講波
講波係球賽評述嘅通俗叫法,而喺香港,一般嘅普羅大眾都鍾意叫球評人做「講波佬」。
負責講波嘅人係要將一場球賽嘅過程,盡可能完整咁向喺收音機或者電視機前面收聽收睇緊嘅聽眾/觀眾作出介紹及分析,包括嗰種球類嘅玩法、賽制,嗰場賽事所參與球員/球隊嘅背景,球隊出場嘅陣容,戰術嘅運用,球賽嘅進行……等。
所以講波普遍被視為一種專業,因為第一,佢哋當然要全面認識嗰種球類運動,其次手頭上嘅資料要充足,分析球賽嘅時候亦唔可有太多主觀嘅個人意見,要對球賽客觀咁批評,咁啲觀眾聽眾先可以喺中立嘅情況下欣賞球賽;因此要成為一個評述某種球類比賽嘅專業講波佬絕對要下一番功夫,可以話係屬於專業人士嘅範疇。
講講「講波佬」
[編輯]講波佬本來只係狹義咁指嗰啲講足球運動嘅運動評述員,因為以前喺香港評述足球嘅絕大多數係男性,甚至當時可以話冇女性評述,於是大眾就用咗個「佬」字,但其實隨住世界嘅發展同埋社會嘅變化,依家女性出嚟講足球亦唔係咩新鮮奇事,再加上講波可以唔單單咁指足球運動,令到「講波佬」哩個詞語亦都有修飾嘅必要,不過因為喺香港生���嘅大眾已經一口講慣咗,所以仍一貫統稱從事球賽評述哩個行業嘅人做「講波佬」。
乜波都有得講
[編輯]其實講波又點止係指講足球一樣呢,因為唔同嘅球類運動都會有專長嘅評述員,除咗聽得比較多嘅足球評述之外,其實一路以嚟籃球、排球、網球、乒乓球、羽毛球,甚至保齡球、桌球哩啲比較少體力發揮嘅運動都有佢哋嘅專業評述員,而且男女各佔有一定嘅比例,所以「講波」已經變成廣義嘅詞語。
講波人有幾權威
[編輯]不過講波界有一個小小共通點,就係當中大部份嘅球評人其實曾幾何時亦係嗰種運動嘅職業球員,有啲可能已經退役全身投入做球評人,有啲則係現役嘅職業球員,只不過係以客串形式咁去為某啲球賽作專業評述。當然亦有啲人,佢哋一路都好醉心咁去研究某種球類運動,佢哋可能只係業餘玩吓,甚至冇乜實戰經驗,但亦最終都可以成為專業講波佬,只要有獨特嘅分析,加上搜集返嚟嘅資料同研究心得,再加埋業內人仕同埋大眾對佢嘅認同,亦可以被邀請作出權威性嘅評述。
香港足球評述員協會
[編輯]近年電視台嘅足球賽事直播量越嚟越大,香港足球評述員或主持越來越多,佢哋雖然來自唔同媒體,但係對足球都好有熱誠。2006年10月24日,業界重成立咗香港足球評述員協會(HKFCA),旨在凝聚力量回饋社會。多年來,HKFCA一直支持香港代表隊出戰無家者世界盃,亦會定期出動探訪老人家,並喺2009年集眾會員之力,出版過散文集《寫給足球的情書》。
專業講波人
[編輯]以下會簡單咁介紹一啲球類運動嘅講波人。
足球
[編輯]要數足球界嘅講波人,相信好多人隨便都可以點出三兩個出嚟。而喺香港工作或者操粵語嘅足球講波佬有好多其實都幾出名,佢哋除咗係因為成日會喺電視出鏡,或者喺收音機聽到佢哋把聲之外,亦都係因為喺評述分析上特別出色獨特,可能喺閱讀球賽嘅能力方面比較好,亦都可能因為佢哋嘅評述風格……等而為人所注意。
粵語講波人
[編輯]- 葉觀楫:綽號「大聲葉」,係六、七十年代嘅著名電台講波佬,現場講波時可以話係緊張大師,講起上嚟特別精采,而且創作咗好多生動嘅足球術語,所以而廣受聽迷歡迎。
- 林尚義:人稱「阿叔」,係香港講波界嘅老行尊;曾經係香港足球聯賽隊伍及中華民國隊員,亦做過電影演員。因為佢嘅硬漢性格,造就佢講波時嘅風格都係比較鍾意大大聲,同埋用抑揚頓挫嘅重口音去評述,配合埋佢肉緊嘅表情,睇緊佢唔知情嘅人會以為佢發緊脾氣鬧緊人。
- 丘建威:Cable,人稱「丘仔」,讀書時候係聖約瑟足球校隊成員,後來成為香港職業足球員,打後衛、清道夫,退役後轉行做講波佬。
- 張志德:Cable,人稱「細鬼」,曾經係香港職業足球員,香港隊員,退役後轉行做講波佬。
- 何鑑江
- 何靜江
- 丁偉傑:Now
- 何輝:紅褲子出身,八、九十年代香港足球員,試過代表港隊,青少年期試過代表香港乒乓球隊。當打嗰排唔踢波走咗去做量地官,家下喺廣東體育台做緊講波佬。因應佢自己踢波出身,經常喺講波時拆解場波嘅形勢,以及詳解場波各方面嘅細節,好似排陣、球員表現、領隊調動手法,甚至領隊表情,亦好鐘意搞Gag。雖然佢未正式喺香港人出錢搞嘅電視頻道講過波(ESPN唔係香港嘢),不過極受網民同一般睇開佢嘅人愛戴。
- 黃興桂:Cable
- 江忠德:ESPN
- 馬啟仁:TVB,英文名Keyman,擁躉唔少。
- 李德能:Cable
- 蔡育瑜:Now
- 鍾志光:TVB
- 何柏霖:Cable
- 劉舜文:Cable
- 陳葦如:Now
- 方柏翹:Now
- 司徒文俊:Cable
- 李榮基:Now
- 馮嘉奇:(已轉職伯明翰球會職員)
- 劉健基:Cable
- 潘源良:Cable,香港著名填詞人,香港有線電視一開台已經參與足球評述,佢主要係評述西甲英超嘅賽事。
- 林慶麟:Now
- 李健和:Cable
- 強尼:Cable
- 袁文傑:正職演員,周不時去TVB講波,亦喺youtube頻道袁文傑Andrew Yuen講波。
大陸講波人
[編輯]- 陳維聰(粵語)
- 陳寧(粵語)
- 鐘毅(粵語)
- 羅海文(粵語)
- 黃健翔(普通話)
外國講波人
[編輯]- 連尼加(Gary Lineker)
- 阿倫.漢臣(Alan Hansen)