Stroate van Kertsj
De Stroate van Kertsj (Russisch: Ке́рченский проли́в, Oekraïens: Керченська протока, Krim-Tatoars: Keriç boğazı) is e zêestroate die de verbindinge vormt tusschn de Zwarte Zêe en de Zêe van Azov. In 't westn ligt 't schiereiland Kertsj, een oenderdêel van de Krim, en in 't ôostn 't schiereiland Taman in Rusland. De zêestroate is 3,1 tot 15 kilometer brêed en toet 18 meter diepe.
De stroate is genoemd noa de stad Kertsj, de belangrykstn hoavn ip de Krim. In d' oudheid stoend de zêestroate bekend oender de noame Cimmerische Bosporus.
De Krimbrugge overspant de Stroate van Kertsj tusschn 't Kertsj-schiereiland en 't Taman-schiereiland. 't Zyn e poar parallelle bruggn, den ênen e vierboans autoverkêersbrugge en den andern e dubbele spoorlyne. De brugge is gebouwd deur de Russische Federoasje achter d' annexoasje van de Krim begun 2014 en is mè zyn 19 km de langste brugge van Europa.
![](http://178.128.105.246/content-http-upload.wikimedia.org/wikipedia/commons/thumb/f/f9/%D0%9A%D1%80%D1%8B%D0%BC%D1%81%D0%BA%D0%B8%D0%B9_%D0%BC%D0%BE%D1%81%D1%82_13_%D1%81%D0%B5%D0%BD%D1%82%D1%8F%D0%B1%D1%80%D1%8F_2019_%D0%B3%D0%BE%D0%B4%D0%B0_%281%29.jpg/220px-%D0%9A%D1%80%D1%8B%D0%BC%D1%81%D0%BA%D0%B8%D0%B9_%D0%BC%D0%BE%D1%81%D1%82_13_%D1%81%D0%B5%D0%BD%D1%82%D1%8F%D0%B1%D1%80%D1%8F_2019_%D0%B3%D0%BE%D0%B4%D0%B0_%281%29.jpg)