Koolmêze
Koolmêze | |||||||||||
---|---|---|---|---|---|---|---|---|---|---|---|
![]() | |||||||||||
Taxonomische indêlienge | |||||||||||
| |||||||||||
Sôorte | |||||||||||
Parus major Linnaeus, 1758 |
![](http://178.128.105.246/content-http-upload.wikimedia.org/wikipedia/commons/thumb/5/55/Parus_major_excelsus_MHNT_232_A%C3%AFn_B%C3%A9%C3%AFda_Algerie.jpg/220px-Parus_major_excelsus_MHNT_232_A%C3%AFn_B%C3%A9%C3%AFda_Algerie.jpg)
De koolmêze (Parus major) es ne zangveugel.
Uutzicht
[bewerkn | brontekst bewerken]Olhoewel de mêezn nogol sterk ip elkoar gelykn, keun je de koolmêze gemakkelik verkenn an zyne zwarte kop. Ie eit ôok nog ne zwartn band ip zyn borste ip nen geeln buuk. Zyn koakn zyn wit, zyn vleugels zyn blauw-groen. By 't vrouwke es de borstband klinder en korter dan by het manneke.
Et geluud dat ie vôortbringt es een rap ip elkoar volgend tuut-tuut.
Verspreidienge
[bewerkn | brontekst bewerken]De koolmêze vind je overol in Europa. Zyn aantal weird geschat ip 37 tot 52 miljoen poarn. Typeernd voo zyn vôorkoomn es dat ie de aantalln koolmêezn met de joarn vrêe kan verschilln. De mêeste koolmêezn overleevn t'êeste joar nie. De koolmêze vind je mêestol in 't geburte van streukn, parkn, en bôomgoardn. Ge goat em ôok dikwils teegnkomn in unen of.
Leevnswyze
[bewerkn | brontekst bewerken]De koolmêze makt zyn nest in hooln. Ie slapt er in en legt er zyn eiers in. Ie broedt in de periode van einde moarte tot einde juni. Et vrouwke legt achte tot elf eiers, die wit zyn me rôod-bruune plekkn. De eiers koomn achter twêe weekn uut, en drie weekn loater keun de joungn ol uutvliegn.
Koolmêezn eetn een bitje van olles. In de zomer eetn ze geirn insektn, moar anders eetn ze zoadn, beukenootn, oazelnootn en bessn. Koolmêezn zyn ôok zot van netjes me pindanootn of vetbolln me zoad.
![]() |
Ofbeeldiengn die ier by passn ku je vien in de categorie Parus major van Wikimedia Commons. |