干支
干支 | |||||
---|---|---|---|---|---|
1 甲子 |
2 乙丑 |
3 丙寅 |
4 丁卯 |
5 戊辰 |
6 己巳 |
7 庚午 |
8 辛未 |
9 壬申 |
10 癸酉 |
11 甲戌 |
12 乙亥 |
13 丙子 |
14 丁丑 |
15 戊寅 |
16 己卯 |
17 庚辰 |
18 辛巳 |
19 壬午 |
20 癸未 |
21 甲申 |
22 乙酉 |
23 丙戌 |
24 丁亥 |
25 戊子 |
26 己丑 |
27 庚寅 |
28 辛卯 |
29 壬辰 |
30 癸巳 |
31 甲午 |
32 乙未 |
33 丙申 |
34 丁酉 |
35 戊戌 |
36 己亥 |
37 庚子 |
38 辛丑 |
39 壬寅 |
40 癸卯 |
41 甲辰 |
42 乙巳 |
43 丙午 |
44 丁未 |
45 戊申 |
46 己酉 |
47 庚戌 |
48 辛亥 |
49 壬子 |
50 癸丑 |
51 甲寅 |
52 乙卯 |
53 丙辰 |
54 丁巳 |
55 戊午 |
56 己未 |
57 庚申 |
58 辛酉 |
59 壬戌 |
60 癸亥 |
干支,��本出自紀日法,後來用來紀年紀月。今陣紀年反而為人熟知。而唔少唐人算命都有用到干支,八字四柱,年月日時,都有干支。
天干有十而地支十二,配合咁用,有六十對。蔡邕斷言,干即幹,支即枝。遠於殷商甲骨文,已睇到干支紀日。早年未有干支之稱,有十日同十二辰,可能到後漢先叫干支。
義
[編輯]甲骨文之中,有甲骨刻有干支表,似為當時卜巫官吏推算所用。而干支表又有版本兩種,一種係三十,一種係六十。因而推斷,至初至初,用來記一月有三十日。後來就變成連綿不斷六十日周期,沿用至今。十干可能出自十日一旬,一月就有三旬。十二支之十二,可能出自觀天得來星辰方位,以此分辨季節,一年十二月之故。近代學者陳久金,推斷干支本來係紀月,十干配陽曆月,十二支配陰曆月,亦即各月之名。而十干配十月曆,漢時日漸失傳,有如西南夷曆,一年有十月,一月三十六日。十干之數,亦同時合五行陰陽,史記天官書,天分五宮,亦係古曆遺留。
十干同十二支,詁訓字義同季節有關,由潛地,到萌發,到生長,到成熟,到枯萎,又到潛地,循環不息。
干支配合
[編輯]天干者,甲乙丙丁戊己庚辛壬癸。地支者,子丑寅卯辰巳午未申酉戌亥。順序咁,干支各取一,如甲子、乙丑、丙寅,如此類推,就去到壬申、癸酉。天干得十,而地支十二,干短支兩個,天干用盡,就由頭再配,甲戌、乙亥。十二地支用盡,又由頭再配,即丙子、丁丑如此類推,直到尾,壬戌、癸亥,就有六十。
六十干支有,甲子、乙丑、丙寅、丁卯、戊辰、己巳、庚午、辛未、壬申、癸酉、甲戌、乙亥、丙子、丁丑、戊寅、己卯、庚辰、辛巳、壬午、癸未、甲申、乙酉、丙戌、丁亥、戊子、己丑、庚寅、辛卯、壬辰、癸巳、甲午、乙未、丙申、丁酉、戊戌、己亥、庚子、辛丑、壬寅、癸卯、甲辰、乙巳、丙午、丁未、戊申、己酉、庚戌、辛亥、壬子、癸丑、甲寅、乙卯、丙辰、丁巳、戊午、己未、庚申、辛酉、壬戌、癸亥。
數學上來講,六十,咁啱係十同十二最小公倍數。咁意味,十干頭尾數六次,十二支五次,大家就會拍齊。
按,天干戊讀霧,庚讀更,變更之更,癸讀貴。地支寅讀仁,卯讀牡,已讀自,酉讀有,戌讀摔,亥讀害。
干支紀日
[編輯]干支紀日話咁易。六十干支順序數,逐日數,唔使睇日月星辰氣候。如戊戌年十二月廿二係甲子日,廿三乙丑,廿四丙寅,去到月尾三十壬申。下年己亥年,正月初一癸酉,初二甲戌。下一次甲子日,就係十二月廿二嘅六十日後,約莫兩個月,即二月廿二。
干支紀日唔受改曆影響,千年不變。然而週期太短,單憑就難以確定邊日。之不過,由於佢完全穏定,至少上至春秋史書文物以來,確切從無間斷。史書干支紀日,配以人文天象,往往史學定紀利器。
甲骨文干支紀日。而戰國到漢,出土文物有曆日,寫低一年每月初一干支如何,甚至逐日寫出。
干支紀年
[編輯]干支紀年,只不過六十年順序數。如一九八四年,正月新年起係甲子年,下一年乙丑,到二〇一八年戊戌,二〇一九年己亥,直到二〇四四年,過六十年,又返去甲子。近代史常用來紀事,如甲午戰爭、戊戌變法、庚子賠款、辛亥革命等。
干支紀月
[編輯]干支紀月。一年十二月,所以自然配十二地支。正月寅月,二月卯月,三月辰月,四月巳月,五月午月,六月未月,七月申月,八月酉月,九月戌月,十月亥月,十一月子月,十二月丑月。有冬至嗰個月,必定為十一月子月。故此,地支自冬至數起,即子。而冬至為中氣,必定唔會閏月。
