Undertale
![](http://178.128.105.246/content-http-upload.wikimedia.org/wikipedia/commons/thumb/2/26/Undertale-logo.jpg/220px-Undertale-logo.jpg)
《Undertale》(粵譯:地底傳說或者傳說之下)係由托比·霍士(Toby Fox,id係tobyfox)做嘅一款角色扮演遊戲,2015年9月15號出版。喺遊戲入面,玩家要控制一位跌落地底世界,俾魔法屏障隔開嘅人類細路。玩家嘅任務就係要將佢帶返地面,探索充滿城鎮同山窿嘅地下世界,並喺旅途入面解開無數嘅謎題。遊戲嘅特色係佢特殊嘅戰鬥系統,玩家要避開對手嘅彈幕攻擊,可以選擇寬恕(mercy)或者攻擊(fight)佢哋。呢啲選擇會影響到遊戲入面嘅對話、人物、故事同結局。
呢個遊戲喺上市之後受到遊戲評論家嘅好評,讚遊戲入面嘅幽默元素、直觀嘅戰鬥系統、音樂獨創性同埋劇情入面同角色深刻嘅情感連結。最後遊戲嘅銷售量超過咗一百萬份,俾人提名過好多榮譽同埋獎項。
2018年10月31日,由Toby Fox推出咗一款有相似角色設定嘅遊戲《Deltarune》,有同Undertale相似嘅設定,可以係Windows同埋macOS嘅平台上面免費玩。 好多人都以為Deltarune嘅Undertale嘅續作,但係佢其實係同Undertale冇關嘅另一款遊戲,Toby話個正式版會係未來7年之內推出。
此外,有擁躉用咗6年時間自製另一款遊戲《Undertale Yellow》作為Undertale嘅前傳,暫定2022年冬季推出。[1]
故事
[編輯]《Undertale》嘅故事完全發生喺地底世界,啲怪獸俾人類封印喺一個好大的地底山窿入面,佢哋曾經同人類和諧咁生活喺地面,但係喺同人類嘅戰爭嗰陣時失敗咗而被驅逐,地底同地面世界就俾人類起嘅屏障隔開,之後,人類同怪獸完全分居。地底世界唯一嘅入口就喺伊波特山(Ebott)。
21世紀初嘅某年,玩家操控嘅主角 Frisk由伊波特山跌落地底世界,遇到Flowey,呢朵花向Frisk講呢個世界嘅運作機制,順便鼓勵佢提高「LV」(「LOVE」),欺騙埋Frisk掂佢啲攻擊,話畀佢聽可以通過殺死怪獸嚟得到「EXP」,並主張:「喺呢個世界上面剩係得殺,或者係俾怪獸殺。」當Flowey想殺咗Frisk嘅時候,Toriel就會阻止再由Flowey手入面救Frisk,Toriel喺一個慈祥嘅山羊怪獸,佢有善咁教Frisk點樣解決關卡嘅謎題,喺唔傷害怪獸亦都可以喺戰鬥入面生存嘅技巧,並希望可以保護Frisk唔俾地底世界嘅國王——Asgore Dreemurr傷害。
不過,Frisk最終仍然同Toriel告別,揾Asgore嘅城堡同比結界阻擋,可以到地面世界嘅通道,喺旅途入面Frisk認識咗唔同嘅怪獸,包括擔任哨兵嘅骷髏骨頭兄弟Sans同埋Papyrus,皇家衛隊嘅首領Undyne、皇家科學家Alphys、地底世界嘅電視節目主持人Mettaton等等,但係間唔中就會有一啲怪獸戰鬥。喺戰鬥入面,Frisk可以揀殺死或者唔殺(Spare)怪獸,亦都可以同佢哋做朋友。
隨住傾計同劇情嘅發展,Frisk越嚟越熟悉人類同怪獸之間嘅戰爭點樣發生,同埋地底王子—Asriel嘅背景故事。Asriel係Asgore同Toriel嘅仔。有一日,佢同第一個跌落地底嘅人類Chara結識,之後第一個人類俾Asgore同Toriel收養。
