Parona
Pozision | |
---|---|
Stato | Itàłia |
Rejon | Vèneto |
Provinsa | Verona |
Comuni de l'Itałia | Verona ![]() |
Còdazi de identifegasion | |
Còdaze postałe | 37124 ![]() |
Fuzo oràrio | |
Prefiso tełefònego | 045 ![]() |
|
Parona de Valpolicela l'è na frazion de 3.563 abitanti.[1] del comùn de Verona inte el Veneto. Parona inte el passà l'è stà un porto inportante sul fiume Adexe, sora de tuto come porta de ingrèso a Verona par le mercansìe che rivea dal nord Europa.
Teritorio
[canbia | canbia el còdaxe]La çitadina, postà a le porte de la Valpolicela, l'è atraversà da da du strade prinçipali provinciali paralele, la S.P. 1a del Brennero e la S.P. de la Valpolicela, che razonze, intrà i altri, i paexi de San Piero in Carian e Sant'Anbròxio de Valpolicèła.
Storia
[canbia | canbia el còdaxe]La prima documentazion scrita riguardo Parona risale al Medioevo; più precisamente el documento pì antìgo l'è de l'ano 954. El paese jera soto el contròl de l'Abazia de San Zeno la qual, inte el 1165, el ga infeudà a una tra le pì potenti fameje veronexi: i Monticali. Parona, el ga sénpro rivestìdo notevole importanza strategica in quanto situà su la strada romana Claudio Augusta Padana - pasajo obligà par tuti i exerciti invaxori.
La nasita del Comùn ruràl de Parona risale a la seconda metà del Duçento.
Le prinçipali atività 'conomiche zera de natura agricola, de la lavorazion de la pièra e de la lana, oltra a tute le atività colegà a la navigazion dei fiumi.
Na data importante l'è la la pestilenza del 1630, che el ga smexà i abitanti.
L'Otoçento l'è el secòlo de le dominazion foreste e par Parona gh'è stà inportanti novità; infati s'arecorda in chei ani la nasita de l'asilo e de le scole elementari, la ricostruzion de la cesa, la costruzion de le ferovie Verona - Brennero e de la Verona - Caprino e el pasagio del paese soto el contròl de la fameja Alessandri.
Inte el novesento a se ricorda, in modo teribile, el bombardamento aleato del lujo 1944 che ga portà, cofà tuti i bombardamenti, morte e frajèl.
Monumenti e luoghi di interesse
[canbia | canbia el còdaxe]![](http://178.128.105.246/content-http-upload.wikimedia.org/wikipedia/commons/thumb/4/40/ChiesaParonaDiValpolicella.jpeg/220px-ChiesaParonaDiValpolicella.jpeg)
Parona pole vantare diverse vile signorili e un aquedoto roman, situà 'rente la galeria so la strada provinciale de la Valpolicèla. De non particolàr interesse architetonico e storego, ma tanto importante come grópo feroviario, el ponte de la ferrovia: come che el se pole amiràre oncò, l'è tanto difarente da come l'era in passà, dopo el bonbardamento aleato e par el recente rimodernamento ma soratuto par l'aposizion de na alta barièra de fèro che separa i binari da lo streto caminamento che permete a pedoni motorini e bicicléte de atraversàr. El canpanìl de la Ceza parochiàl ospita 6 melodioxe canpane in Mib3 montà par esser sonà secondo la tecnica dei concerti de Canpane a la Veronexe.
Avegnimenti e manifestazion
[canbia | canbia el còdaxe]La so manifestazion pì tìpega l'è la "Festa de la Renga", festa dedicà al piato tìpego de la polenta co rengae se desvòlze el dì de le çenari de ogni ano.
La manifestazion inpenisse el paexe de persone che riva da tuta la provincia e oltra, esendo la seràda del carnevàl veronexe. Inte el primo pomerigio se pol véder la sfilàda de le mascare co in testa la mascàra del paexe, "la Parona" e el sire del carnevàl veronese "il Papà del Gnocco". Sfila par le strade tra la xente regalando caramèle ai butéli e se cata inte el parco çitadìn de piasa del Porto, prexentandose a la popołasion e ravivando cussìta la jornàda.
Paronexi ilìlustri
[canbia | canbia el còdaxe]- Antonio Fagiuoli, studente universitario e garibaldino, l'è morto in conbatimento a Pieve di Ledro el 18 lujo del 1866.
Vóxe łigà
[canbia | canbia el còdaxe]Colegamenti esterni
[canbia | canbia el còdaxe]- Squadra di calcio del paese Archivià il 18 de disenbre 2014 in Internet Archive.
- Squadra di Pallavolo del paese Archivià il 7 de zunjo 2013 in Internet Archive.
- Parrocchia
- Associazione NOI "La Sorgente"
- Banca del Tempo - Ora x ora
- Gruppo Alpino Escursionistico "El Capel"
- "Vicini a Parona" associazione di promozione sociale
- ↑ Comune di Verona. I quartieri della città di Verona. Differenze e similarità. Anno 2002. p.36