天干係後配上去,要睇嗰年天干,再定正月天干,順序數十二月。如正月為丙,順序數,二月丁、三月戊、四月己、五月庚、六月辛、七月壬、八月癸、九月甲、十月乙、十一月丙、十二月丁。
至於點睇定天干。年干甲己,正月干丙。年干乙庚,正月干戊。年干丙辛,正月干庚。年干丁壬,正月干壬。年干戊癸、正月干甲。如己亥年正月,己對丙,正月丙寅。順推二月丁卯,一直到十二月丁丑。
至於閏月,同前月相同。如丁酉年六月為丁未月,閏六月都叫丁未月,下月七月,順為戊申月。不過有啲算命法,上半月計六月丁未,下半用計七月戊申。
另外亦有種月,係以節氣為計,唔理月光朔望,一年分十二個月,立春起正月,驚蟄起二月。清明起三月,立夏起四月,芒種起五月,小暑起六月,立秋起七月,白露起八月,寒露起九月,立冬起十月,大雪起十一月,小寒起十二月。月干支同上面配法一樣,之不過立春為年首。有啲算命亦會用到。咁就係傳統曆法,陽曆部份。
干支紀時
[編輯]干支紀時,一日十二時辰,自然配十二地支,日用好少要配天干。要配天干,配法同配月一樣,多數用於算命。
一日十二時辰,即兩個鐘。而一時辰又二分為初正,頭一個鐘叫初,尾一個鐘叫正。如午夜十一點到一點。十一點到十二點為子初,十二點到一點為子正。子丑寅卯辰巳午未申酉戌亥,各有初正,就咁順推。實際有分廿四份。以史而言,午夜子正為一日開始,子初係一日結尾。有啲算命流派以子初為始,可能有所誤解。
另漢起有百刻制,滴漏上一日畫夜分一百刻,子夜就初刻,咁就無干支可言。一百同廿四有啲難配合。元時配合兩者,一刻再分為六小刻,子正初刻,子正一刻,子正二刻,子正三刻,子正四刻,再過一小刻,就到丑初初刻。此制用到明時。清時西洋傳教士做欽天監,改制為九十六刻,就拍齊一刻十五分鐘,無四刻。
甲子曆元
[編輯]干支配年月日時,起首在甲子。古代造曆,各家會推算上古特別之日,叫做曆元,以佢起首。甲子為一切之首,喺正冬至之日,子正之時,月要朔初一。又係甲子年,甲子月,甲子日。就揀依一日做開始。依個只係理論上有,實際上求唔到,搵個近傍。傳統又要一萬萬年之內搵到。到宋時計到盡晒,天文數字,曆元又無乜用,只會嘥心機,就放棄咗。
干支方位
[編輯]![](http://178.128.105.246/content-http-upload.wikimedia.org/wikipedia/commons/thumb/1/1d/China_24_cardinal_directions.svg/220px-China_24_cardinal_directions.svg.png)
十天干,十二地支,八卦,就配做二十四方位,每位十五度。由北順時針數,子癸丑艮寅甲、卯乙辰巽巳丙、午丁未坤申庚、酉辛戌乾亥壬。陰陽家稱之為二十四山。
子正北,午正南,故此南北綫為子午線。卯正東,酉正西,故此東西線為卯酉線。風水命理流年,配以洛書演化九宮,年九宮,月九宮,日九宮,常見於通書。
先係八個方位,傳統北望南。圖南上北下,左東右西。
東南 | 南 | 西南 |
東 | 中 | 西 |
東北 | 北 | 西北 |
十天干按五行而言,東甲乙、南丙丁、中戊己、西庚辛、北壬癸。戊己土中央,唔做方位。
丙丁 | ||
甲乙 | 戊己 | 庚辛 |
壬癸 |
八卦方位,坎為北,四十五度一跳
巽 | 離 | 坤 |
震 | 兌 | |
艮 | 坎 | 乾 |
十二地支,以子為北,順時針分十二份,即係三十度一跳。
巳 | 午 | 未 | ||
辰 | 巽 | 離 | 坤 | 申 |
卯 | 震 | 兌 | 酉 | |
寅 | 艮 | 坎 | 乾 | 戌 |
丑 | 子 | 亥 |
配埋天干,唔理中央戊己。夾角之間有八個方位未補,以天干填滿。
丙 | 丁 | |||||
巳 | 午 | 未 | ||||
乙 | 辰 | 巽 | 離 | 坤 | 申 | 庚 |
卯 | 震 | 兌 | 酉 | |||
甲 | 寅 | 艮 | 坎 | 乾 | 戌 | 辛 |
丑 | 子 | 亥 | ||||
癸 | 壬 |
最後得出二十四方位,各佔十五度。
巽 | 巳 | 丙 | 午 | 丁 | 未 | 坤 |
---|---|---|---|---|---|---|
辰 | 巳 | 午 | 未 | 申 | ||
乙 | 辰 | 巽 | 離 | 坤 | 申 | 庚 |
卯 | 卯 | 震 | 兌 | 酉 | 酉 | |
甲 | 寅 | 艮 | 坎 | 乾 | 戌 | 辛 |
寅 | 丑 | 子 | 亥 | 戌 | ||
艮 | 丑 | 癸 | 子 | 壬 | 亥 | 乾 |