Avrora (kreiser)
![](http://178.128.105.246/content-http-upload.wikimedia.org/wikipedia/commons/thumb/3/3a/Kruiser_Aurora.jpg/250px-Kruiser_Aurora.jpg)
![](http://178.128.105.246/content-http-upload.wikimedia.org/wikipedia/commons/thumb/8/88/1436._%D0%A1%D1%82%D0%B5%D0%BB%D0%B0_%D0%BD%D0%B0_%D0%BC%D0%B5%D1%81%D1%82%D0%B5_%D0%B2%D1%8B%D1%81%D1%82%D1%80%D0%B5%D0%BB%D0%B0_%D0%BA%D1%80%D0%B5%D0%B9%D1%81%D0%B5%D1%80%D0%B0_%D0%90%D0%B2%D1%80%D0%BE%D1%80%D0%B0.jpg/250px-1436._%D0%A1%D1%82%D0%B5%D0%BB%D0%B0_%D0%BD%D0%B0_%D0%BC%D0%B5%D1%81%D1%82%D0%B5_%D0%B2%D1%8B%D1%81%D1%82%D1%80%D0%B5%D0%BB%D0%B0_%D0%BA%D1%80%D0%B5%D0%B9%D1%81%D0%B5%D1%80%D0%B0_%D0%90%D0%B2%D1%80%D0%BE%D1%80%D0%B0.jpg)
«Avrora»-kreiser (ven.: Крейсер «Аврора») om muzei-laiv Piteriš, Keskuzližen sodamerimuzejan filial. Se om Redukun revolücijan simvol, tegi tühjad ambundad psihologižeks signalaks šturmuimha Tal'velišt pert'kulud.
Istorii
[vajehta | vajehtada lähtetekst]Säten laivan projektad ottihe aktualižen sil aigal angližen «Talbot»-laivan ezikuvaks. Nikolai II valiti laivan nimitust üks'toštkümnespäi vl 1896. Sodasomuzkreiser om saudud Piteriš Admiraluden verfil vll 1897−1903 koumen ühtejiččiden kesken, toižed oliba «Diana» i «Pallada». Ühtni Cusiman toraha vn 1905 semendkul i Ezmäižhe mail'man sodaha. Vn 1948 kül'mkuhusai kreiser mülüi Venäman imperijan, sid' NSTÜ:n Baltijan sodalaivištho.
Toižen mail'man sodan aigan heittihe azegid laivaspäi i formiruihe «Avrora»-ambundbrigadad kaičemha Leningradad, laiv jäi metoks saksalaižiden lendajiden täht, muretihe sidä lujas. Vodele 1948 om kohetud da jättud kaikenaigaižel jakar'seižundal Petrogradan randirdanno, Nahimovan sodameriškolanno, kävutihe sen školan openduzbazaks vhesai 1956. Vspäi 1957 om olmas Keskuzližen sodamerimuzejan filialaks, vll 1984−1987 eli läbi kal'hes restavracijas (35 mln rublid). NSTÜ:n, sid' Venäman kul'turjäl'gusen objekt (vspäi 1960).
Vn 2010 tal'vkuspäi laivan mez'kund oli tühjitadud. Vll 2014−2016 om kohetud Kronštadtas. Vn 2018 heinkuspäi ortodoksižen hristanuskondan pühäpert' om udessündutadud laival.
Suruded
[vajehta | vajehtada lähtetekst]Laivan vedenahtištuz — 6731 tonnad järgeline i 7130 tonnad täuz'. Se om 126,8 m pitte, 16,8 m levette i 6,4 m ištumižsüvüdenke vedes. Voi ujuda 19,2 sol'med pigudenke (35,6 km časpigudenke). Koume likutimmašinad 24 katl'anke, koume laivanpunod, voi ujuda 4 tuhad merimijlihesai avtonomižikš. Vägevuz — 11 791 hebonväged (8,8 MVt). Mez'kund — 20 oficerad i 550 merimest, 42 ambundazeged i 3 torpedapparatad.
Irdkosketused
[vajehta | vajehtada lähtetekst]- «Avrora»-kreiser-filial Keskuzližen sodamerimuzejan navalmuseum.ru-saital. (ven.) i lehtpoliden anglijankel'ne versii.
- Kreiseran-muzejan enzne sait (aurora.org.ru). (ven.) (angl.)
- Mul'timedijan sait laivan polhe (крейсераврора.рф). (ven.)
![]() |
Avrora (kreiser) Vikiaitas |