有一日,Chara計畫俾Asriel吸收佢嘅靈魂,順便穿過屏障,喺地面收集六個人類靈魂,諗住放啲怪獸。按計畫嚟講,第一個人類飲毛茛做嘅茶自殺,Asriel吸收咗Chara嘅靈魂,再帶佢嘅屍體穿過屏障返返佢嘅鄉下。但係村民就以為Asriel殺咗Chara,而開始攻擊佢。Chara諗住跟住計畫殺死人類,而Asriel就拒絕做計劃,冇攻擊到人類,只係誓死抵抗班村民嘅攻擊,將Chara嘅屍體帶返地底,之後喺金色花床上面化成灰燼。個意識喺第一朵喺地底開嘅金色嘅花上面,後來俾Alphys帶返真.實驗室並注射咗決心,變成咗冇靈魂嘅生命,亦即係之後嘅Flowey。
隨住兩個細路嘅死亡,悲痛嘅Asgore對人類再起戰爭,決定殺死任何跌落地底嘅人類嚟收集靈魂,打爛屏障。遊戲開始嗰陣,佢已經有咗六個人類靈魂。遊戲嘅結局取決於玩家點樣對應同怪獸嘅戰鬥。結局主要有三種:中立路線、和平路線,同埋屠殺路線。如果玩家冇殺死地底世界嘅所有怪獸,就會入中立結局。取決於玩家造成邊啲重要人物死亡,總共有多過十二個分歧路線。
遊戲接近尾聲嗰陣,Frisk就會到城堡,並通過Alphys所述知道咗佢仲需要一個怪獸嘅靈魂,先至可以穿過屏障嘅事實,咁樣就迫使咗Frisk同Asgore戰鬥。Sans會先喺審判長廊(Judgment Hall)叫住Frisk,話畀佢聽「LOVE」係「暴力等級」(Level Of ViolencE)嘅縮寫;同埋「EXP」喺「處決點數」(EXecution Points)嘅縮寫。
當Frisk儲夠「EXP」,「LOVE」就會提升。Sans就會用Frisk(玩家)嘅戰鬥方式做依據嚟審判Frisk。
角色
[編輯]Frisk
[編輯]Frisk係遊戲嘅主角,人類,冇性別,有一種叫做「意志」嘅超能力,呢種超能力可以令佢死後返生。
Sans
[編輯]Sans係一隻骷髏骨頭,亦都係Papyrus嘅哥哥,身材矮細,好鍾意講笑話,對話大多數都係用Comic Sans MS字體造成。佢對時間嘅認知好好,所以喺屠殺路綫會係最後嘅大佬。
Papyrus
[編輯]Papyrus係Sans嘅細佬,但係比佢高得多,對話大多數都係用Papyrus字體造成。由於佢同皇家衛隊嘅首領Undyne好老友,所以好想成爲皇家衛隊嘅其中一個成員。
Napstablook
[編輯]Napstablook係Mettaton嘅表兄弟(英文版冇性別,日文版係男性),係一隻鬼。佢係隱居喺瀑布嘅作曲家同埋唱片騎士,有個蝸牛農場,好少講嘢,成日都覺得好唔開心。
Undyne
[編輯]Undyne係一隻好似魚嘅怪獸,係皇家衛隊嘅首領。
Alphys
[編輯]Alphys係發明Mettaton嘅皇家科學家,亦都係遊戲唯一一隻唔可以戰鬥嘅主要怪獸。
Mettaton
[編輯]Mettaton係Napstablook嘅表兄弟,係一隻機械人,曾經同佢一樣都係鬼。本來佢係用來對付人類嘅,後尾唔知點解變成咗電視節目主持人。
Asgore
[編輯]Asgore係地底世界嘅國王,曾經係Toriel嘅老公。
Toriel
[編輯]Toriel係喺一隻慈祥嘅山羊怪獸,佢曾經係Asgore嘅老婆。
Flowey/Asriel
[編輯]Asriel係Asgore同Toriel嘅仔,死過一次,但係俾Alphys返生,變咗做一朵叫做Flowey嘅花。佢喺和平路綫同埋中立路綫都係最後嘅大佬。
Chara
[編輯]Chara係Asgore同Toriel收養嘅一個人類細路,係第一個跌落地底世界嘅人類,同Frisk一樣冇性別。雖然係中立路線同埋和平路線佢已經死咗,但係喺屠殺路綫佢俾Frisk嗰種所謂嘅「意志」超能力返生咗,同佢一齊毀滅地底世界。
參考
[編輯]- ↑ 歷時6年!粉絲自製《Undertale》前傳釋出新預告 宣布2022年冬季推出,聯合新聞網,2022年1月20號