Nuadibu
Valdkund | Mavritanii |
Eläjiden lugu (2013) | 118,167 ristitud |
![]() | |
Pämez' | Elghassem Ould Bellali (reduku 2018—) |
Telefonkod | +222- |
Aigvö | UTC+0 |
![](http://178.128.105.246/content-http-upload.wikimedia.org/wikipedia/commons/thumb/7/7a/Schiffsfriedhof_Nouadhibou.png/250px-Schiffsfriedhof_Nouadhibou.png)
Nuadibu (arab.: نواذيبو Nauadhibu, franc.: Nouadhibou) om lidn da meriport Mavritanijan päivlaskmas. Se om valdkundan koumanz' lidn eläjiden lugun mödhe, Dahlet Nuadibu-agjan da sen üks'jäižen departamentan administrativine keskuz.
Istorii
[vajehta | vajehtada lähtetekst]Vll 1907−1960 lidnan nimituz oli Port-Etjen (franc.: Port-Étienne).
Nuadibu šingotase merikalanpüdandal, meriportal (tegimištoline vspäi 1963) i raudkivendon küllästamižel. Raudte ühtenzoitab Fderik- i Zuerat-lidnoidenke kontinentan südäimes (raudkivendon i eläjiden tond).
Geografijan andmused
[vajehta | vajehtada lähtetekst]Lidn sijadase Atlantižen valdmeren randal, Kap-Blan-nemen (vai Ras-Nuadibu, 65 km pitte) päivnouzmaižes, 0..1 m ü.m.t. keskmäižel korktusel. Röunatab Päivlaskmaine Sahar-territorijanke. Matkad Nuakšot-pälidnhasai om 450 km suvhe avtotedme.
Klimat om tropine räk kuiv letetazangišton. Kun keskmäine lämuz vajehtase +19..+24 C° röunoiš vodes läbi. Ekstremumad oma +4 C° i +41 C°. Paneb sadegid 23 mm vodes, niiden naceinuz om kaikiš suremb sügüz'kus (5 mm kus).
Eläjad
[vajehta | vajehtada lähtetekst]Vl 2000 lidnan eläjiden lugu oli 72 337 ristitud. Läz 140 tuhad eläjid om ezilidnoidenke (2013).
Regionaline läžundkodi radab vspäi 2017.
Transport
[vajehta | vajehtada lähtetekst]Meriport radab lidnas.
Rahvahidenkeskeine civiline Nuadibu-lendimport (NDB / GQPP) sijadase koumes kilometras pohjoižpäivnouzmha lidnan keskusespäi. Tehtas severz'-se reisid vaiše: Kanaran sarihe (Ispanii), Kasablankha (Marok), Mavritanijan kahthe lendimportha (Nuakšot, Zuerat).
Homaičendad
[vajehta | vajehtada lähtetekst]
![]() |
Nuadibu Vikiaitas |