]() |
Controło de autorità | VIAF (EN) 186178691 · LCCN (EN) no2008146905 · GND (DE) 7629446-8 · BNF (FR) cb161518359 (data) · WorldCat Identities (EN) no2008-146905 |
---|