StG 44
![](http://178.128.105.246/host-http-upload.wikimedia.org/wikipedia/commons/thumb/f/fa/Sturmgewehr44_noBG.jpg/220px-Sturmgewehr44_noBG.jpg)
Die StG 44 (afkorting van Sturmgewehr 44, "aanvalsgeweer 44") is 'n Duitse aanvalsgeweer wat tydens die Tweede Wêreldoorlog deur Hugo Schmeisser ontwikkel is. Dit staan ook bekend onder sy vroeë benamings as die MP 43 en MP 44 (Maschinenpistole 43 en 44). Die StG 44 was 'n verbetering van 'n vroeëre ontwerp, die Maschinenkarabiner 42(H).
Die StG 44 was die eerste suksesvolle aanvalsgeweer, met kenmerke soos ‘n intermediêre patroon, beheerbare outomatiese vuur, 'n meer kompakte ontwerp as 'n gevegsgeweer met 'n hoër vuurtempo, en wat hoofsaaklik ontwerp is om teikens binne 'n paar honderd meter te tref.[1] Ander gewere was destyds ontwerp om teikens van meer as 'n duisend meter te tref, maar daar is gevind dat dit meer as die afstand is waarin die meeste vyandelike aanslae werklik plaasgevind het.
Die StG 44 het sy rol doeltreffend vervul, veral aan die Oosfront, en bied 'n aansienlik groter volume vuur in vergelyking met standaard infanteriegewere. Die StG het grootliks die Sowjet-AK-47 beïnvloed, wat twee jaar na die einde van die oorlog in diens geneem is.[1][2] Die StG se invloed kan steeds gesien word in moderne aanvalsgewere, wat ná die Tweede Wêreldoorlog die globale standaard vir infanteriegewere geword het.[1]
Verwysings
[wysig | wysig bron]- ↑ 1,0 1,1 1,2 Ian V. Hogg, Terry Gander. 2005 Jane's Guns Recognition Guide, Ian Hogg & Terry Gander, HarperCollins Publisher, 2005, bl.287 Sturmgewehr 44 " Dit is die vader van alle aanvalsgewere, wat in 1941–42 in Duitsland ontwikkel is met 'n nuwe kort patroon. Oorspronklik bekend as die MP 43 (Maschinenpistole) vir Nazi-politieke redes, is dit herdoop na die "Sturmgewehr 44" na die suksesvolle bekendstelling daarvan in die geveg aan die Oosfront. Dit het die konsep van die gebruik van 'n kort patroon met beperkte reikafstand bekend gestel om beheerbare outomatiese vuur en 'n kompakte wapen toe te laat, en omdat ondervinding getoon het dat die meeste geweervuur op afstande onder 400 meter uitgevoer is. Na die oorlog is dit deur byna elke groot geweermakersnasies ondersoek en ontleed en op een en ander manier gelei tot die hedendaagse 5,56 mm aanvalsgewere.
- ↑ McNab, Chris (2013). German Automatic Rifles 1941-1945: Gew 41, Gew 43, FG 42, StG 44. Oxford, UK: Osprey Publishing. pp. 67–72. ISBN 978-1-78096-385-3.