親中派
閱讀設定
![](http://178.128.105.246/content-http-upload.wikimedia.org/wikipedia/commons/thumb/f/fb/Confusion_grey.svg/24px-Confusion_grey.svg.png)
親中派(英文:Pro-Chinese),係政治立場比較接近中華人民共和國政府同中國共產黨嘅人,主要響中國大陸外面嘅華人地方(香港、台灣、海外華埠等)用到呢種區分。
親中係由國家層面上即指親「中華人民共和國政府」;親共係由政黨層面上即指親「中國共產黨」或「共產主義」。
情況
[編輯]香港、澳門同台灣等地,政治立場偏向支持中華人民共和國政府或者中國共產黨叫做「親中派」(或者亦都可以叫做建制派),以前多叫做「左仔」。如果指傳媒即係「親中媒體」,如果係由有關政府、政黨進行新聞操控,專稱「中共黨媒」同埋「中國官媒」,例如人民日報、新華社、央視等集團嘅資訊產物。
特別指台灣,中華民國執政黨遷到台灣之後已變化。當地「親中派」重懷有三民主義統一中國政治理想,否定中國共產黨同埋中華人民共和國,所以嚴格講,繁體中文規範,「親中」唔同「親共」,只係簡體中文用法(同埋赤化後就)亂咁嚟。喺台灣,傾向中華人民共和國有政黨:中華統一促進黨、愛國同心會,呢啲政黨叫做「紅統派」;傾向中華民國政黨有:中國國民黨、新黨,呢啲政黨叫做「藍統派」。至於泛綠就相反,綠營政黨強調台灣本土意識,更反共,同支持台灣民族主義、台灣獨立。
海外地區「知華人士」或對中華人民共和國友好之人同黨,又叫做親華派。不過,呢啲海外親中聲音,有時亦會引來當地人或者一啲支持民主自由價值批評。其中新加坡部分官員同機構嘅親中立場,就引起一啲香港同台灣人嘅批評。