甘蔗
外观
![](http://178.128.105.246/content-http-upload.wikimedia.org/wikipedia/commons/thumb/f/fa/Sugar_cane_jubair.jpg/220px-Sugar_cane_jubair.jpg)
甘蔗,一許宕地个吳語也謳作糖梗、沙糖,是禾本科个单子叶植物,是甘蔗属(学名:Saccharum)个总称。甘蔗是温带搭热带农作物,是制造蔗糖个原料。
糖梗是世界天下產量頂大農作物之一,年產毛估估便有18.8億噸,巴西个產量佔爻全世界40%。
特徵
[编辑]歷史
[编辑]![](http://178.128.105.246/content-http-upload.wikimedia.org/wikipedia/commons/thumb/1/16/Map_showing_centers_of_origin_of_Saccharum_officinarum_in_New_Guinea%2C_S._sinensis_in_China%2C_and_S._barberi_in_India.png/500px-Map_showing_centers_of_origin_of_Saccharum_officinarum_in_New_Guinea%2C_S._sinensis_in_China%2C_and_S._barberi_in_India.png)
糖梗个史前歷史搭南島人密切交關。佢个兩隻馴化中心是新幾內亞巴布亞人个宕地,搭台灣、中國南方个南島人个宕地。秀貴甘蔗(S. officinarum)搭竹蔗 (S. sinense)的傳播畀認為主要因之南島人个遷播。 [1][2]前者從距瑲6000年開始,便畀巴布亞人在新幾內亞搭各許華萊士線東面个島上頭選擇性培育,赫向西面傳到東南亞沿海,在解𡍲搭當地个甜根子草(Saccharum spontaneum)串種起。後者是在中國南方搭台灣馴化,在原始南島語( Proto-Austronesian)中畀重構作*təbuS或*CebuS。[3][4][5]佢是南島人最頭起个主要農作物。距瑲3500年頭先,南島人航海家從東南亞群島畀糖梗傳到波利尼西亞搭密克羅尼西亞,也由南島商人傳到東亞大陸搭南亞次大陸,在解地串種,赫貤傳到爻歐亞大陸西面搭地中海。
本地糖梗
[编辑]華南可能是糖梗个馴化地之一。10世紀開始,江南便普遍種糖梗。
吳越主要產糖梗个宕地有以果蔗為主个餘杭、溫嶺、陶山、蘭溪、東陽、衢州,搭以糖蔗為主个義烏。餘杭个本地糖梗,也謳作「上湖青」,搭溫州陶山个青皮、台州溫嶺從廣東引進个黃皮,攏作三種吳越頂有名青黃皮果蔗。
用場
[编辑]![](http://178.128.105.246/content-http-upload.wikimedia.org/wikipedia/commons/thumb/6/63/Sugarcanejuice.jpg/220px-Sugarcanejuice.jpg)
![](http://178.128.105.246/content-http-upload.wikimedia.org/wikipedia/commons/thumb/c/cf/Sugar_Cane_Juice_waste.jpg/220px-Sugar_Cane_Juice_waste.jpg)
糖梗秆好用來直接喫,或者打乳喫。也好用來做糖,過程中个副產品糖蜜還好作做酒搭各許食品化工用場。糖梗還好用來煙熏食品,打比方做糖梗鴨。
義烏紅糖便是用本地產个青皮糖梗做起,老法是用木车牛力绞乳,铁鑊熬出红糖。
培育
[编辑]參考資料
[编辑]- ↑ Paterson, Andrew H.; Moore, Paul H.; Tom L., Tew (2012). "The Gene Pool of Saccharum Species and Their Improvement". In Paterson, Andrew H. (ed.). Genomics of the Saccharinae. Springer Science & Business Media. pp. 43–72. ISBN 9781441959478.
- ↑ Daniels, John; Daniels, Christian (April 1993). "Sugarcane in Prehistory". Archaeology in Oceania. 28 (1): 1–7. doi:10.1002/j.1834-4453.1993.tb00309.x.
- ↑ Baldick, Julian (2013). Ancient Religions of the Austronesian World: From Australasia to Taiwan. I.B.Tauris. p. 2. ISBN 9780857733573.
- ↑ Aljanabi, Salah M. (1998). "Genetics, phylogenetics, and comparative genetics of Saccharum L., a polysomic polyploid Poales: Andropogoneae". In El-Gewely, M. Raafat (ed.). Biotechnology Annual Review. Vol. 4. Elsevier Science B.V. pp. 285–320. ISBN 9780444829719.
- ↑ Spriggs, Matthew (2 January 2015). "Archaeology and the Austronesian expansion: where are we now?". Antiquity. 85 (328): 510–528. doi:10.1017/S0003598X00067910. S2CID 162491927.