Конкурс песьні Эўрабачаньне-1974
Конкурс песьні Эўрабачаньне-1974 | |
![]() | |
Дата | 6 красавіка |
---|---|
Вядоўцы | Кэці Бойл |
Тэлеканал гаспадароў | BBC |
Месца | Брайтан, Вялікабрытанія |
Пераможная песьня | «Waterloo» (Швэцыя) |
Сыстэма галасаваньня | У кожнай краіны было па 10 судзьдзяў, кожны зь якіх мог аддаць адзін голас упадабанай песьні. |
Колькасьць краін | 17 |
Дэбют | Грэцыя |
Сыход | Францыя |
◄1973 ![]() |
Конкурс песьні «Эўрабачаньне-1974» стаў 19-м конкурсам песьні Эўрабачаньне. Ён прайшоў 6 красавіка 1974 году ў горадзе Брайтане (Вялікабрытанія) на сцэне канцэртнай залі «Доўм». Люксэмбург ня змог правесьці «Эўрабачаньне» другі год запар па фінансавых чыньніках. Грэцыя дэбютавала на конкурсе, а Францыя адклікала заяўку за некалькі дзён да пачатку з-за сьмерці прэзыдэнта Жоржа Пампіду. Такім чынам, у конкурсе прынялі ўдзел 17 краін.
Колькасьць сяброў журы зноў склала 10 чалавек для кожнай краіны. Для нацыянальных журы было ўведзена правіла, якое рэкамэндавала роўную колькасьць мужчын і жанчын сярод сяброў, а таксама роўную колькасьць людзей маладзейшага і старэйшага за 25 гадоў. Пры гэтым іх мінімальны ўзрост мог складаць 16 гадоў, максымальны — 60 гадоў, а розьніца ва ўзросьце паміж найстарэйшым і наймаладзейшым сябрамі журы павінна складаць ня меней за 10 гадоў. Адзнака для кожнай песьні магла скласьці ад 1 да 5 балаў.
Швэцыя атрымала Гран-Пры гэтага году зь песьняй «Waterloo», выкананай ABBA. Другое месца заняла пераможца конкурсу 1964 году Джыльёла Чынквэці з Італіі. Сьпявачка Алівія Ньютан-Джон, якая прадстаўляла Вялікабрытанію, заняла чацьвертае месца.
Вынікі[рэдагаваць | рэдагаваць крыніцу]
![](http://178.128.105.246/host-http-upload.wikimedia.org/wikipedia/commons/thumb/5/5f/Map_of_Eurovision_1974.gif/270px-Map_of_Eurovision_1974.gif)
Краіны-ўдзельніцы конкурсу.
Краіны, якія занялі:1-е месца
2-е месца
3-е месца
# | Краіна | Выканаўца | Песьня | Ачкоў | Месца |
---|---|---|---|---|---|
8 | ![]() |
ABBA | Waterloo | 24 | 1 |
17 | ![]() |
Джыльёла Чынквэці | Si | 18 | 2 |
12 | ![]() |
Mouth and MacNeal | I see a star | 15 | 3 |
10 | ![]() |
Romuald | Celui qui reste et celui qui s’en va | 14 | 4 |
9 | ![]() |
Ireen Sheer | Bye, bye, I love you | 14 | 4 |
2 | ![]() |
Алівія Ньютан-Джон | Long live love | 14 | 4 |
6 | ![]() |
Poogy (Кавэрэт) | Natati la khaiai | 11 | 7 |
13 | ![]() |
Tina | Cross your heart | 11 | 7 |
3 | ![]() |
Peret | Canta y se feliz | 10 | 9 |
11 | ![]() |
Jacques Hustin | Fleur de liberté | 10 | 9 |
5 | ![]() |
Marinella | Krassi, Thalassa ke t’agori mou | 7 | 11 |
7 | ![]() |
Korni | Generacija 42 | 6 | 12 |
1 | ![]() |
Carita | Äla mene pois (Keep me warm) | 4 | 13 |
16 | ![]() |
Paulo de Carvalho | E depois do adeus | 3 | 14 |
14 | ![]() |
Cindy und Bert | Die Sommermelodie | 3 | 14 |
4 | ![]() |
Anne-Karine Ström and the Bendik Singers | The first day of love | 3 | 14 |
15 | ![]() |
Piera Martell | Mein Ruf nach dir | 3 | 14 |
Дадатковыя зьвесткі[рэдагаваць | рэдагаваць крыніцу]
Італьянскі тэлеканал РАІ падверг цэнзуры песьню Джыльёла Чынквэці «Si» («Так») па чыньніку таго, што яна магла быць успрынята як прапаганда напярэдадні рэфэрэндуму пра дазвол разводаў.
У Партугаліі трансьляцыя па радыё песьні партугальскага ўдзельніка стала сыгналам для пачатку перавароту, які прывёў да зьвяржэньня рэжыму Салазара.