Bassî (planete)
Apparence
![](http://178.128.105.246/content-http-upload.wikimedia.org/wikipedia/commons/thumb/8/8e/Aries_symbol_%28planetary_color%29.svg/110px-Aries_symbol_%28planetary_color%29.svg.png)
Li Bassî, e-n asterlodjeye, c' est l' planete des cis (cenes) k' ont skepyî inte li 21 di måss eyet l' 20 d' avri.
Po des linwincieusès racsegnes sol mot "bassî", alez s' vey e splitchant motî.
Caractere do Bassî
[candjî | candjî l’ côde wiki]Li Bassî vout todi aveur råjhon et s' moenner come on vraiy bassî : i vore tiesse baxheye, åd triviè d' tot.[1]
Egzimpe di djhaedje di leu planete po les Bassîs
[candjî | candjî l’ côde wiki](po 2008)[2]
- Sintimints : Vos alez bén cmincî l’ anêye. Si vos estoz maryî, vos alez ricpiter. Si vos metoz del djoye et d’ l’ animåcion, ci serè ene foû boune anêye. Si vos n’ avoz co nole monkeur, vos l’ alez surmint trover. Mins atincion, n’ alez nén trop roed. Vos avoz l’ tins di vs ateler po tofer !
- Ovraedje : Vos åroz del tchance, n’ ayoz nole sogne. Leyîz toumer çou k’ vos n’ inmez nén. Hay ! Vos poloz tot sayî. Pocwè n’ nén raler e scole ? Les voyaedjes vos sont-st ossu ricmandés.
- Santé : Vosse bon morå vos dinrè toplin d’ exhowe mins atincion e moes d’ måss. I n’ fåt nén fé des deurs ovraedjes. Èn accidint vos pout todi ariver.
- Çanses: Si vs avoz des aidants, vos lzès groxhiroz. Vos åroz des djins ki vénront vs propôzer des assoçnaedjes. Prindoz tot l' minme asteme a n’ vos nén fé atraper.
- Çanses : Vos n’ mancroz d’ rén, mins portant, fårè tot l’ minme fé atincion a n’ nén trop payî. Å moes d’ may, vos riskez d’ fé des biestreyes, minme si vos poloz conter so ene sakî ki vs inme.
Sourdants & pî-notes
[candjî | candjî l’ côde wiki]- ↑ C. Massaux, Li Chwès (gazete), avri 2006, p. 8.
- ↑ '"Sajix", divins Li Walone, l° 1 2008.