Läojuan'
Valdkund | Kitai |
Eläjiden lugu (2010) | 1,176,645 ristitud |
Pind | 5,125 km² |
![]() | |
Telefonkod | +86−437 |
Aigvö | UTC+8 |
![](http://178.128.105.246/content-http-upload.wikimedia.org/wikipedia/commons/thumb/e/ec/Administrative_Division_Liaoyuan.png/200px-Administrative_Division_Liaoyuan.png)
Läojuan' (kit.: 辽源, pin'jin': Liáoyuán «Läo-joginišk») om Kitain lidn da lidnümbrik valdkundan pohjoižpäivnouzmpoles, Girinan agjan suvipäivlaskmas.
Istorii
[vajehta | vajehtada lähtetekst]Vhesai 1896 se tahond kävutihe imperatorižen mectusen täht püdamiženke, sikš kel'tihe säta eländpunktoid. Dunpin-makundan administrativižen keskusen aluz om pandud vl 1903, Sian'-makundan — vl 1904. Kätihe Sianin keskust lidnaks vl 1948, udesnimitihe Läojuanikš vl 1952 päzutamhas petusišpäi ühtennimižen amuižen lidnan olendan tagut. Lidnümbrik om olmas vspäi 1983.
Läojuan' šingotihe kivihilen samižen keskuseks sada vot 1990-nzihe vozihesai, no hilen varad tuliba lophu. Nügüd' lidn om kebntegimišton (puvillnoskad) keskuz, mugažo «Apple»-kompanijan ladimiden alüminiikorpusad tehtas täs.
Venäman Čerepovec om sebruzlidnaks.
Geografijan andmused
[vajehta | vajehtada lähtetekst]Lidn sijadase 260 m ü.m.t. keskmäižel korktusel. Dunläo-joginišk («päivnouzmaine Läo») om lidnümbrikon territorijal. Matkad agjan Čančun'-pälidnhasai om 100 km pohjoižhe.
Klimat om ven mussonine. Voden keskmäine lämuz om +5,8 C°, kezakun-elokun +21..+23 C°, vilukun −16 C°. Ekstremumad oma −32 C° i +41 C°. Paneb sadegid 622 mm vodes, kuiv sezon oleskeleb kül'mkus-keväz'kus (52 mm pordos).
Läojuan jagase kahteks lidnrajonaks (Lunšan'-ku 龙山区 i Sian'-ku 西安区) i kahteks makundaks (Dunfen-sian' 东丰县, Dunläo-sian' 东辽县).
Eläjad
[vajehta | vajehtada lähtetekst]Vn 2010 Kitain rahvahanlugemižen mödhe lidnümbrikon eläjiden lugu oli 1 176 645 ristitud, sidä kesken lidnrajoniden — 462 233 ristitud 429 km² pindal.
Irdkosketused
[vajehta | vajehtada lähtetekst]![]() |
Läojuan' Vikiaitas |