Suure-Jaani
Valdkund | Estinma |
Eläjiden lugu (2020) | 1,036 ristitud |
Pind | 2,2 km² |
![]() | |
Telefonkod | +372- |
Aigvö | tal'vel UTC+2, kezal UTC+3 |
![](http://178.128.105.246/content-http-upload.wikimedia.org/wikipedia/commons/thumb/a/a0/Map_Estonia_-_Suure-Jaani_vald.png/250px-Map_Estonia_-_Suure-Jaani_vald.png)
Suure-Jaani (mugažo estin kelel, kändase «Suren Joannan») om Estinman lidn valdkundan keskuzpalas. Mülüb Vil'jandin makundha. Om Pihja-Sakal-volostin administrativižeks keskuseks vn 2017 redukuspäi, sen penemb lidn kahtespäi.
Istorii
[vajehta | vajehtada lähtetekst]Jumalanpert' (nüg. lüteranine) om saudud edel 1300. vot, nimitihe sidä ph. Ioann Jevangelistan oiktastuseks (saks.: Groß Sankt Johannis). Külä sauvoškanzihe jumalanpertiš ümbri. Sen tahond mainitase kuti saks.: Wallola / Valle vspäi 1423. Külä sai nügüdläšt nimed 1880-nzil vozil, i se om jumalanpertin saksan nimen kal'k. Kätihe Suure-Jaanid radinžiloks (est.: alevik) vl 1923. Se sai lidnan oiktusid vl 1938. Vll 1950−1959 lidn oli Suure-Jaanin rajonan administrativižeks keskuseks, sid' oli alištunu Vil'jandin tobmudele. Vll 1990−2005 Suure-Jaani oli erigoittud lidnaks-municipalitetaks. Vspäi 2005 oli Suure-Jaanin volostin keskuseks.
Suure-Jaani šingotase tegimištzonal[1] läz lidnad (sen paloin, iknoiden da uksiden tehmine) i turizmal (Kappad-muzikankirjutajiden muzei, jogavozne muzikfestival' vspäi 1998, amuižen Lohavere-lidnusen ruinad kahtes kilometras).
Geografijan andmused
[vajehta | vajehtada lähtetekst]Lidn sijadase makundan pohjoižes. Matkad makundan Vil'jandi-keskushesai om 25 km suvhe. Lähembaine lidn om volostin toine Vihm-lidn 11 km pohjoižhe-pohjoižpäivnouzmha orhal vai 13 km avtotel.
Eläjad
[vajehta | vajehtada lähtetekst]Vl 1989 eläjiden lugu oli 1 503 ristitud, vodele 2011 lidnan ristitišt poleni i oli 1 090 eläjad. Kaikiš suremb ristitišt oli 1 713 eläjad vl 1959 i 1 653 eläjad vl 1979. Vn 2019 augotišes kaik 1057 ristitud elihe lidnas.
Galerei
[vajehta | vajehtada lähtetekst]-
Volostin ohjastusen pert' (2013)
-
Lüteranine jumalanpert', vn 2014 nägu
-
Phh. Petran i Pavlan jumalanpert' (ortodoksine hristanuskond), vn 2021 nägu
-
Tervhuden keskuz (2019)
-
Lidnan gimnazii vl 2008
Homaičendad
[vajehta | vajehtada lähtetekst]Irdkosketused
[vajehta | vajehtada lähtetekst]![]() |
Suure-Jaani Vikiaitas |
![]() | |
---|---|
Abja-Paluoja • Antsl • Elv • Haapsalu • Jigev • Jihvi • Kallaste • Karksi-Nuia • Kehr • Keil • Kilingi-Nimme • Kiviili • Kohtla-Järve • Kund • Kuressaare • Kärdl • Lihul • Loks • Maardu • Mustvee • Miizakülä • Narv • Narv-Jogensu • Otepä • Paide • Paldiski • Piltsamaa • Pilv • Pärnu • Püssi • Rakvere • Rapl • Räpin • Saue • Sillamäe • Sindi • Suure-Jaani • Tallidn • Tamsalu • Tap • Tartu • Tirv • Türi • Valg • Vil'jandi • Vihm • Viru | ![]() |