Didier Burkhalter
![](http://178.128.105.246/host-http-upload.wikimedia.org/wikipedia/commons/thumb/9/9e/Didier_Burkhalter_2011.jpg/220px-Didier_Burkhalter_2011.jpg)
De Didier Burkhalter (* 17. April 1960 z Auvernier) isch en Schwiizer Politiker (FDP), wo vo 2009 bis 2017 im Bundesrot und vom 1. Jänner bis zum 31. Dezember 2014 Bundespräsident gsi isch.
Läbe
[ändere | Quälltäxt bearbeite]De Didier Burkhalter het an de Universität vo Noieburg Wirtschaftswüsseschafte studiirt und het sis Studium mim Lezenziat abgschlosse. Er isch ghürote und het drü Chind.
Politik
[ändere | Quälltäxt bearbeite]Sit em 1985 isch de Didier Burkhalter Mitgliid vo de FDP. Für sini Partei isch er im 1991 in de Gmeindrot vo Noieburg gwählt worde. Vorher isch er Mitglied vo de Legislative vo Hauterive NE gsi, spöter Grossrot vom Kanton Noieburg, ab em 2003 Schwizer Nationalrot und 2007 bis 2009 isch er Schtänderot gsi. Am 16. September 2009 isch er vo de Vereinigte Bundesversammlig zum Bundesrot gwählt worde. Am 1. November het er dann sis Amt als Nachfolger vom Pascal Couchepin aaträte und au sis Departement, s Eidgenössischi Departement vom Innere (EDI), übernoh. Uf de 1. Jänner 2012 hät er ins EDA gwächslet. Im 2013 isch er de Bundes-Vicepräsidänt gsi.
Am 5. Dezember 2013 isch de Burkhalter mit 183 vo 231 mögliche und 202 gültige Stimme zum Bundespräsident für s Johr 2014 gwählt worde.[1]
Am 14. Juni 2017 het er überraschend sin Rücktritt uss em Bundesrot uf Endi Oktober bekannt gee.[2] As Nochfolger isch de Ignazio Cassis gwählt worde. Ihm hät de Burkhalter s Amt per 1. November öbergee.
Weblink
[ändere | Quälltäxt bearbeite]![](http://178.128.105.246/host-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Offizielli Website vom Bundesrot
- Didier Burkhalter uf dr Websyte vo dr Bundesversammlig
Fuessnote
[ändere | Quälltäxt bearbeite]- ↑ Didier Burkhalter ist neuer Bundespräsident Artikel im Tagi vom 4. Dezember 2013
- ↑ Burkhalter: «Den Entscheid habe ich am letzten Sonntag gefällt» Artikel uf srf.ch vom 14. Juni 2017
Vorgänger Pascal Couchepin |
Mitgliid im Schwiizer Bundesrat 2009–2017 |
Nochfolger Ignazio Cassis |