Milio Rodríguez Cueto
Milio Rodríguez Cueto![]() | |
---|---|
Vida | |
Nacimientu | Xixón, 1962[1] (61/62 años) |
Nacionalidá |
![]() |
Estudios | |
Llingües falaes |
castellanu asturianu |
Oficiu | escritor |
Premios |
ver
|
![]() |
Milio Rodríguez Cueto (1962, Xixón) ye un escritor asturianu que trabaya como profesor de Llingua Española y Lliteratura.
Siendo estudiante de Filoloxía hispánica na Universidá d'Uviéu, publicó los sos primeros rellatos na revista Hojas Universitarias. Tamién tien collaborao na revista Lletres Asturianes y ye autor de traducciones de Stevenson, Sade, Shakespeare y Oscar Wilde, ente otros.
Nel campu de la lliteratura xuvenil, aparte de les traducciones pa la revista Lleo-Lleo, tien publicaos dellos llibros en castellanu, como Laura contra el tiempo, Mimí al volante o La Piedra de la culebra . Delles d'estes obres tán traducíes al catalán, al valencianu y al gallegu.
Sicasí, la obra cola que se dio a conocer foi'l Diálogu de la llingua o los gochos llinguateros (1990). Esti llibru, escritu como una parodia de los diálogos renacentistes, destaca pol tonu satíricu y la ironía cola que se denuncien dellos escesos del academicismu. Esi tonu polémicu apaez n'obres posteriores, tanto n'ensayu (Vistes Lliteraries), como en narrativa ( Románticu ), o nos artículos a mediu camín ente los dos xéneros publicaos en Les Noticies y La Nueva España .
La crítica ensin concesiones de los aspectos más risibles del asturianismu y de la sociedá asturiana en xeneral, l'humor intelixente faen de Rodríguez Cueto un casu aparte na lliteratura posterior al Surdimientu.
Recibió ente otros los premios Fuertes Acevedo d'Ensayu (en 1992 y 1999), el Xuan María Acebal de Poesía, el Premiu Edebé de Lliteratura xuvenil (en 1999), el premiu asturianu de la crítica (en 2005), el María Josefa Canellada de lliteratura xuvenil (en 2012 pol so trabayu Carne de melandru[2]) o el I Premiu de Novela Curtia Andrés Solar[3] .
Bibliografía
[editar | editar la fonte]Narrativa
[editar | editar la fonte]- Románticu. Xixón, 1992 ( trad. alemana Die Romantiker, 2001 )
- Aventures. Xixón, 1997.
- L'últimu volador. Xixón, 2004
- Véndese pisu. Xixón, 2006
- El final de la historia. Xixón, 2010
- Fortuna. Xixón, 2022.
- Una profesión de mierda. Uviéu, 2023.
Lliteratura xuvenil
[editar | editar la fonte]- Laura contra el tiempo. Barcelona 1997.
- Mimí al volante. Barcelona 2002.
- La piedra de la culebra. Barcelona, 2004.
- Carne de melandru. Xixón, 2013.
Ensayu
[editar | editar la fonte]- Vistes lliteraries. Uviéu, 1993.
- Manual de llingua asturiana. Xixón, 1994.
- Asturias : paisajes humanos, paisajes industriales. Xixón, 1997 . Obra realizada a comuña col fotógrafu Alejandro Fernández Braña.
- El velatoriu de Blancañeve. 1999.
- Asturias 25 miradas. Xixón, 2003.
Poesía
[editar | editar la fonte]- Flores de cementeriu. Uviéu, 2000.
Otros xéneros
[editar | editar la fonte]- Diálogu de la llingua o los gochos llinguateros. Xixón, 1990.
- El ciegu de la esquina. Xixón, 1999.
- Les razones del calamar. Xixón, 2000.
Traducciones
[editar | editar la fonte]- Robert Louis Stevenson : La Isla'l tesoru. Xixón, 1989.
- Oscar Wilde : La pantasma de Canterville. El crime de Lord Arthur Savile. Xixón, 1990.
- William Shakespeare : El rei Ricardo'l terceru. Uviéu, 1994.
- William Shakespeare: El rei Enrique'l quintu. Uviéu, 1995
- Marques de Sade : La filosofía nel salonín. Xixón, 1995.
- Guy de Maupassant: Bola d'untu y otros cuentos. Xixón, 1995.
- Maria Edgeworth: El castiellu la Rentona. Xixón, 1996.
- Marie de France: Lais de la vieya Bretaña. Xixón, 1998.
- Alvaro Cunqueiro : Les cróniques del sochantre. Xixón, 1999.
Ediciones lliteraries
[editar | editar la fonte]- Emilio Robles Muñiz, Pachín de Melás: Cuentos completos. Uviéu, 1993
Referencies
[editar | editar la fonte]- ↑ «rexistru d'autoridaes BNE». Consultáu'l 21 xunu 2020.
- ↑ Milio Rodríguez Cueto faise col premiu Canellada de lliteratura xuvenil consultao'l 19.11.2012
- ↑ El I Premiu de Novela Curtia Andrés Solar foi pa Milio Rodríguez Cueto yexixon.com Consultao'l 29.12.2021